Xanim Curphey, ji ber êşa tihêla (kêlek) xwe diçe doktor. Doktor tehlîla elemgirtina mîzê datîne û heban dide rebena Curpheyê. Lê di encama tehlîl û analîzên Nexweşxana St:Helîer ê de tê dîtin ku sedema êşa Curphey ne elemgirtina rêyên mîzê ye lê ji gurçikên wê ye.
Piştî lêkolînên 10 rojan, derket holê ku li tihêlek wê 3 gurçik û li tihêla din jî gurçikek wê heye. Ango 4 gurçikên wê hene.
Jina bi 4 gurçikan!
Aha jin divê wek Curphey bi 4 gurçikan bin qurban.
Ma jinên bi 2 gurçikan jî jin in?
Yan mêrên bi 2 gurçikan bin jî mêr in?
Go jin ne 4 gurçikî bin, go mêr ne 4 gurçikî bin, ferqa wan û pisîkan ji hev çiye newilo? Pisîk jî bi 2 gurçikan in wî…
Axir, dibêjin niha Curphey xanim 2 gurçikên xwe derxistine bazar û mazatê û ew dane ber firotinê. Bi taybet ji bo xwendevanên Lotikxanê ji %10 erzanîya gurçikan heye. Kesên bê gurçik û ziravqetandî bin, bela serî li me din û ji %10 erzanîya gurçikan nerevînin.
Gurçikên Curphey xanimê taze, germik û nermik in. Ne bêhna mîzê ji wan tê û ne jî bêhna nîkotîna cigarê. Hem tên kelandin, hem tên qelandin, hem tên brajtin û hem jî di laşê we de tên bikaranîn.
Îcar hûn bi qîma xwe ne.
Ji me gotin..
London
Zêdetir
Melayê zinêkar û jinika reben
Em jî heman tiştî dibêjin, lê kes bi ya me nake kaka
Go ga ket kêr lê pir dibin