Dînê Ateîst

Yekî dîn û yekî dîndar li civatekê li ser hebûn û nebûna Xwedê dikevin qirika hevdu û pevdiçinin. Ê dîn, ligel dînbûna xwe piçekî jî xwedanenas-ateîst e. Hebûna Xwedê...

Yekî dîn û yekî dîndar li civatekê li ser hebûn û nebûna Xwedê dikevin qirika hevdu û pevdiçinin.

Ê dîn, ligel dînbûna xwe piçekî jî xwedanenas-ateîst e. Hebûna Xwedê qebûl nake. Ku hinek jê re dibêjin: „Hey gû lawê gû! Xwedê tu çêkiriyî, tu çawa hebûna wî qebûl nakî? Ji wan re dibêje: „Xwedê medê ez çênekirime. Bavê min niyha dêya min, ez çêbûm.“

Axir…

Ê dîndar li yê dîn dinêre, dibêje, Xwedê heye û ev hemû hebûn jî bi wî ye. Ê dîn jî, vê yekê qebûl nake, xwe li erdê dixe û ji ser a xwe daneyê, dibêje, Xwedê tune ye…

Yek jî Dîno, yek ji Dîndaro, dibezin hevdu. Hevdu dibin û tînin. Piştî kêliyekê çend camêr dikevin navbera wan, wan ji hevdu vediqetînin. Civat belav dibe, her kes dihere mala xwe, lê wê şevê xew nakeve çavên mêrikê me yî dîndar; heta berbanga sibehê di ber xwe de dike niçeniç û diqirqile.

Mêrikê me, bi azana melê re lê dixe dihere mizgeftê. Mele çawa çav lê dikeve, fêm dike rewşa mêrikê wî nebaş e. Gû ji wechê mêrikê wî diherike… Mele dibêje:

-Xêr e, çi qewimiye camêr? Ma qey şeytan bi te keniyaye?

Mêrikê me dibe ufeufa wî,

-Ev deyûzê dîn î beradayî ez pir aciz kirim vê êvarê. Xew neketiye çavên min.

Mele dibêje:

 -Weee! Vî deyûzî çi bi te kiriye ku tu ewqasî aciz bûye gidî?

Mêrikê me dibêje:

-Qûnde dibêje, „Xwedê tune ye…“

Mele dibêje:

-Ka li dora xwe binêre, ma tu Xwedê dibînî?

Mêrikê me, li mele dinêre, li dora xwe dinêre, dibêje:

-Na, ez nabînim…

Mele dibêje:

-Wê çaxê Dîno rast dibêje. De nimêja xwe bike û here serê xwe di jina xwe ke. Hebûn û nebûn di wir de ye…

 

Devliken Kelogirî

Categories
Devliken Kelogirî
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • Lê lê lo

    Min got, „Qîza qereçî nabe xatûn“ tu carî, ji qewla pêşîyan… Û „her teyr bi refê xwe re difire“ jî xweş e û ne xerab e. Pêşî û paşî...
  • fotograf

    Doh doh bû, îroj îroj e… Piştî 20 salan îroj, min li fîlmê Fotograf ê Kazim Oz nerî; çendî hindik be jî, keda min jî tê de heye. Feyyaz...
  • Zarokên ji masturbasyonê çêbûne

    Medyaya sosyal qada egoyê ye, ji bo zarok û nezan û xwenezanan. Û nifşê nuh nifşekî ecêb e. Enerjîyeke wan a bêsînor heye, lê heyf ku qîmetê wê enerjîyê...
  • Hasta la vista

    Rojev mîna bêjingê ye, diheje û hey diheje. De bihejîne, zalim, xweş bihejîne! Tu li ser kursîyê rûniştîyî û kî heq e, kî neheq e, tu heq belav dikî...