Nov 27, 2020

Kurdekî me li Stenbolê ji kurê xwe re keçeke Tirk xwest. Daweta wan kirin, li taxek din warxanek kirê kirin û li wir bi cîh  bûn. Piştî dawetê xinamîyên xwe herî baştir nas kirin.” Kultur û kevneşopîyên wan ji hev cuda bûn, ji hev xweşnûd  nebûn. Ev mijar li malê dihat axaftin, zar û zêç jî bi rewşê  hayedar bûn.

     Rojekê telefon hat, xortê Kurd ji dayîka xwe re got “ Dayê, li ba te bê edebî nebe bûka te niha li nexweşxanê ye, hûn dikarin werin gelo?

 Dêya wî got “ Kurê  min xêr e ? Çi bû?

 Xortê me şermokî got “ Xêr e, dayê bûka te raza, jê re keçikek bû “ Dayê tatêl girt, li mêrê xwe gerîya, agahî dayê ku were û bi hev re biçin nexweşxanê.

     Keçika wan ya biçûk Zeyno ji dêya xwe pirtir bi tatêl bû, dixwest bi lez biçin nexweşxanê. Dêya Zeyno got “ Keçê tu çima lez dikî? Bavê te di rê de ye, bila were emê biçin ha

Zeyno got “ Dayê ma tu fêm nakî, em berî Tirkan biçin tif devê pitikê bikin; bila xûyê wî bişibe yê me.”

Dê bi kenîn  ji xwe ve çû werhasil.

       Gelo wextê ev xwarzîyên Tirka yên Kurd ji dayîkên xwe bûn, yekî/yeka wek Zeyno bi aqil tunebû tifî devê wan bikirna  ku bişibîyana  me ?

Hûn bawer bikin  em cezayê ne tifkirinê dikişînin, hûn çawa difikirin gelo?

Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen
%d Bloggern gefällt das: