Mişkê me gwîzeka wê şikenand

Abdullah el Kurdî-19/10/06-Urdun-Mişkê Lotikxanê bi Şahbanûya Urdunê Ranîa veda, ew tirsand û lingê wê şikenand! Wê rojê Şahbanû Ranîa nazik nazik, kubar kubar xwe li ba dikir û derketibû seyranê. Gava mişkê me “Mişkê Dîn” çav li Ranîa xanim dikeve ne bi dilekî lê bi heft dilan dil dikevê û jê diheside.

Mişko zane ku Ranîa qîma xwe bi wî nayne, îcar hema bi dizî derdikeve pêşîya wê û dibêje, “pixkkkkk” û wê ditirsîne. Tu nabê rebena Ranîa jî qet mişk nedîtine û hema ji tirsan diterpile û gwîzeka xwe dişkîne.

Dibêjin xwedêgiravî Ranîa gotiye, “ezê doza tazmînat û curmê li Mişê Dîn vekim”. Li ser vê sosreta kesanedî rabû me jî bang li mişkê xwe kir û ew kişand mehkema Lotikxanê. Hakimê Lotikxanê 25 roj hepis da Mişkê Dîn û ewê di hepsa Lotikxanê de cezê xwe bikşîne.

Marîah gazin kirin

Çang lêê-19/10/06-Tokyo- Stranbêja seksî û lihevhatî Marîah Carey li Japonyayê konserek da lotikvanan û paytext Tokyo serûbinê hev kir. Careya ku demek dirêje deng jê dernediket, êdî bi çargavan dest bi lotikên cengawerî kir û zelzele li Japonyayê rakir.

Dibêjin di vê zelzelê de bi hezaran Japonî brîndar bûne û hinek ji wan jî bêhiş ketine. Lê dibêjin Carey gazin ji Kurdan û bi taybet jî ji lotikvanan kiriye û gotiye, „min ev hêvî ji lotikvanan nedikir! Min bawer dikir ku wê lotikvanên Kurd jibo xatirê min Japonyayê dagîr bikin û min di nava van Japonên çavmişk de bi tenê nehêlin. Birastî dilê min şikest“ û filan. Yaaaaa,we dît ne!

Heyran bi telaq carek din emê Marîah xanimê bi tenê bernedin û wê ji lotikên xwe bêpar nehêlin lo, wey!

Oxford bû kerxane

Hebeş Kal-18/10/06- London- Zanîngeha Oxsforda ku di dinyayê de bi navûdenge, derîyê xwe ji seksê re jî vekir û xuyaye wê di pêşerojê de bibe “Kerxana Oxford”ê. Xwendekarên Oxfordê êdî piştî kêf û şahîyê serxweş dibin, hevdu dikşînin quncikên reş û tarî û dest bi lotikan dikin. Ji wan Hannah Quînceya 20 salî û Charlîe Turnhamê 21 salî di ser hevde hatin girtin û flîmê wan di înternetê de belav bû.

Me bi rêya emaîlê xwe gihand Charlîe û me jê pirsî: Kuro bêbav! We fedî nekir di zanîngehê de lotik avêtin hev? Charlîe keniya û got: De here looo! Kuro em xortin xort! Em wek ciwangeyên nava garanê ne haa, ma em di vî emrî de lotikan li hev nexin, emê kengî lihev xin? Ma em rabin di berde jêkin?

Welhasil, heçê ku bixwaze here di Oxfordê de bixwîne, divê ji niha de hazirîya xwe û lotikan bike û hew...Bi Xwedê xebera wa ye, ma dinya bê lotik hêjaye çi baba!

Rojê sê lotik û hew!

Kevnar Zendo-17/10/06-Hollywood- Scarlett Johanssona ku wek „Jina Zindî a Herî Seksî“ hatiye hilbijartin, dilê xwe bi xwe dişewitîne û gilî û gazindan dike. Johansson dibêje, „ma hema hûn behsa xweşikî û bedewîya min dikin? Ka gurçik, dil û mejiyê min? Hûn çima behsa wan jî nakin bêwîjdanino!“

Johansson di rojnama „The Daîly Maîl“ de hinekî jî behsa jîyana xwe ya zayendî dike û dibêje, „ ez salê du carî testa AÎDSê dikim. Herkes bawer dike ku ez her serê seetê bi zilamekî re lotikan tavêjim. Lê ev neraste. Raste, wextekî min her serê seetê lotikek li xwe dixist. Lê niha min tobe kiriye û rojê tenê sê caran lotikan didim xwe. Ji xwe ez zêdeyî sê kondoman bi xwe re nagerînim“ û filan û bêvan.

Keçê bi Xwedê heger tu rojê tenê sê carî lotikan bidî xwe, tu horîya bihuştê yî, wîî! Keçko, jinên Tirkan her serê nîv seetê yekî bera ser xwe didin qirikê..Bi telaq tu ji ber wan ve wek ava zemzemî ava zemzem! Rojê sê lotik ne kême ne zêdeye…

Hay ji şûştinê hebin

Leyla Barîn-17/10/06- Di kovara tendirustî „Apotheken Ûmschaû“ a Almanî de lêkolînek balkêş li ser xweşûştinê hat weşandin. Li gora lêkolînê her ku diçe Alman zêdetir xwe dişon û di bandora vê xweşûştinê de jî çermê wan teniktir û jartir dibe.

Li gora gerînendeyê kovarê Dr.Hans Haltmeier dibêje, piranîya nexweşîyên çermî (cildî) jiber bikaranîna lixwenerînên xelet pêk tên. Li gor Dr. Han Haltmeier, şûştina zêde ziyanê dighîne xwerista xwezayîya çerm û dihêle ku çermê meriv zû jihevde bikeve. Şûştina zêde çerm ziwa dike, qata çerm a sereke diguhere û ev jî dibe sedem ku çerm nikaribe xwe li ber mîkrop û bakterîyên bi zirar bigre.

Li gora pisporan, divê meriv herî zêde heftê 2-3 caran xwe bişo. Îcar heyran,em erka xwe bi cîh tînin û bala we xwendevanan dikşînin. Îcar hûn bi a me û pisporan dikin yan nakin ew karê we ye. Hûn dixwazin her seet xwe bişon û dixwazin salê carekê xwe bişon, ne serê me pê dêşe û ne ê bavê me…..

Romjin xanim îslamê balkêş dibîne

Sosin Bermal-16/10/06- Ewrûpa- Li gor hinek rojname dibêjin, artîsta agirpêketî Rebecca Romjin xwe nêzîkî dînê îslamê dibîne û îslamê wek dînek balkêş dibîne. Xwedêgiravî Romjin xanimê gotiye, “ jiber ku dêya min mamoste ye ez ji lêkolîn û xwendinê pir hez dikim. Min dînê îslamê bi vî awayî nas kir. Gellek dostên min ên misilman hene. Tiştê ku di îslamê de herî bala min dikşîne nimêj e, ez nimêjê wek sporek modern dibînim” û filan û bêvan.

Xuyaye Romjin xanim jî dixwaze wek artîst û gewendeyên Tirkan dike bavo! Tirk jî piştî ku têra xwe zinêkarî û heramîyê dikin û piştî ku tir di wan de namîne, îcar wê serê xwe girêdin û berê xwe bidin mizgeftê û dînê îslamê jibo berjewendîya xwe bikarbînin. Romjin xanim! Em wilo qîma xwe naynin heyran..Ka berê çarçefekê li xwe ke, heger çarçefa reş li bejn û bala te hat bi soz emê te qebûlî dînê xwe bikin..Na heger bi te nekeve, a baş tu li ser dînê xwe û em li ser dînê xwe heyran, okey!

Roja qiyametê nêzîk bûye

Antonîo Vega-15/10/06-Îspanya- Dibêjin lêkolîner û pisporên serûbinbûna dinyayê gihane hev û di bin serokatîya Jan Van Damê Hollandî de civîyane. Pispor û lêkolînerê Lotikxanê Prof. Dr.Sofî Xelef jî di civînê de beşdar bû û çend lotik avêtin.

Sofî Xelef dibêje, “di civînê de ji her serîyekî dengek derdiket. Hinekan digot “qiyamet çênabe”. Hinekan digot “jixwe em di qiyametê de dijîn, ma ji vê qiyametê mezintir qiyamet heye?” Û hinekan jî digot “kuro bi namûs qiyamet çêbibe wê ji ber Mahmûd Ehmedînejad çêbibe û hew..Ma hûn nabînin, gû ji mirûsê wî dibare”. Welhasil, ez jî rabûm min li ser navê Lotikxanê got: Hema bi telaqê Tirkên Selanîkê, ji me Kurdan re ferq nake. Ji xwe em bê welat in, bindest in, qiyamet rabe çiye û ranebe çiye! Hema bela ev tir ji Tirk, Ereb û Eceman re nemîne û hew!”

Îcar heyran, berî ku di 31ê Cirîya Pêşîn sala 2.252.006an de qiyametek rabe, pere û zêr û cewherên xwe bînin û teslîmî Lotikxanê bikin..Bi soz emê li axretê dîsa li we vegerînin..

Dinya ji xalê Martînez re jî nema

Roza Martînî-15/10/06-Hawanna- Erê dinyayê, dinya ji xalê Benîto Martînez re jî nema kuro, wax wax wax! Xalê Martînez li Kubayê wek kalemêrê herî temendirêj dihat naskirin û temenê wî gihabû 126 salan. Xalê Martînez di sala 1880î de li Haîtîyê hatibû dinyayê û dest bi lotikan kiribû. Lê piştre kêfa wî pir ji Fîdel Castro re hatibû û jibo xatirê wî hatibû li Kubayê lotikên xwe berdewam dikirin.

Dibêjin sedema temenê wî ê dirêj ev bû ku ewî zêde hêşînayî û sebzeyên teze dixwar, goşt kêm dixwar û pir kêm jî alkol vedixwar. Erê xalê Martînez, dinya ji te re jî nema, waxxx! Xuyaye mamê Kastro serê te jî xwar! Xwedê zane bê wê hîna çend Martînez ji derdê Fîdelkê me bimrin..Lê ew li ber xwe dide haaa, nêta wî û mirinê tune allahwekîl...

De îcar yabo!

Şêrzad Zebarî-14/10/06-Kerkûk- Erê lo! Tirkmenên ku wek maşika dewleta Tirk in, sîxur û parsekên devê derîyên xelkê ne radibin li Kerkûkê dimeşin û dibêjin, “Kerkûk Tirk e wê Tirk bimîne! Em federasyonê naxwazin!” û direyên.

Nêzîkî hezar Tirkmenên ku piranîya wan alîgirên partîya faşît a Tirk MHP ne, bi alên sûretê “Gurê Boz” derketin kolanan û xwe di nav toz û tirabêlkê de dan.

Ê hey sîxurên dewleta Tirk! Hey parsekên devê derîyên xelkê! Hey virek, derewîn û fesadno! Ka we digot “sê milyon Tirkmen li Iraqê hene?” hê! Hûnê bi hezar kesî Kerkûkê bikin a Tirkan? Kê doza federasyonê li we kiriye ku hûn li dijî derdikevin dola qantirê? Haaaaa, jiber ku kes hesabê we bi pênc qirûşan nake hûn li dijî federasyonê derdikevin ne wilo? Yan dîsa dewleta Virqo tilî avêtiye bin dûvê we? Kuro de herin avekê li qûna xwe kin û looo...Dua bikin ku fedaîyên Lotikxanê ne li Kerkûkê bûn, yan yek ji we li ser lingan nedima, de welhasil....

Malpera Diyarê Kurd vebû

Wêne bitikînin

Seks yan jiyan?

Hebeş Kal-13/10/06-London- Li gor ankêtekê ku tê pirsîn:Hûn dixwazin jibo 100 salî bijîn dev ji seksê berdin? Derket holê ku piranîya jinên Brîtanî seksê dikin qurbana ku karibin sedsalî bijîn. Ji sedî 48 jinan gotine,“bila bi sed salî be û ne bi wê quzilqurta seks û xwêdanê be“. Lê ji sedî 31 ê mêrên Brîtanî jî gotine, „pekkkk, kuro ma jîyana bê seks hêjaye çi bavê min? Ha em sed salî jîyane û ha me xwarina kellê (bê xwê) xwariye ma ferq çiye? Na bi telaq em sed salê xwe dikin bi qurbana lotikekê, wey“ û jîyan kirine bi qurbana lotikên seksê.

Îcar me ji xwendevanê xwe Silêmanê har pirsî: Kuro Silêmano, 100 sal yan seks? Silêmanê me boqê simbêlan ba da û got: Kuro ma ji berê de nabêjin ku „Aqilê Kurdan di serê k…ê wan de ye“ heyran, wîî! Hema jina min ji min berdayî be ez lotikekê nadim bi petrola Kerkûk û Basrayê loo“ û xatir ji me xwest û çû..

Ava Zemzem kanserojen derket

Dr.Mihyedîn-13/10/06-London-Li gor lêkolîn û ceribandinên laboratuarî ava Zemzem a ku bi şûşeyan ji Siûdî Erebîstanê tê Ewrûpayê nepaqij û kanserojen derket. Li ser vê lêkolînê, beledîya Westmînster a Londrayê kirîn, firotin û vexwarina aza Zemzemê qedexe kir.

Li gora ceribandina laboratûarê, di vê avê de ji ava normal sê (3) qat zêdetir maddeya „arsenîk“ derketiye û ev jî xeterek mezine. Di lêkolînê de derket holê ku bi taybet ev ava ku bi navê „Ava Zemzem“ tê binavkirin, li ser zarokan bandorek neyînî dike û ji ava normal du (2) qat zêdetir „xwêya asît nîtrîk“ têde heye.

Îcar heyran ji me gotin. Heçê bi Erebên zikmezin bawer bikin û ava wan vexwin divê qîma xwe bi kanserê jî bînin. Li gor lêkolîn û îstatîstîka Prof.Dr. Friedrich Gutenberd, di dinyayê de divê meriv ji sê milletan bawer neke. Tirk, Ereb û Ecem..Îcar xêr û guneh di stuyê we de…

Reçeta harbûnê

Dr.Mihyedîn-19/10/06- Çawa ku mêzîna xwerista cîhanê serûbinê hev dibe, herweha di têkilî û xwestekên zayendî (cinsî-seksî) de jî serûbinî çêdibin û gellek caran hewes û şewqa hezjêkirin û seksê bi meriv re namîne. Îcar jibo çareserkirina vê pirsgirêkê em dixwazin ji we re reçeteya Lotikxanê pêşkêş bikin. Ger hûn li gora reçeteya me bimeşin wê jîyana we a seksê qet jihevde nekeve. De fermo, heger zewq û şehweta seksê bi we re nemabe, van tiştan bikin hûnê bibin wek agirê sor allahwekîl.

1) Serê sibê (taştê) li xwirînî kîlok hingiv û kevçîyek darçîn bi ser kezeba xwe dakin.Piştre beroşek şorba nîskê û nîv kîlo îsotên tûj pêre bixwin.

2) Nîvrokî (firavîn) du kîlo pîvaz, sê nanê tenûrê, 25 hêkên qelandî bixwin û pêre jî pênc şerbik dewê meşkê vexwin.

3) Êvarî (şîv) beroşek kutilk, leganek eprax, sê mirîşk, deh gurçikên çêlekan, nîvberoş tirşika fasûlîyên hişk, deh bacan, pênc xiyar, baqek bexdûnis, nîv baq tûzik û du nanê malê bixwin. Piştre jî du şerbik dimsa Mêrdînê berdin devê xwe heta ku zikê we binepixe. Piştî we ev hemi kirin, îcar cixareyek qaçax jî bikşînin ser kezeba xwe û nîv seetê bêhna xwe berdin.

Îcar hûnê binerin, heger hûn wek conegayên nav garanê har û dîn nebûn, emê pîvazekê bi guhê xwe vekin! Herroj vê reçetê bikarbînin xêr û guneh di stuyê me de....Bi telaq hûnê ji keleşkofê xerabtir bibin!

“Em lotikên Tirkiyê naecibînin!”

Hisênê Serperitî-18/10/06-Bruksel-Serokê Komisyina YEê Jose Manuel Barroso di derbarê endametîya Tirkiyê de hinek lotikên xweş avêtin û ew dan ber pehînan. Barroso dibêje, “em di derbarê Tirkiyê de bi endîşe ne, jiber ku rîtma muzîka wan û a me li hev nakin. Halî hazir Tirkiye di tu warî de gav û lotikên pêşketî navêjin. Heger ew bibin endamê YE jî incex 15-20 salên din karibin têkevin nav lotikvanên Ewrûpayê” û filan.

Îcar Tirk jî nerazîbûna xwe tînin zimên û dibêjin, “way xiyar oxlî xiyar way! Ûlan bû yuce Tirk milletîne yapilirmi be!” û zîtirkan didin xwe. Welhasilîkelam, heta 15-20 salên din jî Xwedê kerîm e, kî saxe û kî mirî ye..Kuro bi namûsa Tirkên Ewrûpayê 100 salên din jî Tirk nebûn Ewrûpî lo, wey! Ma gur û mîh karin bibin destebrakên hev?

Ha ji we re sextekarekî din

Seyid Silêman-18/10/06-Stenbol- Yek ji wan sextekarên ku li ser navê dînê îslamê lotikên xerab li îslamê dixe û wê jibo berjewendîya xwe bikartîne Ahmet Xoceyê Cubbeyî ye (Ahmet Mahmut Unlu).

Ahmed Xoceyê sextekar wek gellekan dînê îslamê ji xwe re wek perda şanoyê dibîne. Li ber perdê dîndarekî baş, rîhdirêj û şaşikmezin dixuye. Lê li pişt perdê jî tolaz, tarikselat û sextekar derdikeve. Derket holê ku Cubbeyî efendî li Maltayê di nav jinikên tazî de ketiye behrê û têra xwe lotik avêtine. Welhasil, em zêde serê we bi cubbe, kum û şaşikan neêşînin.

Îcar niha Ahmet Cubbe efendî jibo eyba qûna xwe veşêre û zinêkarîya xwe piştperde bike ji xwe re fitûyan derdixe û dibêje, “Xwedayê min ji min re got here bigere, li kêfa xwe binere û bide lotikan” û derewên qirase dike.

Ê hey tarikselatê heram! Hey sextekar kurê sextekaran! Hey Xwedê lotika mirinê li bin guhê te xisto! Kengî Xwedayê te ayet ji te re daxist û got “de here li Maltayê têkeve nava jinikên rût û wan hedayet bike hê?” Ma derewek din tunebû hey qûnde!?

Teyrê Lotikxanê balafira Tirkan xist

Mela Ehmedê Bedlîsî-17/10/06-Bedlîs- Teyrê malpera Lotikxanê balafirek Tirkan a F-16 xist. Teyrê me „Teyrê Har“ derketibû nêçîra keroşkan û li ezmanan çarçav difirîya. Teyrê me yê dîn û har ji nişkê ve balafirek Tirkan a F-16 dibîne û hema bi întîxarwarî êrîşî balafirê dike.

Di encama êrîşê de teyrê me bi nikilan dikeve ser pîlotê tiyarê û herdu çavên wî derdixe. Piştî pîlot kor dibe, ew û balafira xwe dikevin û agir bi wan dikeve.

Em bi dilek xemgîn dibêjin ku teyrê me „Teyrê Har“ jî şehîd ketiye û emir daye haziran. De bila serê malbata Lotikxanê û hazir û guhdêran sax be..Amîn!

Erkano got “fissssss!”

Serdar Mirad-17/10/06-Amed- Serokê partîya ANAPê Erkan Mûmcûyê çerqoberqo jî wek tirrekên din serdana bajarê Amedê kir û di derbarê pirsgirêka Kurd de lotikek avêt.

Mûmcû di derbarê pirsa Kurd de devê xwe dibe tîne û dibêje,“ev serokên partîyên din hemi tirrek û derewîn in. Heger kesekî ku karibe pirsgirêka Kurd çareser bike ew jî ez im. Kesê ku li Enqerê newêribe behsa pirsgirêka Kurd bike, li Amedê jî nikare behsa lotikan bike. Em û Kurd bi dîrokek dûr û dirêj bi hevre jîyane, me dîk û mirîşk dane hev, xwîna me li dawa hev ketiye. Pirsgirêka Kurd pirsgirêka demokrasîyê ye, pirsgirêka azadîya lotikan e“ û filan û fîstan.

Dola qantirê di dawîya gotina xwe de jî rastîya xwe eşkere dike, vedirşe û dibêje, „li Tirkiyê pirsgirêkek bi navê pirsgirêka Kurd tuneye. Gava em meselê bi navê pirsgirêka Kurd binavbikin, wê ev bibe cudaxwazî û neteweperestî“ û jehr û ziqûm.

Ê kerê min heywanê Xwedê! Qûnde! Çîrokên dema eshaban ji me re nebêjin ewladim! Hûn serok û partîyên Tirk ji heman qul û şikeftê derketine yawrûm! Em zanin bê çend mû bi qûna we vene dangalak, ma hûnê kê bixapînin! De here tu jî wek Mehmet Agar avekê li qûna xwe ke, yalla…

Lotikvanê 50 salî!

Sofî Xelef-16/10/06- Swêd- Erê dinyayê..Lokman Polat jî bû 50 salî, weledddd! Xwedê neyne serê kesî rebbî! 50 sal nîvê emrê meriv e. Yanî lingekî meriv li dinyayê ye û yek jî berê xwe dide axreta xopan, erê erê!

De heyran em zêde dilê Lokman Polat pê neşewitînin û dilê wî ji dinyayê sar nekin. Lokman Polat bi minasebeta 50 salîya xwe li Stenbolê pirtûkek bi navê ”Çîrokên Rengîn” çap kiriye û pêşkêşî xwendevanên xwe ên li welêt kiriye.

Çîrokên rengîn (bi telaq me nizanîbû çîrokên rengîn jî hene) ji pirtûkên wî hatine berhevkirin û xuyaye hingî çîrokin xweş in, bi rengê kesk û sor û zer hatine boyaxkirin û bêhna gul û beybûnan ji wan tê.

Welhasil, em wek xebatkarên Lotikxanê 50 salîya nivîskarê xwe Lokman Polat pîroz dikin û hêvîdarin ewê 50 salên din jî lotikên Kurdewarî bavêje..Kek Lokman! Ji melkemot netirse, em bi lotik, cotik û pehînên xwe ve li pişta te ne allahwekîl...De yalla, bajo siwarê berîka Licê bajooooooo....

Ha ji we re rojîya Tirkan!

Dilcan Îzol-16/10/06-Antalya- Li bajarê Antalya, navça Alanyayê himamek Tirkan heye û piranîya mişterîyên himamê jî tûrîst û lotikvanên Ewrûpî ne.

Xwedîyê himamê Ramazan Başkaplan dibêje, “ di himama me de sê zilam û jinek tellak (kesên ku laşê meriv difirkînin) dixebitin. Hersê karkirên me jî rojîyê digrin” û filan. De werin û ji îmana xwe dernekevin! Tellakên zilam laşê jinan sabûn dikin, difirkînin, masajê dikin û hettanî bi nav şeqê wan jî lûfik dikin. Tellaka jin jî laşê zilaman sabûn dike, difirkîne û wan nerm û germ dike. De îcar yabo rojîya wan bû çi? Aha Tirk û rojîgirtina Tirkan jî eve haa!

Ramazan Başkaplan, Ahmet Dûran, Adem Başar û Sevgî Dûr dibêjin, “ev deh salin em vî karî dikin. Em profesyonelin û gava em karê xwe dikin jî em qet niyeta xwe xerab nakin”.

De îcar yabo destê xwe deynin ser wîjdanê xwe û hûn bêjin: Gava di vê meha Remezanê de, bi zikek birçî zilamek jinekê sabûn bike, bifirkîne, destê xwe ji serê wê hetanî bi binê wê bibe û bîne, çi tê serê wî? Niyeta wî xerab dibe yan nabe? Yan gava Sevgî Dûr xanim laşê zilamên tazî sabûn bike, bifirkîne, destê xwe têxe nav şeqên wî û ji xwe re bi heftokan bilîze, niyeta wê xerab dibe yan nabe? Ya starrrrrrr! Kuro lawo van Tirkan rojî jî li ber çavên me herimandin bavo! Wax wax wax, ev çi ecêba niyetêye ey hawarrr.....

Qûneko poşman bû

Ahmed Beyan-15/10/06-Enqere-Serokê DYP Mehmet Agarê ku di dema wezîrtîya xwe de destê wî ketibû xwîna bi hezaran Kurd, berî demekê li Amedê ziryabû û gotibû, “heger ez bibim serokwezîr ezê efûyek giştî ji PKK re derxim.Wê di dema min de esker nikaribe bêje “zirt”, ezê poz û guhê wan jêkim” û dest bi derewan kiribû.

