PKK û bangewazîya yekîtîyê

Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....

Metîn Pîranî – Sekreterê Gişti yê Hereketa Azadî

PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike. PKK ku ji damezrandina xwe ve daxuyaniyên bi vî rengî dide, bi devkî an jî pratîkî ragihand ku her carê ji ber sedemên cûda bi cûda danûstandinên yekîtiyê diqedin.

Lêbelê, ev sê meh in, digel peyvên yekîtiyê êrişa li dijî Hêzên Pêşmerge li Navçeya Federal a Başûrê Kurdistanê, sabotekirina boriyên nefta dike û her wiha gef û tehdîdên xwe jî kêm nake. Carcarinan ew hîn bêtir pêşve diçe û rêveberên Hikûmeta Kurdistanê bi xiyanetê sûcdar dike.

Di van êrîşan de bi dehan pêşmerge şehîd û birîndar bûn û ziyanên darayî yên bi sed mîlyonan dolar ji ber êrişên li ser boriyên neftê çêbûn. Mixabin, van tiştan hemî piştî daxwazên yekitiya neteweyî di asta herî bilind de pêk hatin.

Digel zimandirêjî û êrîşên dijminane ku li dijî Hikumeta Herêma Kurdistanê didomînin, di heman demê de dezgehên ragihandinê yên girêdayî PKKyê, li dûrî exlaqê siyasî û nirxên Kurdî, girseyên xwe û rayagiştiyê li dijî Hikûmeta Kurdistanê û serokên wê radiwestînin û provoke dikin.

Heger em van tiştan hemî bidin aliyekê û yên ku divê PKK bike di bin çend sernavan de pêşkêş bikin:

1- Di encama êrîşên çend mehên dawiyê de bi dehan PÊŞMERGE şehîd û birîndar bûn û bi sed mîlyonan dolar ji ber êrişên PKKê zirarên maddî û maneviyê gihaşt Herêma Kurdistanê. Divê PKK ji malbatên şehîdan û hukûmetê û herwiha ji gelê Kurdistanê lêborînê bixwaze.

2- Divê endamên rêxistinê yên ku xwîna Pêşmerge rijandine û ziyanên darayî gihandine Hikûmetê, bi zûtirîn kat radestî Hêzên Asayişê bikin û zirarên madî jî bidin Hikumeta Herêma Kurdistanê.

3- Divê PKK û ragihandina xwe dev ji zimanê dijminatî berdin û ji ber bikaranîna zimanê tundûtijî û dijmanatî lêhayiyekî nebaş peyda bûye, lewma berevajîkirina vê lêhayiyê pêwîste ku zimanekî bratiyê bikarbînin.

4- Divê PKK sozê bide gelê Kurdistanê ku ev kiryar û helwestên êrişker carek din çênabin. Bi kurtahî, divê ew soz bidin gelê Kurdistanê ku carek din çek li dijî Pêşmerge bikar nayne.

Ger van bendewarî û daxwazan pêk werin, ez bawer dikim ku Hikûmeta Kurdistanê û karbidestên wê dê zemîn ji bo Yekîtiya Neteweyî an axaftinên bi vî rengî amade bikin.

Em nekarin van hemî heqaret û mirin û sabotajan tine bihesibînin. Divê PKK dilpakiya xwe nîşan bide û hêviyên gelê Kurdistanê pêk bîne.

ARK

Categories
ArşîvMêvan
  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...