Ehmed Beyan

 

Şikir ji xwedê re, vê carê  xortekî qirase bû serokê partîya BDP û kêfa me anî. Hem jî xortekî ciwan, çeleng, xweşik û seksî. Yanî Selaheddîn Demîrtaş lo.  Wey li ser xêrê be û xwedê miradê wî bi 70 horîyên bihuştê bike rebbî…

Axir, li ser bextê fitne û fesadên nava BDP be, dibêjin kongreya BDP bi lotik û coşek mezin çêbûye û dê weledê xwe avêtiye.

Di kongreyê de Selaheddînê bûye serok û xaltîka me Gultan Kişanak jî bûye cîgir. Balkêş e ku xaltîka me Emîne Ayna nebûye seroka BDP û bi wî zimanê xwe yê xweş dest bi lotikan nekiriye. Lê bi dîn û îman kêfa min ji serokatîya Seloyê me re hat ha, xwedê heye.

Dibêjin di axavtina xwe de serok Demîrtaş (ecêb e ha, hem hesin e û hem jî kevir e kuro)  daye bin dûvê partîyên dewletê û qûş li wan qetandiye. Bi taybet di derbarê zimanê Kurdî de Demîrtaş lotikên xweş avêtine û bang li herkesî kiriye ku bi Kurdî biaxivin û perwerdeya xwe bi Kurdî bikin. Aha ev lotik lotikek bi îman e ellawekîl.

Neyse, ez bi navê Komîta Sîxurên Lotikxayê yên Enqerê serokatîya Selaheddîn Demîrtaş pîroz dikim, hêvîdarim ewê di pêşerojê de lotikên Kurdewarî virde wêde bavêje xelkê…

01-02.2010- Enqere

Ev nivîs di 1/02/2010 seet di 21:41an û di beşê Giştî de.