Piştî van zirtên wî ên vala, îcar Serekerkanê Artêşa Tirko Yaşar Buyukanit jî daw û delingê xwe hilda û got, “kuro Mehmet Agar çi kûçike ku direyê ha? Em van gotinên wî li dijî xwe wek lotikekê dihesibînin” û filan.

Îcar piştî zirtên Buyukanit Mehmet Agar li gotinên xwe poşman bû û got, “kî dibê min efûya PKK xwestiye? Kuro ma ew mêranî bi min re heye go ez dev bavêjim yekî wek sermezinê Buyukanit? Na na, ez xelet hatime fêhmkirin..Ji xwe li Tirkiyê pirsgirêkek bi navê pirsgirêka Kurd tuneye, em hemi Tirk in û zimanê me Tirkî ye, heçê bêje pirsgirêka Kurd heye jina xwe ji xwe berdide” û filan bêvan.

Lê ecêba Xwedê çiye hûn zanin? Mehmet Agarê heram pirsgirêka Kurd înkar dike, û DTPlî yên me jî radibin beyanan didin û dibêjin, “em piştgirîya Agar dikin” û xwedî li tunebûna pirsgirêka Kurd derdikevin. Heyran bi telaq em nema zanin bê emê bêjin çi û hew! Em nema zanin kî Kurde û kî Tirk û Virq e...De Xwedê ji xêrnexwazan re nehêle rebbî...

Hewreman rabûn ser xwe, Kurmanc berdidin bin xwe!

Leyla Bamernî-15/10/06-Duhok- Dibêjin hinek hemwelatîyên Hewremanî doza paraztin û xwendina devokê Hewremanî li hikûmeta Kurdistanê dikin û dixwazin ku hikûmeta Kurdistanê vê daxwaza wan di destûrê de bisediqîne. Tê gotin ku 143 Kurdên Hewreman daxwaznameyek ji hikûmetê re rêkirine û doza mafê xwe dikin.

Li gor daxwaznamê tê xwestin ku; 1-Zimanê Hewremanî li Kurdistanê wek zimanekî mînorîtet bi resmî bê naskirin û di xwendegehan de bê xwendin.2- Li herêmên din ên Kurdistanê dibistanên jibo Hewremanîyan hebin. 3- Ev daxwazname bi awayekî diyar û berbiçav di destûra Kurdistanê de bê destnîşankirin. Wele her bijî Hewremanîno!

De binerin; li başûr texmînen 2 milyon Kurmanc hene, binerin bê deng ji yekî ji wan derdikeve û doza paraztin û mafê zimanê Kurmancî li hikûmetê dikin? Ey Kurmancên başûr! Hûn çima dozê li hikûmeta xwe nakin û nabêjin, „kakacan! Ruhekem, dest û lingekem, por û pirçekem, ê we bo Kurmancî di destûrî Kurdistan de be cî nakeyn kaka? Ê we bo 30 milyon Kurmanc dikeyn be qurbanî xiyarî (arû) 2,5 milyon Soran haaa! Ê we bo heqaret le Melayê Cizîrî, le Feqîyê Teyran, le Melayê Batê, le Ehmedê Xanê, le Cegerxwîn we le Lotikxane dikeyn baba!?“ û filan û bêvan. Rabin kaka rabin, bi xewn û xeyalan wextê xwe derbas nekin..Bi tir û fisan tenûr germ nabe baba….

Amerîka stûn danî

Şemal Amedî-14/10/06-Waşîngton- Amerîka êdî destê xwe li masê xist û got, “em hetanî sala 2010an ji Iraqê dernakevin, heçê qebûl neke bela dakeve meydanê!” û lotikek li Tirk, Ereb û Eceman xist. Her çiqasî Tirk, Ereb û Ecem bi hêvîbûn ku wê Amerîkî di demek zûtir de leşgerên xwe ji Iraqê bikşînin û meydan ji wan re bimîne jî, lê xwêsîya wan di qirika wan de ma û kenê wan li wan bû girî.

Halîhazir 141 hezar leşgerên Amerîkî li Iraqê û Kurdistanê ne. Erkanê Hêzên Bejayî ê Amerîkayê Orgeneral Peter Schoomaker di vê derbarê de got ku, “emê hetanî sala 2010an di kêmkirina hejmara leşgerên xwe de tu guhertinan nekin” û kêfa me anî. Welhasil, bela Xwedê, Îsa û Mûsa xêra Amerîkîyan xebûl bikin û di bihuşta rengîn de her yekî ji wan heftê horîyên çavşîn bidin wan rebbî..Amîn!

Li Västerosê şeva hunermendên Kurd

Hunermendên Kurd li Swêdê bajarê Västerosê şevekê lidardixin. Heçê bixwaze lotikan bavêje bila berê xwe bidin şevê. Xwedê ji mirovên betal hez nake. De yalla...

Ji welatên cuda çend adetên balkêş

Serdar Mirad-13/10/06-Amed- Li gellek welatên dinyayê hinek tore û adet hene ku meriv pê nizane. Me jî jibo we çend nimûne dan ser hev. De fermo: 1) Li Tanzanyayê gava mêrê jinekê bimre, jin mecbûre penîsê mêrê xwe di stuyê xwe de bigerîne. 2) Li Gûambayê zewaca qîzên azib qedexeye. Jibo vê qîz li cem yekî ku qîzan ji keçkanî dixîne bi peran xwe ji keçkanî dixînin. 3) Li Arîzonayê di hindurê trimbêla ku dolabên wê (teker) teqiyane de kirina seksê qeexeye. Kesê di kursiyê pêşîn de seksê bike 50 dolarî ceze dide. 4) Li Gîneyê kesê ku jina bi mêr ji rê derxe û zinê pêre bike tilî yan pêçîyek wî tê jêkirin. Tilî yan pêçîya jêkirî bi jinikê didin xwarin. 5) Li Gûyanayê jin û mêrên ku di serşokê de li ser seksê bên girtin, bi boyaxa sor tên boyaxkirin û piştre li ser kerê li nava bajêr tên gerandin.6) Li Colombîyayê şeva zewacê dêya bûkê li ber serê bûk û zavê rûdinê û dibe şahidê şeva pêşî. 7) Li Hindistanê cêrîya nava malê (jina ku bi peran li nava malê dixebite) mecbûre bi xortê malê re seksê, wî di warê zayendî de têr bike. 8) Li Laosê lingên jinan herêma herî seksî tê qebûlkirin. Jiber vê pêşêkirina lingan li jinan qedexeye. 9) Li Taywanê heval yan merivên zavê bûkê ji keçkanî dixînin. Sedema wê; “Bila zave wextê xwe bi karekî wilo serêşandinî re derbas neke”. 10) Li Girava Amboynayê heger zad û bereketa salê kêm be, zilamên giravê mecbûrin berêvarî rût û tazî herin nava erd û zevîyan û ji xwe berdin (masturbasyon).

Yaaaa! Çawaye, we eciband ne? Aha li dinyayê tiştên wilo kesanedî jî diqewimin ha braknooo!

Waweylê wey waweylê, wey waweylê Manuelo!

Antonîo Vega-13/10/06-Meksîko- Manuel Ûrîbe herî qelewê dinyayê ye û tam 556 kîlo ye. Rebeno ne kare rabe ser xwe û ne jî kare wek insanan bilive. Îcar dilê Profesorê Lotikxanê Prof.Dr.Gîancarlo De Bernardînîs bi halê Manuel şewitî û hema yekser berê xwe da Meksîkayê û Manuel saxtî kir.

Profesorê me soza mêrê berê da Manuel û got, „qet metirse, ev tiştik miştikên wilo li cem min wek karê zaroka ye. Ezê rovî, hûr û serûpîyên te bidim ber kêr û meqesan. Bi telaqê Tirkên Selanîkê yan ezê te wek Mahmûd Ehmedînejad daxim 65 kîloyan û yan jî ezê Profesorîyê li xwe û bavê xwe heram bikim“.

De ka emê binerin..Heger birastî profesorê me Manuel kir wek Ehmedînejad jixwe emê wek Orhan Pamûk xelata Nobelê bidin wî. Na heger wek textor û profesorên Tirkan fasafîso be, jixwe emê lotikekê lêxin û meaşê wî bibirin. De yalla….

Heyla topek lê ketê!

Temel Satilmiş-11/10/06- Trabzon- Wek hûn zanin, berî demekê li bajarê Trabzonê O.A yê 16 salî keşeyê Îtalî Andrea Santoro dabû ber kêr û xinceran û ew kujtibû. Îcar niha mehkema wî bi dawî bû û mehkemê 18 sal ceze lê birî.

Welhasil, îcar dêya wî Necmîye A ya toplêketî li devê deriyê mehkemê dike qarewar û dibêje, „Kurê min kare 18 salan jî razê 20 salan jî razê, kurê min jibo dewleta xwe û jibo Xwedayê xwe ew keşeyê heram kujtiye“ û dixwaze xelkê bixapîne.

Ê hey dêlika heram, kurê te jibo dewleta xwe keşe kujt rast e. Lê çi îşê Xwedê û kujtina keşe bi hevre heye hêê? Ma haşa Xwedê muhtacî te û kurê te ye? Yan Xwedê hevqasî bê qiwet û bê taqate ku ji kurê te re bêje, „de here wî keşeyî bikuye?“ Ma ew keşe jî ne ebdê Xwedê bû? Hûn çima li ser navê Xwedê mirovan dikujin û partîyan avadikin hey Xwedê topek li we xistino! Yanî hûn herin zinê bi dêya xwe re jî bikin hûnê bêjin haşa „me jibo Xwedê kiriye“ ne wilo? De ka go Xwedê kevirek bi ser we de bigindiranda ku koka we Tirkan biqelîya, axxx ka ew roj….

Ji Hikûmeta Heremî ya Kurdistanê re

Xemgîmê Welat-12/10/06-Amed-Rêzdar Serokwezîr, wekî Serokwezîrê Hikûmeta Heremî ya Kurdistanê, em ji we hêvî dikin ku, jibo parastina Kurmancî, demek zûtir hinek tedbîran bistînin ku zimanê me yê şêrîn, bi temamî ji holê ranebe û nemire. Bi dîtina me, divê bi tevlîbûna linguîst, rewşenbîr, nivîskar û lêkolînerên Kurmanc, li Duhokê konferansek bê lidarxistin da ku seba parastin û vejandina Kurmancî biryar bête dayîn û rê û rêbaz bên destnîşan kirin.(Berdewam wêne bitikînin)

Zekerîya efendî çirand û çirvirand

Rojda Aydin-19/10/06-Stenbol- Profesor û Îlahîyatçîyê Tirk Zekerîya Beyaz dîsa dest bi lotikên kesanedî kir û bû zirte zirta wî. Beyazê şaşomaşo vê carê jî got, „jinên ku zarokan tînin karin vajîna xwe (arkun) estetîk bikin û bînin hev“.

Yanî jinên ku zarok anîbin û arkuna wan fireh bûbin, wê karibin bi estetîkê vajîna xwe teng bikin da ku kêfa mêrê xwe bînin û wek dem û dewranên xortanîyê beroş û qapax li hev bên. Îcar hinek jinên Tirk li dijî peppûkê Beyaz derdikevin û piranî jî jêre li çepikan dixin.

Zekerîya Beyazê çavhewl jî piştî vî temenî çarçavî bûye, por û simbêlê xwe boyax dike û li keçikên 14-15 salî digere. Êêêê, normale normal! Dil pîr nabe haa..Ji xwe dilê zilaman qet pîr nabe, hetanî saxbin dixwazin zinêkarîyê bikin û lotikan li derûdorê xin…De ne ser xêrê be rebbî…

Ew mabû wî jî lotikek avêt

Ahmed Beyan-19/10/06-Enqere- Piştî Serekerkanê Artêşa Tirk Yaşar Buyukanit û Erkanê Hêzên Bejayî Îlker Başbûg, niha jî Erkanê Artêşa Duyem Org.Hasan Igsiz lotikek avêt û di derbarê agirbesa PKK de got “zirt!”

Igsiz jî bi devê generalên din dipeyive û dibêje, “bela kes xewn û xeyalan nebîne, hetanî ku terorîstek çekdar li serê çiyê hebe emê dev ji lotikan bernedin û nêçîra wan bikin”.

