• Di. Dez 7th, 2021

Salih Mislim lotikek li Mesrûr Barzanî xist

VonLotikxane

Dez 23, 2020


Çar hawîr PDK û Barzanîyan hatiye dorpêç kirin û wey li wî ye ku dijminatîya Barznîyan bike. Çima ku PDK û Barzanî di xeta serxwebûnxwazî û Kurdistanîbûnê de ne, heçê tê û lotikekê li wan dixe û wan sûcdar dike.

Piştî provokasyonên li Silêmanîyê, bi taybet medya hevaller û çepê Tirkan li dijî PDK û Barzanîyan dest bi propagandayek kirêt kirine. Ji alîyê din Tirkiye, Îran û Iraq jî li dijî Barzanîyan ketine nav dîplomasîyek xurt û bi rêya Haşdî Şabiî û dergevanên xwe dixwazin rojek berî rojekê destkeftîyên Başûr û Rojavayê Kurdistanê têk bibin û Kurdan bi hev bidin kujtin.

Axir…

Lotikvanê mezin û simbêlboq xalê me Salih Mislim jî ket nav karwanê êrîşkaran û li dijî PDK û Serokwezîr Mesrûr Barzanî axivî. Mislim, di çapemenîya hevaller û çepên Tirkoleran de da lotikan û got: “ Yekî wek Mesrûr Barzanî li serê Kurdan kirin bela. Hêzên ku Rojava dorpêç kirine Pêşmergeyên Roj in, ji xwe herkes dîroka Pêşmergeyên Roj zane” filan û fîstan.

Yanî hêzên ku Rojava dorpêç kirine ne hêzên Bexda, Tehran û Şamê ne, lê Pêşmergeyên Roj in.

Me heta vir fêhm kir ya xal.

Em bêjin Mesrûr Barzanî li serê Kurdan kirin bela.

Baş e, gelo kê hûn li serê Kurdan kirin bela?

Dihok