Dez 1, 2020

 Endamê Encumena Nûnerên Iraqa Federal mamê me Mahmûd Osman, lotikek bêîman li AKP û serokê wê Erdogan xist û çewalek xist serê wî.

Mamê me Osman da bin dûvê Erdogan û siyaseta wî û got: „Sîyaseta hikûmeta Tirkiyê sîyasetek durû ye, gotin û kirinên serokê hikûmetê wek reş û spî dûrî hev û ji hev cuda ne“ û pê de çû.

Mahmûdê me şerwalê  Erdogan li serê wî pêça û ji PNA re gotiye: „Bi şeş telaqên jinberdanê, kiryar û gotinên Erdogan ji vir û heta ba xwedê ji hev cuda ne. Kiryarên wî şerxwazî ye, ne tenê şerê PKK lê şerê me jî dike, gundên me topbaran dike. Ew û Îran destebrakên hev in, bi hevre lotik û zîtirkan davêjin Kurdan.  Her çiqasî Erdogan, Îran û Beşar Esed ne li hev bên xuyakirin jî, li dijî Kurdan hevkarîyê dikin û lîztikên dewleta Elî Osman li serê xelkê digerînin“ û da bin dûvê wî.

Mahmûd Osman, dîsa bi şeş telaqên bê fitû sûnd dixwe ku di êrîşên ser Qendîlê de 4 PKK î jî nehatine kujtin û tu pêwendîya êrîşên dewletê û PKK bi hev ve tuneye.

Osmanê me di dawîya axavtina xwe de behsa sextekarîya Erdogan û hikûmeta wî kiriye û gotiye: ”Misilmantî ha! Oxlim dibêje em tev misilman in û Kurd brayên min in. Madem Kurd brayên te ne, çima tu mafê brayên xwe nadî wan ewladim? Zêdetirî 20 sala ye hûn heman derewan ji Kurdan re dikin û bi navê misilmantî û bratîyê wan dixapînin, ma ne bes e kurê min? Heke hûn derewan nakin, mafê Kurdan bidin wan, di makzagonê de wan qebûl bikin û maddeya 66 ji makzagonê rakin. Lê nakin, ew dixwazin Kurdan bi Kurdan bidin kujtin” filan û bêvan.

Werhasilî kelam, mamê me Mahmûd Osman lotikek Kurdewarî li Kasimpaşalî Receb xist û tirr jê berda wesselam. Aqûbet li siyasetmedarên din be rebbî….

Hewlêr


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: