Belê, kevneserokwezîr û baronê medya Îtalî Sîlvîo Berlûsconî niha di qulika hepsê de ye. Ji ber bertîlxwarin û gendelîyê lotikek xwar û niha di girtîxanê de ling avêtiye ser ling.
Rayedarên dadwerî û yên girtîxanê ji bo ku Berlûsconî biaqil bibe û di girtîxanê de tiral û betal nemîne, melkesek xistin destê wî û ew kirin çopçî. Yanî ew kirin zibilker. Li gor tê gotin, bajarê Romayê bi xêra Berlûsconî ji çop û zibilê xelas dibe û pakij dibe, dibe wek pîvazterkê.
Erê dinyayê…
Wextekî Berlûsconî serokwezîr bû, patron û baronê medya Îtalî bû, her roj bi keçik û qîzên 18-19 salî re lotik davêjin û şûr simbêlê wî nedibirrî.
Lê îro melkes di destan de û kolanan pakij dike.
Wey weleeedddddd xalê Berlûsconî wey weled!
Ê de aqûbet li serok, rêvebir û siyasetymedarên Kurdan be rebbî!
Gellek ji serok, rêvebir û siyasetmedarên me qûş li Kurdan qetandin. Ji bo berjewendîyên xwe û partîyên xwe malik li Kurdan û doza Kurdan birin mîratê.
Gelo wê rojekê ew jî bên darizandin û wek Berlûsconî bibin çopçî?
Ê de kaaaaa, xwezî bi wê rojê û hew…
Mîlano
Zêdetir
Şahê Îranê lotikek avêt û bang li Îranîyan kir
Îranê tir ji Îsraîlê berda
Sûdanî lotikek avêt û pesnê Amerîkayê da