Firildeq Elî

Polîsên Tirk hingî li zarokên Kurdan dixin, wan digrin û dixin zidanê, psîkolojîya wan têk çûye û bûye wek şorba kelandî. Bêbavan hingî hînî lêxistina zarokan bûne, sebra wan hew bê lêxistina zarokan tê. Hetta gihaye wê astê ku li zarokên xwe jî dixin û qûşê li wan diqetînin.

Li bajarê Gîresûn a Tirkiyê, polîsê bi navê Mehmet Altintaş, dil dikeve jinek din, pê re dijî û doza berdanê li jina xwe vedike. Jina xwe berdide û herdu zarokên xwe jî digre cem xwe.

 

Piştî ku zarokên xwe tîne cem xwe, bi dar û jopan bi kurên xwe dikeve û her şev wan dike nanik.  Carekê dîsa gava li kurekî xwe dixe, dest û lingê wî dişkîne û rebenê kurik dixe qomayê.

Werhasilî kelam, mesela me li ser wahşeta polîsên Tirk bû.

Ma polîsên ku dest û lingên zarokên xwe bişkînin, wê çawa dilê wan bi zarokên Kurdan bişewite babam?

Îcar hesab li cem we….

Stenbol

Ev nivîs di 18/02/2010 seet di 08:00an û di beşê Giştî de.