Pamela Anderson zora Diyarbekrîyan bir

Şemal Amedî-07/09/07-Hollywood- Dibêjin Diyarbekrî bi şebeşên (zebeş-şûtî) xwe meşhûrin û jibo xatirê şebeşên xwe jî hersal pêşbirkan lidardixin, şebeşên herî mezin dibijêrin û xelatan belav dikin.

   Dibêjin nepaqijîya hewayê, serûbinbûna demsalan û zêdebûna nexweşîyan lotikên xedar li şebeşên Diyarbekrê xistine û ji ber vê jî her ku diçe biçûk dibin û kîloyên xwe winda dikin.

   Ez serê we neêşînim, dibêjin di dema pêşbirka îsal de lotikvana memikmezin Pamela Anderson, li ber televizyonê li Diyarbekrîyan û şebeşên wan temaşe kiriye, herdu memikên xwe hejandine û gotiye:”Tirrrrrrrrr li bin dûvê şebeşên we! Şebeşên min ji ên we mezintir û girovertirin looooooo” û henekê xwe bi şebeşên Diyarbekrê kiriye.

   Li ser bextê fesadên Hollywoodê be, dibêjin her memikek Pamela Andersonê 55 kîlo û 99 gram in. Yanî her memikek wê têra xwarina 55 zilaman dike ellahwekîl. Heger hûn bawer nekin werin, Hollywoodê û bi çavê serê xwe bibînin, wîî! Ji me derew haaaa, xelk dibêjin ellahwekîl.

   Ne li ser bextê me be, dibêjin Anderson gotiye:”Bela Diyarbekrî bên cem min ezê dersa “Şebeş çawa mezin dibin” bidim wan. Hem jî belaşşşşşşş!”

    De heyran hûn tên nayên ew karê we ye, lê ez dibêjim werin Hollywoodê û kerametên mezinkirina şebeşan hîn bibin baş dibe. Madem xanimê belaş dersê dide çima na! De werin deeeeee, dereng nemînin….