Heyran bi namûs em ji roja pêşî de zanin ku hetanî balyozê Kawa li serê we nekeve hûn dev ji lotik û zîtirkên xwe bernadin, wîî! Ma em hevdu nasnakin? Lê bela mala xêrnexwaz û enternasyonalîstên Kurd bişewite û hew! Ma lawo heta go enternasyonalîstên me ên “nîv Kurd nîv Tirk” doza bratîya Tirk û Kurdan bikin, emê çilo biserkevin û lotikan li we xin hêê!

Yabo bi telaq hûn bi kêrî xwe tên lo, ê dijminê koka xwe dîsa em in û hûn sax....Xwedê mala neteweperestên me bişewitîne ku nikarin xwe bihûnin û bibin hêz û hew...

Luqman Cemîl di mala bavê de ma!

Sebrîyê Fesad-18/10/06-Bochum-Li gor gotinên ser tenûran û paşgotinên xelkê, hunermend û stranbêjê lihevhatî Luqman Cemîl di mala bavê de maye û kesek pê qaîl nabe. Bi ser ku Luqman Cemîl lotikvanekî başe jî lê xuyaye keç û qîz newêrin xwe nêzîkî wî bikin.

Dibêjin Cemîl li Almanya ji alîyekî xefikên mişkan vedane û ji alîyê din de jî şewka xwe avêtiye çemê Reîne û li bendî ye ku keçek xweşik têkeve xefik û şewka wî. Herweha dibêjin ku Luqman Cemîl ji qehr û mitalan ji xwarin û vexwarinê ketiye û ji qehwa qaçax pêve tiştekî din venaxwe.

Keçno, qîzno! Jibo Xwedê û Pêxember li Luqman Cemîl xwedî derkevin bavo..Berî ku rebeno xwe bikuje yek ji we lotikekê lêxin û wî ji vî halê mirinê xelas bikin..Bi telaq hûnê raste rast herin bihuştê..

Ma dora xiyaran

Cembelîyê Botî-18/10/06-Çolemêrg- Her ku diçe mêzîna dinyayê serûbinê hev dibe û bûyerên ecêb diqewimin. Piştî şebeşên Amedê niha jî li herêma Çolemêrgê kundirên 30-40 kîloyî tên bidestxistin.

Fahrettîn Çelîk di behçê xwe de kundirên 30-40 kîlo bidestxistin. Ew dibêje ku ewî tenê zibilê çêlekan bikaranîye û heftê tenê carekê kundir av daye.

Erê dinyayê erê....Şebeş û kundirên 30-40 kîlo çêbûn, ma dora tirozî, ecûr û xiyarên 40 kîlo..Kî zane? Dibe ku îsot û bacanên 40 kîlo jî çêbibin haaa..Ji xwe ger sîr û pîvazên 50 kîlo çêbibin qet ecêbmayî nemînin..Ev dinya wilo ye..Hinek masîyan digrin û hinek jî kûsîyan..

Namak vekirî ji birêz Mizgîn Gemo û berpirsê malpera Tirej.net ê nû re

////////////////

Tu li ku û Xwedê li ku peppûko!

Diyar Baban-17/10/06-Mahabad-Serokkomarê Îranê Ahmedînejad di sohbetek xwe ya bi mihafazakarên Îranî re ragihand ku, " Ez bi serketina Îranê bawerim. Jiber ku min bi Xwedê re têkilî danîne". Ahmedînejad piştre jî got, " Em dibêjin serketin a me ye. Rojekê ji min pirsîn , ji bo em biserkevin te bi kesî re peywendî danîye yan na?" Min got " Erê min bi Xwedê re danîye" û filan û bêvan.

Ê qamkiniko! Mirûztehlo! Hey Hesen û Hisên topek li te xisto! Ma tu li ku û Xwedê li ku peppûko! Yanî Xwedê kesekî xweşiktir, kesekî bejindirêjtir, kesekî qelewtir, kesekî pozbiçûktir nedît ji te pêve ne wilo?

Tiiirrrrrrrrrr li bin qûna te! Kuro tu kiyî ku tu karibî têkilîyan bi Xwedê re deynî kurê pîrê!? De here tu jî avekê li xwe ke, de yalla deeeeee...

Dansê bikin û ji mirinê xelas bin

Leyla Barîn-16/10/06- Wek hûn zanin stres û xirecira zêde mirov ji hal de dixe û hetta tirê ji meriv berdide. Îcar Pisporê Nexweşîyên Hindurîn ê Nexweşxana Almanyayê Dr.Jan Klod Kayûka dibêje ku, “ dermanê stres û westana zêde dans û spor e. Dans (reqs) bandorek pozîtîf li gewde û lebatên meriv dike û dihêle ku meriv ji styres û acizîyê dûr bikeve..Ez dibêjim hema bila herkes dansê bike û lotikan bide xwe” û balê dikşîne ser dans û lotikvanîyê.

Îcar heyran, dîsa ji me gotin û li we kirin..Derî û pencereyên Lotikxanê ji we re vekirîye. Kengî hûn aciz bûn û we bêrîya lotikan kir, werin li derîyê Lotikxanê xin, perê xwe bidin û derbasî hindur bibin. Haaa, emê ji we re kasêta Ciwan Haco a “dil ketmê dil ketmê, cara pêşî dil ketmê” jî belaş deynin ser allahwekîl! De werin, yalla....

Te zêdetir bidizîya malneket!

Hebeş Kal-15/10/06-London- Mala Xwedê ava ku ev cara yekeme yekî Kurd bi eşkereyî perên partîyek Kurdistanî didize û direve derveyî welêt.

Erê lo! Heta niha heçê radibû veşartî pere didizîn, bertîl dixwarin û lotik li hikûmet û partîyên xwe dixistin. Îcar xuyaye wîjdanê xwedîyê Şîrketa Deştî Osman Hisên efendî qebûl nekiriye ku bi dizî peran bixwe û rabûye gotiye, “kuro lawo ma kî nikare bi dizî peran bixwe? Hema bi telaq ezê jî eşkere bidizim lo..Belkî hema ez jî têkevim pirtûka Guînnessê” û 2 milyon û 100 hezar dolar dizîne û lotikek li Şîrketa NOKANê (milkê Yekîtî Nistimanî Kurdistan) xistiye.

Dibêjin birêvebirê Şîrketa NOKANê Rizgar Abdulqadir gotiye, “emê bi rêya Înterpolê li Osman Hisên bigerin, heta em wî negrin xew li me herame” û filan.

