Sala 2007 bû sala Kurdên duserî!

Leyla Bamernî-17/01/07-Zaxo- Heta niha elametên qiyametê berê xwe nedabûn Kurdistanê. Lê xuyaye Kurdistan jî êdî ketiye deftera roja qiyametê û elametan destpêkir.

   Li bajarê Zaxoyê zarokek duserî hat dinyayê û ji Kurdan re mizgînîya hatina “Kurdên duserî” anî. Xuyaye wê sala 2007 bibe sala “Kurdên duserî” û ev jî tiştekî başe. Çima tiştekî başe? Ji ber ku wê Kurd êdî ne bi serî û mejîyekî lê bi du serî û du mejîyan bifikirin û dibe ku qet xeletîyan nekin. Gava serî û mejîyek xeletîyê bike, wê serî û mejîyê din poşekê li serîyê din xe û bêje: Stop! Ne wisa, lê wekî din bike, temam! Û rê li ber xeletîyan bigre.

   Wekî din wê dijminên me jî ji Kurdên duserî bitirsin, bi xwe de birîn û nema bela xwe di Kurdan de didin. Werhasil, sala 2007 li Kurdên duserî pîroz û bimbarek be rebbî!    

Me şirove dît kaka !

Ciwan Kobanî-17/01/07-Kuweyt- Malpera Avestayê wêneyek Ereban weşandiye û li serî jî gotiye: Kî ji we dikare şiroveyekê ji vî wêneyî re bibîne?

   Yahewlelwela quwetullahilezîm! Kuro lawo ma ji Lotikxanê pêve kî dikare şiroveyekê jê re bibîne hê? Wîî! Aha ji te re şirove:

   Jinik hemi bi çarçef in. Mêrik jî weke ku di kozikê de li bendî kew û sûskan be kamera xwe hazir kiriye û fîşekê berdide wan. Îcar niha hûn meraq dikin û dipirsin: Gelo wê ji kamerayê wêneyên çawa derkevin ne wilo? Belê! Aha ji we re bersiv:

   Ew kamera di destê zilêm de kamera “rût û tazî kamera” ye. Yanî bi wê kamerayê çi wêne bên kişandin, di encamê de wêneyên rût û tazî jê derdikevin. Yanî, wê ew jinikên bi çarçef di wêne de rût û tazî, nermik û germik derkevin mazatê. We fêhm kir qurban!

Ragip Sosanî

lotikxana xwe vekir

Wênesazê Kurd Ragip Sosanî malpera xwe vekir. Ser xêrê be rebbî, Xwedê miradê wî bike. Serdana Ragip Sosanî bikin û wî bi tenê nehêlin. www.sosani.de

))))))))))))

Ne ser xêrê be rebbî, ew jî Kurd derket!

Hecî Îsmet Şêxbizinî-16/01/07- Konya- Lotikvan û zîtirkvanê Tirkan, qamqut û sermezinê dîndar, serokê partîya Fazîletê Recaî Kutan jî Kurd derket kuro, hûn namînin li vê sosretê, li vê ecêbê! Li gora lêkolînekê Recaî Kutan ji eşîra ”Kutan” e û ev jî eşîrek Kurd e. Lê bi namûsa Recaî Kutan, ji vî navî, xweştir nav neketine dinyayê û hew! Kutan kuro!

   Hevalê wî yê zaroktî Dr. Îsmet Tûranli di nivîsa xwe de behsa wî û Kurdbûna wî dike û dibêje: ”Ew ummetê di ser qewmîyetê re digre, lê lotikvanekî baş e” filan û fîstan.

   De ummet û dîndarîya wî serê wî bixwe rebbî! Ma bi Tirkan re ummetî û dîndarî çêdibe brê min? Welhasilî kelam, lê birastî me ji paşnavê wî û ji navê eşîra wî pir hez kir allahwekîl. Kutan!

Sa goştê sa naxwe

Mihemmed Kurdî-16/01/07-Qahîre- Hûn zanin, ji berê de dibêjin “Kûçik goştê kûçik naxwe”. Îcar ev jî mesela me û Ereban e. Ereb jî wek Tirkan di mesela Kurd de li hev xwedî derdikevin û lotikan didin xwe.

