Hop şer e, şer e û şer e, dîsa li meydanê şer e

Belê kezebno, çete û meteyên sererd û binerd ketine pêsîra hev û hevdu dane û didin ber lotik û zîtirkan. Serê rebenê Kasimpaşalî Receb ji bela û teşqeleyan xelas...

Belê kezebno, çete û meteyên sererd û binerd ketine pêsîra hev û hevdu dane û didin ber lotik û zîtirkan. Serê rebenê Kasimpaşalî Receb ji bela û teşqeleyan xelas nabe. MHP, CHP û BDP ne bes bûn, Ewrûpa, Amerîka, Rûsya û Îsral ne bes bûn, Îraq, Îran û Sûrî ne bes bûn, îcar serê wî bi Cemeeta Fethûllah Gulen re ketiye belayê û şev lê herimandine.

Wey weleeedddddd û wey weled!

bakanPiştî nîqaşên li ser girtina dersxaneyên Cemeeta Gulen efendî, pevçûn û şerê di navbera Kasimpaşalî Receb û Gulen efendî de xurt û geştir bû. Êêêêêêêê, ma Kasimpaşalî can e Gulen bacan e? Na. Ma serê du beranan di beroşekê de dikele babam? Na. Yek sererd e û yê din jî binerd e. Û her du alî jî dixwazin bibin mîr û hakimê Tirkîyê. Îcar wê xwedê bide kê, incex û incex melkemot zanibe.

Axir, berî hilbijartinan bi çend mehan lotikek qerase li cîgerim Erdogan xistin. Sê wezîrên wî yên qerase bi gendelî û bertîlxwarinê tên sûcdarkirin. Kurên hersê wezîran bi milyon dolaran pare hatin girtin, belgeyên gendelî û bertîlxwarinê hatin weşandin û bêhnek gennî bi ser Tirkîyê û hikûmeta Erdogan ket. Rebeno bi wê bêhna gennî gêj û sewsî bûye û wek mirîşka gêj lê hatiye. Ji alîyekî ew li Cemeeta Gulen gef û fortan dike, ji alîyê din Gulen efendî dibê „Meriv heddê xwe zanibe başe“ û wî dide ber lotikan. Xwedê neyne serê kesî rebbî!

Axir, wê hîna poxê gellekan derkeve holê. Heçê bertîl xwar û bêrîka xwe tije kir xwedê dayê. Û heçê bertîl nexwar û wek min rebenê xwedê ma himmal û karkir, bi xirrê girt û hûn sax…

Stenbol

Categories
Kadîn
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Ruhê koletîyê Kurdan diduruvîne

    Sîrac Oguz Neyarên Kurd û Kurdistanê, dîsa dest bi fen û fêlbazîyên dîrokî dikin. Dixwezin di nav milletê Kurd da, dubendî û îxanetên mezin pêk bînin. Gava ku milletê...
  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...