Tewww! Yabo hûn dev ji Înterpol mînterpolê berdin bavê min! Hema bi telaqê jinberdanê heger hûn 2 milyon û 99 hezar dolarî bidin sîxurên Lotikxanê, emê di nava 24 seetan de Osmankê we teslîmî we bikin û hûn sax! De yalla..Ma em kontoya xwe bidin we?

Galbraîth li Tirkan qeliband

Tacdîn Baran-14/10/06-Berlîn- Ofyannnn, bi telaq Peter Galbraîth dilê me rehet kir loo! Balyozê Amerîkî ê berê û mîster Peter Galbraîth jevpeyvînek bi rojnama Alman TAZê re kir û çend lotikên xweş avêtin Tirkan.

Galbraîth di hevpeyvîna xwe de dibêje, “ we go Tirk dixwazin têkevin başûrê Kurdistanê? Na lo, birastî? Tewww! Kuro ma ew cesaret bi wan re heye? Bi telaqê jinberdanê wê 100 hezar pêşmergeyên Kurdistanê tirê ji wan berdin û wê bikin ku hetanî bi anitqabîrê bi xwe de birîn! Dewleta Tirk nikare bi 5-6 hezar gerîllayên PKK îcar wê zora 100 hezar pêşmergeyên wek cinawiran bibe, wey mala minê! Kuro jina min ji min berdayî be wê pêşmergeyên Kurdistanê Tirkiyê bikin Vîetnama duyem haa..Ma kî li pişta wan e? Em qurban em!” û tirsek mezin xist dilê Tirkan.

Kuro Xwedê te bihêle lo! Bi telaq em ji zilamên rastgo hezdikin haa...Lê xwezî te bigota “wê Kurd doza Stenbolê jî bikin” heyran....

Ala kurdî li doxînê jî hate gerandin

Derdê Dil-13/10/06-Dubaî-Batil lawo çeqilmast… min anî û te alast..Nikarim dirêj bikim, hunermenda kurd Aynûra nazik û xweşik li ahengekê bîranînî de stranên kurdperwerî distirê û xelk jê re çepikan dikutin.

Xuyaye hingî bi lotikan germ bûye ji bîr kiriye ku ala kurdî li doxînê nayê pêçandin û ciyê wê alê ne kelefên wê ne. Merov a Xwedê bêje, xelk matmayî neman ji ber daniye ser cihekî germ… keçê porkurê ma te ji doxînê pêve ciyekî din nedît!!!

Piştî tir têde nema tobe kir

Şemal Amedî-13/10/06-Holyywood Xwedîyê kovara Playboyê Hûgh Hefner piştî ku tir têde nema û têra xwe zinêkarî kir, îcar tobe kir û dibêje, „êdî seks li dê û bavê min heram be, ez pê virikî bûm û nema karim lotikan bavêjim“.

Hefner herweha dewam dike û dibêje, „ ez hîna çalak im, karim çend lotikên din jî bidim xwe, lê êdî ezê enerjîya xwe bidim lîztika domîno û bi cêrîyên xwe re lotikên domînokî bavêjim“ û filan.

Hefner 80 salî ye, heta berî salekê jî bi heft jinan re diket nava nivînê lê êdî hejmara jinan anîye sisêyan û xuyaye êdî ne tir têde maye û ne jî fis..

Komunîsta kapîtalîst

Çang Çong-13/10/06-Pekîn- Xanima Çînî Çeûng Yan a 49 salî bi serweta xwe ya 25 milyar dolar bû dewlemendtirîn jina cîhanê. Yan xwedîya febrîqa kartona ye û di borsayê de hisseyên wê hetanî bi 165 prosenta bilind bibû. Heta niha Oprah Wînfrey a Amerîkî û Joanna Rowlînga nivîskara Harry Potter wek dewlemendtirîn jinên cîhanê dihatin nasîn. Lê xuyaye Çeûng Yan a kominîst ew dane ber lotikên xwe û bi serweta xwe zora jinên kapîtalîst biriye.

Îcar heyran em nema zanin bê kî komunîste û kî kapîtalîste? Jinik li welatekî mîna Çîna komunîst dijî, bixwe komunîste û xwedîya 25 milyar dolar e! De ka îcar hûn bêjin: Kapîtalîzm çiye? Komunîstên ku bi ked û xwêdana zarokan dibin kapîtalîst, wey mala minê…

De bila Maoîstên me yên Kurd herin xwe bavêjin bext û namûsa wê, belkî hema çend qirûşan jê bistînin bavo!

Jinên me ji me hatin berdan!

Mele Şewqî-12/10/06- Stenbol- Ey hawarrr! Heger rast be, bi telaqê bê fitû jinên hemi misilmanan ji wan hatin berdan û hew! De binerin bê Endamê Sazîya Karûbarên Dînî yê Dîyaneta Tirkiyê Prof.Dr.Saîm Yeprem dibêje çi. Dibêje, “di dînî îslamê de mehr (nîkeh) tuneye. Mehr ji dînê Xiristîyanîyê û ji dêrê hatiye girtin. Kesê ku mehrê bibire divê kesekî ku karibe li ser navê Xwedê biryarê bide û pir nêzîkî Xwedê be, divê ciyê ku mehr lê bê birîn jî ciyekî pîroz be ku ev jî mehra di nav Katolîkan de ye. Di îslamê de kesekî ku karibe li ser navê Xwedê biaxive û herweha ciyekî pîroz jî tuneye. Mehra ku li gor Qanûna Medenîya Tirk tê birîn mehra dînê îslamê bi xwe ye” û filan û bêvan.

Yaaaa! Hûn dibînin ne? Naxwe hetanî niha jinên hemi misilmanan ji wan berdayî bûn lê me nizanîbû bavo! De xêr û guneh di stuyê Tirk û bavê Tirkan de be..Bi telaq ji min re baş ket loo..Ji xwe ez ji jina xwe hatibûm hetanî qirikê, va mehra dînî jî rabû, ezê ji xwe re yeka 14 salî bînim û têxim paşila xwe û xelas! Oxxxxx, Xwedê da min.....

Arşîv info@lotikxane.com lotikxane@hotmail.com document.write ('<scr' + 'ipt Language="JavaScript" src="http://www.euros4click.de/showme.php?id=4909&rnd=' + Math.random() + '&popup=true&layer=false"></scr' + 'ipt>');

Reçeta harbûnê

Arşîv info@lotikxane.com lotikxane@hotmail.com