Terorîst Cimo

Bi ya min bikin û neyên kujtin, yan xwe nedin kujtin. Bi ellawekîl hûn bi şîreta min nekin, xwedê ji we stend û hew, ihi!

De binerin bê kîjan welat bi xeter in û herî zêde çalakîyên terorîstî lê tên kirin.

Li gora ku şîrketa Ingilîz Maplecroft derxistiye holê û stuyê xwe şikenandiye, dibêjin di cîhanê de welatên ku herî zêde kiryarên terorîstî lê tên kirin û xeter in ev in:

Irak, Afganistan, Pakistan, Somali, Lübnan, Hindistan, Cezayir, Kolombiya û Tayland

Îcar ezê şîretek baş li we bikim cîgerlerim. Hûn bi ya min dikin yan nakin, ji xirrê serok Obama ve.

1-   Berî hûn serdana van welatan bikin, bi şêwirmend û sêhrbazên Lotikxanê bişêwirin

2-   Em vîzeya van welatan bi nîvê heq difroşin. Perên xwe nedin xelkê û vîzeya xwe ji şîrketa Lotikxanê bistînin.

3-   Di nava mesrefa vîzeyê de em xanimek Taylandî jî wek cêrî û rêber belaş didin we.

4-   Nexşeya van welatan di arşîvxaneyên Lotikxanê de paraztî ne. Em zanin bê li ku bombe, mayîn û narincok hene û li ku tunene. Herweha em pê zanin bê wê terorîst kîjan rojê, kîjan seetê û li ku bombeyan biteqînin. Ji ber vê, bêyî xebera Lotikxanê berê xwe nedin van welatan.

5-   Heger hûn bêyî xebera Lotikxanê çûn van welatên xeter û hûn bi bombeyên terorîstan şehîd bikevin, belaş û bê minnet emê stran û helbestan li ser we binivîsin û sloganên wek „şehîd namirin“ ji kîsî me ne..

6-   Heger hûn bê xebera Lotikxanê biçin van welatên çûn û nehatê, wê mal û milkên we, jin û zarokên we bi xwendevanên Lotikxanê bimînin. Emê belaş bavîtîyê ji wan re bikin, ebeden!

Ma ne bes e babam? Ma kî hevqas qencîyan belaş dike?

Axir, va min ji we re got. Heger hûn bê xebera şîrketa Lotikxanê serdana van welatên xeter bikin, em ne kefîlên we ne û hûn sax….

Ev nivîs di 16/02/2010 seet di 22:51an û di beşê Giştî de.