Mihemed Soran
Dibêjin Silêmanî bajarê evînê ye, bajarê şaristanî û kê kir kê ye. Lê me nizanîbû bajarê derzîyên dirûtinê ye jî. Li ser bextê zinêkarên Silêmanîyê be, dibêjin Silêmanî: 16 pincar û 8 derzî ji zikê nexweşekî hatin derxistin. Di Beşê Nexweşîyên Hundirîn ya Nexweşxaneya Perwerde û Lêkolînê ya Silêmanîyê de, ji zikê nexweşekî 16 mûçing, 8 derzîyên dirûtinê û 2 qewlikên mûçinkan hatine derxistin.
Li gor Cîgirê Rêvebirê Nexweşxanê Dr. Mustafa Abdulrahman dibêje, roja Sêşema 22ê Tîrmeha 2025ê nexweşek bi zikêşek giran xwe gihandiye nexweşxanê û dest bi lotkên ax û waxê kiriye. Piştî lêkolînên sered û binerdkî, dîtine ku di zikê wî de 16 mûçink, 2 qewlikên mûçinkan û 8 derzîyên dirûtinê hene.
Axir, piştî neştersazîyek demokratîk, derzî û mûçing ji zikê rebeno derxistine û nexweşê me bûye xwedîyê zikekî baş û ekolojîk.
Erê lo, malmîrato tu dibê qey dikana derzî û mûçinkan vekiriye, yan jî xwestiye bibe terzî.
Lê bela niyazan ji xwedê bike ku ji zikê wî keleşkof û sarox derneketine. Yan na, bi allahwekîl wê Hîroşîma xirabtir banîya serê bajarê Silêmanîyê..
Silêmanî
Xweş xeber e, lê me ne bahwer e
Tu çi ji „mîkrofonan“ dixwazî kaka!
Selocan tirba Misto ji Kurdan re kir qible