Biryarek pîroz e, her bijîn!

Ahmed Beyan-07/09/06-Ankara-Di civîna 7ê hemê de gellek sazîyên Kurd biryarek pîroz girtin û dan zanîn ku ewê jibo perwerde û bikaranîna zimanê Kurd têbikoşin û xebatê bikin. Van rêxistinan deklerasyonek jî ji raya giştî re belav kir, bang kir û got, “ Bi vê bîr û baweriyê, di serî de kadroyên têkoşîna azadiyê, em bang li hemû gelê xweyê welatparêz û birûmet dikin ku bi ruhê seferberiyê beşdarî vê têkoşîna birûmet bibe, li zimanê xwe xwedî derkeve, bi zarokên xwe re bi Kurdî biaxive, wan li ser bingeha çand û zimanê Kurdî perwerde bike û her maleke Kurd bike dibistanek zimanê Kurdî. Her wiha em bang li gelê xwe dikin ku êdî destûrê nede ku tu rêveber û xebatkarên sazî û rêxistinên Kurdan, bi wan re ji bilî Kurdî bi zimanekî din xebatan bikin.
Di civîna xwe de em gihîştin vê biryarê ku zimanê saziyên me bibe Kurdî, saziyên di hemû kar û xebatên xwe de zimane Kurdî bi kar bînin. Ji bo pêkhatina vê yekê jî me biryar girt ku em hemû kadroyên sazî û dezgehên xwe bi Kurdî perwerde bikin.Em bang li radyo, tv û hemû çapemeniya Kurd dikin ku bi awayekî çalak beşdarî vê têkoşînê bibin, xebatên wê ragihînin raya giştî, bi bernameyên  xwe beşdarî vê têkoşînê bibin”. Her bijîn! Em wek lotikvanên Lotikxanê vê biryara pîroz destek dikin, wî çaxî bajon û hej bajon, em bi we re ne....
 
Partiya Civaka Demokratîk (DTP),Komîsyona Rêveberiyên Herêmî ya DTP’ê
Meclîsa Jinên DTP’ê, Meclîsa Ciwanên DTP’ê, Dem-Genç ,Tevgera Jinên Azad û Demokratîk
Tevgera Hemwelatiyên Azad, TUAD- FED,YAKAY-DER, GÖÇ-DER, Însiyatîfa Dayikên Aştiyê
Komeleya Nivîskarên Kurd a li Amedê (PENA KURD) , Kurd-Der (Enqere)
Navenda Çanda Mezopotamya (NÇM) , Navenda Çanda Bihar, Navenda Çanda Serhed, Navenda Çanda Anka , Navenda Çanda Avaşîn, Navenda Çanda Dîcle Firat, Navenda Çanda Botan, Navenda Çanda Mem û Zîn, Navenda Çanda Akdenîz, Navenda Çanda Gever
Navenda Çanda Mêrdînê, Navenda Çanda Mûşê, Navenda Çanda Ada, Navenda Çanda Rihayê
Kovara Özgür Halk, Kovara Genç Bakiş, Rojnameya Azadiya Welat, Konfederasyona Kedê ya Demokratîk , Enstîtuya Kurdî ya Stenbolê, Kurdî-Der, KARGER