Abdullah Demirbaşê me xelata aştîyê distîne

Di 2 Cotmeh 2008 de li Bruksel Konferanseke li ser mijara "Proseya Endametiya Turkiyê ji bo Yekîtiya Ewropa: rewşa dawîn!” amade dibe. Ew bi hevkariya Enstituya Kurdî ya Brukselê û komela aştiyê Vrede vzw dibe. Program di pêvekê de ye. Mijar û axaftvanên vê konferansê teybetî ne û girîng in. Konferans bi şertê xwe nivîsînê,  ji her kesî re vekirî ye.

Di amadekirina vê konferansê de herweha Koma Interparlementer ya piştgiriya Kurdan (Interparlementaire Werkgroep De Koerden) jî heye. Di vê komê de hemû partiyên demokratîk yên Flaman têne temsîlkirin. Yek ji endamên vê koma piştgiriyê Bart Staes e. Bart Staes endamê Parlementoya Ewropa, ji Partiya Keskan e.  Bi pêşniyara wî parlementerên Flaman ku di Parlementoya Ewropa de ne ewê Xelata Aştiyê bidin merivekî ku di doza aştiyê de xebatên hêja kiriye.

Biryar hate stendin ku vê xelata pêşin bidin kesekî ku ji bo Kurdan û li Kurdistan xebat kiriye: Abdullah Demirbas. Şahredarê berê yê Sûr. Ew ku ji wezîfa xwe ji sedema xebata wî ya pirrzimanî de şahredariyê de hatiye avêtin.

Wek tê zanîn, xizmeta di şahredariya Sûrê de, bi zimanê xelkê bû. Her rûniştvanê Sûrê bi zimanê xwe yê zikmakî, Kurdî, Erebî, Turkî, … xizmetê wergire. Ew dema xizmeta bes bi Turkî qediya bû. Bi wî awayî wî xwest ku her meriv bi zimanê dixwaze xizmetê bibîne û xwest nîşan bide ku jiyana cihê, lê bi hevra mimkin e. Xweş e.

Di konferansê de Abdullah Demirbaş jî amade ye. Ev jî dibe sedema ku di vê fersendê de xelata aştiyê bidin wî.

Cî û saeta ku ewê xelata aştiyê ji bo Abdullah Demirbaş were dayin paş re tê zanîn.

Bi Hollandî http://www.kurdishinstitute.be/nederlands/309.html

Bi Frensizî : http://www.kurdishinstitute.be/francaise/311.html