Malperek bê sansûr e

Malperek bê sansûr e, hay ji xwe hebin!

Li Meha Gulanê (Mai) li dadgehê bûbû egerek ke Vîdeo dihêne çêkirin û li dihêne nîşan dan. Li ser Danerê Komara Turkîya (Mustefa Kemal Ataturk) bê rêzî û yarî pêkirin û herwesa 1112 malper hatine ragirtin bo hawlatîyên li Türkîyê jîyan diken. Bi hîç şêwekî nikarin YouTube û wan malperên ke biryar li ser hatibü dan lê binêrin…

Ji ber ku li ser YouTube dema mirov nav û nîşanekî bo lêgerînê bidetê, li ser her navekî be, eger ko hatibit barkirin (speichen) li ser wê nîşan bidet. Ne xasim dane, rêber, serok, şalîyar (ministêr), werzişvan, hunermend, oldar û kesanên navdar vîdeo li ser wan dihêne çêkirin bi du şêwan:

Gelek kesên Kurd, Yunanî, Qubrisî, Elmanî û yên ji Turkan hez nakin, wêneyên babê Türka ( Mustefa Kemal Atatürk ) diêxin ber hev, li ser bernamên PC (Computer) bi kar dînin. An ku, pê dileyzin wekî dilê wan dixwaze. Ta dîmahîk xala şikandinê (bê asit kirin) ya Ataturk û muzîkek guncayî yan dengek seyir yan yê komîdî wek pêkenînan û dengên ajelan (gîyaneweran) diêxin ser wêneyan û bo cihê xo yê taybet di nava YouTube da rewane (send) diken.

Zorbeyî wan vîdeoyên ke mirov dikişînin ser Ataturk, rengên Kurdan (Sor, Zerd, Sipî û Kesk) û arim, logo, slogan û wêneyên Rêberê PKK Ebdulah Ocelan dihêne barkirin. Zorbeyî van kesên vîdeoyên hosa çêdikin, gencên Kurd ewên li Europa ji dayîk bûyîn û carek yan hîç neçûne welatê xo Kurdistan nedîtibit, li vêre gewre bûne û Kurdîya wan jî kêmitir ji 50% ê. Tenha RojTv û MMC mêze (Seyîr) dikin û li Europa beşdarîya çalakîyên Kurdan diken (fîsteval, şev, aheng, dahwet û bîrhatinên din).

Li vêre kerb û kîn bo wan peyda dibit, taybet di xwendingehan (qutabxanan) da piranîya xwendekaran dibînin bi zimanê Turkî dipeyvin û her yek alayek welatê xo li ber hefka (sitoyê) wan e. Gelek ji wan jî bi tereksudên werzişî yên mîna (Fenerbahce, Beşîktaş, Galatasaray û Trabzon) li xwe diken. Gencên Kurda jî li festîvalan da ji xo riskek bi ala Kurdistanê ve û tî-şort bi rengên Kurdistanê yan nexşekî dikirin û li xwe dikin. Zor caran bi şer dihên, dibite egera hindê polîs bikevine xwendingehan da.

Eve bûye tirsek ke welatê Turkîyayê danaye ber çavê xo ke YouTube ji alîyê P.K.K ê ve dihête rêkxistin (organîse) kirin bo propaginda xo û bêrêzî kirin li hember desthelatdarîya Turkîyê. Eve ji rastîyê zor dûr e….

Ji bo zarûk û gencên Turk li kolan, ser cade, nav bazaran, di xwendingeh û yarîgehan (Stadiûm) da her karekî nîşan biden. Yaxod, plakatekê yan jî bi cil û bergan ke nîşaneke şofînîzmîya Turkan pê ve dîyar bit serbest in.

Ji bo zarûk û gencên me Kurdan berovajî ye. Ji ber sextî û zordarî, dagîrkirin û parçe parçe kirina welatê xo, li tarawgê (derberderî) yê çavên xwe bi vê dunya ya ku ji her tiştê mirov pêdivî û nexasim bi teknologîya serdem dewlemend e, vekirine. Ji zimanê şirîn ê dayîkê bê beh ir. Eger medalîyek, tî-sort, traksodên sporê yan zincîrek hefkê ke nîşanek a Kurdbunê li ser bit, (yasax e) qedexe ye.

YouTube û malperên Kurdî, bi taybet yên girêdayî bi muzîka resen ve (hunerî) li ser hêla Internetê, pişt û çûkên desthelatdarîya Turkîya û hawlatîyên Turk li navxo (hundir) û derve şikandine

Wek em dibînîn û dibihîsîn, cîhan tev dîdevane (şahide) ku Kurd milletekî mezin û xwedî dîrokek pir dewlemend e. Lê îro ev millet di dinê da bê maf maye. Her çende aşitîxwaze jî, lê ji ber egerên siyasî bo cara yekê sala 1514 di şerê Çaldêran da parçe bûye û di salên 1916an de rêkeftinnama Saykis Pîko û Lozana sala 24.7.1923 parçe parçe bûye û ev millet li cîhanê berbelav bûye.

Welatê Elmaniya ku 81.700.000 mirov têda jiyan dikin, ji 16 herêmên fêderal pêk dihêt, zimanekî yekgirtî heye û çendîn zaravayên herêmî, yasa û rêsa serwerîn ji bo Elmanekî û biyaniyekî mîna hev in.

Nivîsa li vir dest pê dike evên li jor hatin bas kirin, çend pêzanînekên destpêkî bûn li ser welatê Elmaniyayê.

Bajarê Köln (Cologne) ku dikevite herêma NRW ( Bakurê Ava Rhain) ê ji 975,000 mirovan pêk dihêt. 32% ji welatê Tirkiyê ne, ji wan jî pitirî jê Kurd in. Li dîfra Yûnanî dihên, Îtalî û Kurdên îraqê. Li ser hisabê welatên Sûriyê û Îranê jî Kurd piranî ne ji xelkên wan welatan. Anku; li vêre Kurd ji hemî milletan pitir in. Bê guman li dewrûberê bajarê Kölnê jî çend bajarên mezin girêdayî bi herêma Köln ê ve hene mîna Welatê Çiyayî (Bergisch Land) ( Gummersbach ) û Leverkusen, Euskirchen, Siegburg, Henef, Bergisch Gladbach, Dormagen û her wesa jî Bonn li jêra Köln û Aachen li rojhelatê. Pir Kurd li wan bajaran jî jiyan dikin.

Kurdan çi bi destê xwe ve aniye û xwedî çine, çi pile û paye hene di saziyên mîrî û civakî yên Elmana da û çi sazî û komeleyên xwe hene ?

Eger bêhêyîn û bersiv bidin wê gelek asan be, ji ber ku xwedî kêm cih û tişt in. Ji berku rewşenbîr, zana, xwedî hizir û pispor di nava wan da kêm in, ew jî ne kêşeye, mirov dikare çareserî jêra bibîne. Roniyekê bêxin ser pirsên ku li jor hatin kirin.

Li civata şarewaniya Köln da Kurdek di nava rêkxirawên mafê mirov, saziyên civakî û partiyên Elman da heye? Mirov çend Kurdan dibîne? Lê kêm in û ne aktîv in. Komeleyek heye dibêjinê ( Mala Kurdan ) ew jî girêdayî layengirên Partiya Karkeran e û zû bi zû Kurd naçin wê derê ji ber layengir in. Bi nav ev komele jî hene: Senterê Kulturê Kurdî 15.05.2005, Mala Kurd û Elman, Yana Zagros ya Werzişî 14.03.2007, Komela Botan a Sporê 15.08.1988, YAK Yekêtiya Afretên Kurdistanê 2005, Nunerên CHAK, Asoyî Gencan 2008 û Nunerên tevaya partiyên Kurdan wek nûnerên xwe li Kölnê hene.

Dema ku xwepîşandanek a cemawerî dihê lidarxistin hevdu dibînin, û çalakiyên wan yên partîtî, rojên damezrandinê, bîrewerî û serexweşî û di nava şahî û dîlana da hevdu dibînin.

Endamekî Senterê Kulturê Kurdî li Köln ê weha got:” Senterê me beriya salekê bernamyek têr û tesel amade kiribû ku çend proje bi xwe ve girtibûn. Jibo van projektan Serokê Senterê me seredana Kurdistanê kir û ew bername û pirojeye digel xwe birin da ku digel Serokatiya Wezîran û taybetî Wezaretên Çandê û Werziş û Lawan dabinişe, li ser pirojeyên me bipeyivin û hindek pare bi xwe ra bîne daku em bikaribin di seretaya bernamên xwe de dest bi kar bibin ta ku bigehin armanca xwe”.

Di nava bajêr da dema mirov bixwaze ji xwe ra hindikî bigere, her çend mêtra mirov biçe wê çend ciwanên Kurd bibîne, bê kar û bê bername ne û di nava bajêrda digerin. Mîna kesekî malê xwe winda kiribit, eve jî gunehek mezine û dikeve ser mile KRG ê, ji ber ku ciwan nikarin di nava welat da bijîn û li vir jî bê bernameya jiyanê dimînin û detshelatdarên Elman jî vê pirsgirêkê çareser nakin. Ev ciwane jî hînî diziyê, karên xirab, ketina dîv qîza, mana wan ser cadeya û kêşana dermanên bêhoşker, mirov bi çavê xwe dibîne û dilê mirov bi wan dişewite.

Eger ku KRG li benda revenda Kurd be ku vegerin welat û kar bikin, bila ji bîr bike. Ji ber wan pirsgirêkên li jor hatîn, gencên xwe fêr dikin û hîn dibin kêm in. Eve jî wê kartêkirinek negatîv li ser pêşeroja welat bike

Ev raporte merema dergeh qutane belkû berpirsek ji desthelatdariyê bixwînit û dergehekî ji revenda Kurd li herêma Köln ê ra vebikit.

Wek tê zanîn, Köln senterê tevaya millet û welatên Asiyayî bi giştî û bi taybetî Rojhelatî ye û bajareke ku dikeve nîveka welatên Europî û rojane bi dehan hizar rêving serî li bajêr diêxin. Hemî milleta eniyên xwe ( bere = Lubî ) ava kirine û bi rêyên bazirganî, çandî, civakî, siyasî û werzişî xwe li hev nêzîk dikin. Tenha Kurd ne bin, wek Kurd bê rêber, bê pilan û bê harîkar in. Ewên ku xwe mandî dikin jî kêm in û dema bizavekê dikin jî encam her rawestandin be, ew moralê nade Kurdên din jî.

Pêdiviye KRG bi layenên siyasî, civakî, çandî û werzişî bikevite têkiliyê ewên nûneratiya revenda Kurd dikin li herêma Köln ê daku rêyek guncayî bo çareserkirina kêşeya Kurda bibînin û bikarin rê li avakirina eniyek Kurdî xweş bikin. Kurd di radyio a WDR 3 da ( Funkhaus Europa ) bernamek heye ku pitir ji 20 sala ye hemi rojên yekşembiyan bi herduk zaravayên serekî derdikeve, lê têrê nakit. Pêdivî bi hebûna rojnameyek rojane heye û pêdivî bi malperek xwe heye. Eve jî kesek yan cihetek bi tinê nikare vî barê giran bêxe ser milên xwe.