Gulbaharê jî diz derket

  • by Lotikxane
  • 1 year ago
  • 0

Ne li ser bextê min be, li ser bextê diz û destdirêjên Sûr a Amedê be. Dibêjin Seroka Komela Çaksazîya Alternatîf û kevneseroka şaredarîya Sûr ê Gulbahar Ormek, pareyên ku bi vir û derewan ji bo komelê dabûn hev revandiye û terq û dinya bûye, xwe ji ber xelkê daye alî û winda ye.

Li gor xelkê Sûr a Amedê dibêjin, komele girtî ye û Gulbahar Ormek jî tevî pareyên komelê reviyaye û nebedî ye, kes nizane li ku ye. Yanî, Gulbahar Ormek xanim efendî dizî kiriye, pareyên ku li ser navê kolemê ji xelkê dabûn hev, revandiye û xwedê zane bê li kîjan welatî kêfa li ser kêfê dike.

Gulbahar Ormek endezyara çandinîyê ye. Di hilbijartinên 2009an de ketibû meclîsa şaredarîya Sûr ê. Piştî girtina şaredar Abdullah Demîrbaş, Gulbahar Ormek bûbû cîgirê şaredar û piştre jî bûbû şaredara Sûr ê.

Bi kurt û Kurmancî gelî lotikvanan, heçê tê pelûlê bi serê Kurdên reben dadike û heçê diçe jî mîrkutekî li nav serê Kurdên xwelîser dixe. Li ser navê Kurdên xwelîser hinek bûn holdîng, hinek bûn wekîl û şaredar, hinek bûn mîr û wezîr û hinek jî wek Gulbahar Ormek bûn diz, gendel û bertîlxur.

Û Kurdên wek min xwelîser û ehmeq çi kirin?

Bi xirrê min girtin, ji bêaqilîya xwe dîsa li rastê man, ne mal ma û ne can wesselam…

gulbahar ormek

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

%d bloggers like this: