Kevîn Kurdson

 

Xwedê kesekî feqîr û deyndar neke. Bawer bikin çi bêbextî, dizî, qehpîtî, nankorî, xayintî û hezar quzilqurtên din, tev ji ber timayî û tunebûna peran çêdibin. Kesên ku bê pere û miflis bin û tew bi ser de jî deyndar bin, qûş li wan diqete û mecbûr dimînin ku her gûyî bixwin ji bo ku serê xwe di nav dost û hevalên xwe de bilind bikin, ne stuxwar bin.

Meselen xwendevanên keç yên Ingiliztanê.

Wê rojê lêkolînek balkêş li ser xwendekarên li zanîngehên Brîtanya çêbû.

Li gora lêkolînê, ji %60 û belkî jî zêdetir, xwendekarên zanîngehan ji bo ku karibin deynên xwe bidin, xwe amade dibînin ku di flîmên seksê de bilîzin û xwe bifroşin, namûsa xwe bikin pênc qirûşên xerabe.  

Ji ber ku piranîya xwendekarên li zanîngehan xwendina xwe bi deyn dikin, qûn li wan diqete û dikevin bin barekî giran. Brîtanya yek ji wan welata ye ku mesrefa xwendinê lê zêde ye û her xwendekarek bi kêmanî 23 heta 30 hezar sterlîn deyndar dibe. Ji xwendekaran re wextek pir dirêj divê heta ku xwendina xwe biqedînin, karekî baş bibînin û deynê xwe bidin.  Îcar ji bo ku karibin zûtirîn deynê xwe bidin, mecbûr dimînin ku di her karê ne li rê de bixebitin û xwe bifroşin.

Di lêkolînê de derketiye holê ku ji %60ên xwendekaran ji bo ku xwe ji deynan xilas kin, amade ne di flîmên porno û seksê de bilîzin. Ji ber ku di bazara porno û seksê de bi milyaran dolar tê qezenckirin û bazarek herî qezencane ye, xwendekar jî dixwazin di bazara pornoyê de lotikên seksê bavêjin, têxin xwe û ji xwe derxin. Çima? Ji bo ku çend qirûşên zêde qezenc bikin û deynê xwe bidin.

Îcar hûn bêedaletîya dinyayê dibînin ne wilo gelî xwendevanan?

Gava tunebe, pere ne şexsîyetê bi meriv re dihêle, ne namûs û ne jî xîretê. Lê gava hebe jî, dermanê derdê bêderman e.  Ji hinekan re pere wek ax û xwelîyê ye û ji hinekan re jî qirûşek dermanê derd û kula ye. Ji hinekan re pere dewlemendî, paye û sermayedarî ye û ji kesên wek xwendekarên Brîtanî re jî wek sind û qirase ye û dikeve wan.  Ji ber vê ye ku dibêjin:”Pere dikute mere”

Îcar ma ev bû?   

Wey ez di wilo edalet de bimîzim erê welle û hew, wey tifûûûûûûûûû!

17.01.2010- London

Ev nivîs di 1/02/2010 seet di 21:11an û di beşê Giştî de.