Kevîn Kurdson

 Hinek  ji birçîna dimrin, hinek ji belengazî dikevin rêyên xerab, beden û kesayetîya xwe difroşin û hinek jî dewlemendtir dibin û nizanin wê perên xwe têxin ku, di ku de veşêrin. Meselen serok û patronê Apple Steve Jobs.

Steve Jobs ê ku 40 milyar dolarên wî hene û ji timaya malê dinyayê têr nabe, di civînekê de tirrek qerase kiriye û gotiye:”Bi şeş telaqan 40 milyarên Apple hene, lê ez nizanim çi bi wan peran bikim û di kîjan qulê de veşêrim yaw” û keniyaye.

 

40 milyar dolar haaaa!?

Law cîgerim, madem tu nizane çi bi wan peran bikî û di kîjan qulê de veşêrî, xêrekê bi dê û bavê xwe bike û hema tiştekî hindik, 20 milyar dolar ji birçî û belengazên Lotikxanê re bibexşîne law, ma wê li talanê te bikeve mîster Jobs!

Soz be, emê jî wek Lotikxane 20 milyarên te yên din bê faîz di “Lotikxane Banqesî” de biparêzin û heta bi mirina te jî wan peran nedin kesî. Lê piştî mirina te em û wîjdanê xwe babam. Emê bi 10 milyar dolar tirb û mezelekî wek “Birca Belek” ji te re çêkin û bi 10 milyarên din jî pê kerxaneyekê ji feqîr û fiqareyên Kurdistanê re çêkin ellawekîl. Hem jî wê xêrek pir mezin li te bibe haaaaa, bi dîn û îman ne bi xêra wê kerxanê be te ruyê bihuştê nedît, ihii!

Îcar ji me gotin ya mîster Jobs. Îcar tu û wîjdanê xwe law. Te alîkarî kir mala te ava, te nekir jî hema ji vî ve û xelas, wî!

Amerîka

Ev nivîs di 7/03/2010 seet di 18:42an û di beşê Giştî de.