Kî 6 jinan bide min ez dibim endamê wan

Li ser bextê fitne û fesadên nava partîên îslamî be, dibêjin di nav endamên partîên îslamî de anîna jina duyem û sêyem bûye sineta pêxember, bûye adet û mode....

sofi-xelefoLi ser bextê fitne û fesadên nava partîên îslamî be, dibêjin di nav endamên partîên îslamî de anîna jina duyem û sêyem bûye sineta pêxember, bûye adet û mode.

Dibêjin jina peyamnêrê televizyona Spêde ya Yekgirtûya Îslamî ya Kurdistan Diyar Goran, jina duyem ji bo mêrê xwe xwestiye, ew xemilandiye û veguhestiye mala xwe, ji xwe re kiriye hewî. Şîrîn Sabîra ji mêrê xwe re gotiye: „Ev karê min ê herî bi xêr e ku ez li dinyayê ji te re bikim. Ma her şev heman tirşik nayê xwarin, min karekî gelek mezin ji bo hevserê xwe kiriye“ filan û fîstan.

Aha gerek jin wek Şîrîn Sabîra bin ellahwekîl!

hewler zewacMa jina ku jina duyem û sêyem ji mêrê xwe re nexwaze, jina ku mêrê xwe ji xwarina heman tirşikê azad neke, jin e? Na babaaaaaa, welle, bille û tille, ku jin ne wek Şîrîn xanim merd û xêrxwaza mêrê xwe bin, ne tu jin in wî!

Axir, ev 25 sal in ez bi jinekê îdare dikim. Bi namûsa mêrê çê, ez bi xwarina heman tirşikê virikî bûme lo, êdî ez jî xwarinek cuda, xwarinek xweştir û lezîztir dixwazim canim, ma ez ne ji Eyşika Ereb im.

Na na, min êdî biryara xwe da. Xuyaye heta ez nebim endamê partîyek îslamî, ezê nikaribim jina duyem, sêyem, çarem û pêncem bînim. Ji roja ewil de ez bibûma endamê partîyek îslamî, wê niha bi kêmanî 4 jinên min hebûya û minê her şev heman tirşik nexwara. Min çi mala xwe bir mîratê û ez nebûm endamê partîyek îslamî yadêêêêêêêê!

Îcar banga min ji bo partîyên îslamî ev e:

„Kaka can, heke hûn dixwazin alim, zana, qelemşûr û qeraseyekî wek Sofî Xelef bikin endamê xwe, şeş jinên germik û nermik amade bikin. Qelenê min 6 jinên bedew, spehî, memikmezin, bejinzirav, pozbilind û têrgoşt in. Rêxistin yan partîyên ku 6 jinên serbixêlî bi def û zirne têxe paxila min, bê qeyd û şert ezê bibim endamê wan“ û hûn sax….

Categories
Kadîn
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...