Ji niha ve spas kaka

Wek hûn zanin, serê sala nuh, ango 01.01, hema bêjin ji alî temamê dinyayê ve tê pîrozkirin. Lê sersala Kurdan di 13.01 de tê pîrozkirin. Dîrok û sedema 13.01 ba? nayê...

Wek hûn zanin, serê sala nuh, ango 01.01, hema bêjin ji alî temamê dinyayê ve tê pîrozkirin. Lê sersala Kurdan di 13.01 de tê pîrozkirin. Dîrok û sedema 13.01 ba? nayê bîra min, lê heta bi îro jî li hinek ciyên Kurdistanê Kurd di 13.01 ê de sersala xwe pîroz dikin.  Heta sala 1980î jî me li gund sersala xwe di 13 ê mehê de pîroz dikir, xwe dikir qirdik û di nava gund de li pere, nok û mewîjan digeriyan.

Welhasil, mesela min li ser 01.01, sersal û rojbûna min bû.

Di nasnama gellek ji Kurdên me yên bakur de rojbûna wan wek (01.01) hatiye nivîsandin. Memûrên dewletê zêde serê xwe pê nediêşandin.

Ji ber ku xwendin û nivîsandin kêm bû û dê û bavan „Kurmanckî“ lêdixistin, rojbûna zarokan nedihat bîra wan,  dê û bavan nizanîbûn zarok di kîjan rojê de çêbûne. Gava memûrên dewletê didîtin ku rojbûna zarokan ne kifş e, hema yekser 01.01 di nasnama wan de dinivîsîn û xwe jê xelas dikirin. 01.01 wek mohra Silêman pêxember li nasnama zarokên Kurd diket.

Di nasnama min de jî mohra Silêman pêxember heye. Ango ez jî di 01.01 de çêbûme. Lê rojbûna min ne wek a xelkê tofelaqî ye, rast û dirust e. Min ji bavê xwe pirsî û wî jî bi sê telaqên jinberdanê sûnd xwar û got „sedî sed rast e, tu di 01.01 de  hat dinyayê û te lotikek li me xist“.  Xuyaye ji ber ku min di çêbûna xwe de jî gellek lotik avêtine, ez bûme Lotikxanecî û heta niha jî dev ji lotikan bernadim.  Belê, 01.01, sersala Mîladî û çêbûna min.

Metirsin qurban, ez wek hinekan nabêjim ku „ez û Hz.Îsa hevdemên hev in“. Ji ber sersala Mîladî sersala Îsa pêxember e jî. Ji ber vê, wê dinya û alem sersala Îsa pêxember û sersala min pîroz bikin. Ji niha ve xwedê ji we razî be, xwedê miradê we bi 70 horî û nûrîyên bihuştê bike rebbî. Lê ku we 01.01, ango sersala min pîroz kir, destvala pîroz nekin qurban. Çend gul û beybûnan ji Lotikxanê re bişînin.

Bi vê minasebetê, ez sala 2011 li we û li temamê Kurdan  pîroz dikim.

Pîrkemal

 

Categories
PîrkemalQuncik
One Comment
  • Qijikê Dêrsimê
    30 Dezember 2010 at 13:40

    Welle xwedê daye bashchawîshê me u hew babam.
    Ê kî chi dibê bila bibê, bi qewla xwedê ez sond dixwim ku bashchawîshê me pêxemberê qeraseyan e. Loma jî bsayin pêxemberê me qîma xwe bi „pirtukeke pîroz“ neaniye, ketiye nav cîhana dîjîtal u tirrê ji înternetê berdide cîgerlerim.

    De bila sersal u rojbuna bashqan u pêxemberê me bashchawîsh bi heftê horiyan were pîroz kirin ellawekîl, amîîîn.
    Yê ku vê qebul nake jî, ji vî va dînime îmanime, ihi.

  • Leave a Reply

    Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

    • Bê çete jiyan nabe!

      Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
    • Aş diçe wan daye dû çeqçeqê

      Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
    • PKK û bangewazîya yekîtîyê

      Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
    • Di siyaseta Kurdan de giringiya ehlaq!

      Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...