Generalê me lotikek xweş avêt, lê ya girîng encam e

Bavê Cengo Wek hûn zanin, vê heyamê navbera PKK û PDK bûye quzilqurt û ji bo şerê navxweyî û brakujî derkeve, çi ji destê lotikvanên PKK tê dikin û...

Bavê Cengo

Wek hûn zanin, vê heyamê navbera PKK û PDK bûye quzilqurt û ji bo şerê navxweyî û brakujî derkeve, çi ji destê lotikvanên PKK tê dikin û ciwanmêran teqsîr jî nakin. Teqandina borîya petrola Kurdistanê, kujtina midûrê gumrikê û kujtina pêşmergeyan çend lotik û zîtirk ji kiryarên PKK ne.
Werhasil, dibêjin heçê ne li malekê nizane bi hewalekê. Wek dibêjin, herkes li ser mirîyê xwe digrî. Em Bakurî li ser malwêranîya Bakur digrîn û Başûrî jî li ser malwêranîya xwe û PKK digrîn.

Axir, mesela me li ser gotinên generalê me Mezlûm Kobanî bû..

Fermandarê Giştî yê Hêzên Sûriya Demokratîk (HSD) û lotikvanê mezin General Mezlûm Kobanî, ji malpela Al Monîtor re axivî ye û çend lotikên qerase avêtiye.
Mezlûmê me di derbarê nakokîyên navbera PKK û PDK de gotiye: “Bi şeş telaqên jinberdanê, em nabin beşek ji nakokîyên navbera PKK û PDK û em piştevanîya alîyekî ji wan nakin. Nakokîyên herdu alîyan wê bandorê li danûstendinên partîyên Rojava bikin. Ji ber vê yekê, ez bi YNK û Nêçîrvan Barzanî re di pêwendîyê de me” filan û fîstan.

Generalê me piştre dîsa gotiye: “Divê Kurdên Sûrîyê bi xwe rêveberîya xwe bikin û biryarê bidin”. Yanî, divê tukes (PKK û PDK) destê xwe nexin nava Kurdên Sûrîyê û mejîyê wan nekin şorba nîskê.

Ez serê we neêşînim, Mezlûmê me di dawîyê de gotiye: “ Bi allahwekîl di pêşerojê de ez dixwazim bi temamî derbasî nava karê siyasî bibim û dev ji lotik motikên eskerî berdim ” û xatir ji malpela Al Monîtor xwestiye.

Ê de ya bi xêr…

Hêvîdarim Mezlûm Kobanî li ser gotina xwe bimîne û rê nede ku PKK û PDK yan YNK û partîyên din desttêwerdanan di Rojava de bikin û têkilî û hevkarîya partîyên Rojava têk bibin.

Qamişlo

office 2013 lizenz kaufen

Categories
ArşîvBavê CengoKadînNivîskar
  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...