Pornocî Kemal

Hinek mala xwe dibin mîratê û dibêjin:“Yaw kelefên mezin (haşa min hizûr, qûnên mezin lo) hemi bez e û nexweşî jê çêdibe“ filan û fîstan. Îcar ma ev ne derew e gelî xwendevanan? Ma law ji kelefên mezin xweştir goşt heye qardaşim? Gava hûn heywanan serjê dikin, hûn ne goştê qelew dixwin û jê hez dikin? Belê.

Werhasil

Pisporên Ingilîz derxistin holê ku çîm (paq) û kelefên mezin û têrgoşt bê zirar in û tew ji tenduristîyê re bi fayde ne. Pisporên Ingilîz bi şeş telaqan sûnd dixwin ku paq û qûnên mezin bedenê li dijî pirsgirêkên metabolîk diparêzin û qet zirara wan tuneye.

Li gora pisporên Ingilîz, dibêjin xwedêgiravî di bezên paq û qûnên qelew de maddeyên li dijî xitimandina damar û edavê hene û ev bez û dohn rê li ber hinek nexweşîyan digrin.

Pisporên ku ji kovara Journal of Obesity re axivî ne, dibêjin ewê karibin hinek nexweşîyên merovên ku jar û zeîf in, bi bez û dohnê qelew yên paq û kelefan derman bikin û hetta ewê karibin van bez û dohnan li dijî nexweşîya şekir jî bikar bînin.

Pisporên Zanîngeha Oxfordê, bi namûsa xwe sûnd dixwin ku tu zirara wan bez û rûnên di paq û kelefên qelew û mezin de tuneye û dibêjin:“Bela jin û mêrên qûnmezin netirsin û ji mezinbûna qûna xwe fedî jî nekin“ û lotikek bêîman davêjin.
Axir, pisporên Ingilîz jina xwe ji xwe berdidin û pesnê paq û qûnên qelew û têrgoşt didin cîgerlerim. Îcar hûn qûna xwe mezin dikin yan nakin, ji nav şeqê Xaltîka Fatê ve û hûn sax….

 13.01.2010

Ev nivîs di 1/02/2010 seet di 20:06an û di beşê Magazîn de.