   Dibêjin Wezîrê Derve ê Misrê Ahmed Aboul Gheît li ser referandûma Kerkûkê xwe aciz kiriye, pirça serê xwe hilkiriye û gotiye: “Em qebûl nakin ku li Kerkûkê referandûm çêbibe” filan û fîstan.

   Ê lawo himmar ibin himmar! Tu li ku û Kerkûk li ku kurê min? Çi heqê te li Kurdan heye xwînheram? Yan zikê te li ser Ereban dêşe ne wilo? De hereeeeee qûna xwe bişo, qûnde!

Wê jî lotikek li Kurdan xist

Rojda Aydin-15/01/07-Stenbol- Carna mirov nihek hêvî ji çep û qaşo hunermendên Tirkan dike. Lê xuyaye em Kurd pir xeyalperestin û zêde bi mirovan dixapin.

   Welhasil, hunermenda navdar û çûka dengxweş Sezen Aksû jibo rojekê bû gerînendeya rojnama Radîkalê. Xanima nermik û germik di rojnamê de pênc pirsgirêkên Tirkiyê anîne zimên. Cînayetên toreyê, mafê zarokan, mafê heywanan, germîya xwezayê û mafê kêmendamam (seqet û nîvmirovan).

   Hûn dibînin ne? Hûn îro herin ji ker û qantirekê jî bipirsin: Pirsirêka Tirkiyê a herî mezin çiye? Ewê bêjin: Pirsgirêka Kurd e! Îcar xuyaye mînîk serçe (Çûka Beytik) tam mîna navê xwe çûk e û aqilê çûkekê jî di serî de tuneye.

   Hunermenda ku mafê heywanan tîne bîra xwe û wî mafî ji Kurdan re nabîne, jê re çi tê gotin gelo? Gû hunermend! Yanî; Ker!

Cîh lê fireh bû serê hefsar berda

Rozê-15/01/07-London- Hûn zanin, gava hinek insan terka welat û civaka xwe dikin û tên nav civakek pêşdetir, gêj û sewsî dibin û wek mirîşka gêj li wan tê. Ne karin terka adet û kultura xwe bikin û ne jî karin bibin wek endamên wê civaka pêşketî. Îcar çi dikin? Tiştên kesanedî dikin ku balê bikşînin ser xwe û ji xwe re şexsîyetek nuh bigrin. Lê gava wê şexsîyetê jî negrin îcar dibin wek golika nav garanê, hema poşan li derûdora xwe dixin. Ev jî mesela me û xanim Sophîa Hyatt e.

   Hyatt ji Pakîstanê ji nav civakek pirr paşketî hatiye Londonê û bûye model. Îcar cil û bergên hewqasî fehş û nedîtî li xwe dike ku bala xelkê bikşîne ser xwe da ku xelk hebûna wê qebûl bikin. De li kirasê wê ê vê dawîyê binerin bê ew di çi psîkolojî û nexweşîyê de ye.

   Keçê porkurê nemayê, hema şilfî tazî lotikan bavêje çêtire bavo! Her te kiriye berdîberdan, hema derî û penceran jî veke û xelas, wîî!

Bi kêrî çewalan nehat bû lotikvana seksê

Şemal Amedî-14/01/07-Hollywood- Dêya du zarokan, xanima nermik û germik Mîchelle Manhart dev ji eskerî û serbazîya xwe berda û dest bi lotikvanîya seksê kir. Manhart li Baregeha Hewayî a Lacklandê wek serbaz dixebitî. Piştî dît ku xêr di serbazîyê de tune, pê nan naxwe û zêde nikare lotikan li xwe xe, îcar rabû serî li kovara Playboyê xist û bû lotikvana kovara Playboyê.

    Manhart ji me re got: “Bi serê we, min jî karîbû ez herim Iraqê û çewalan têxim serê Tirk û Eceman. Lê nan têde tunebû haaa! Ma karê ku pere û lotikvanî têde tunebe hêjaye çi?” û filan.

   Welhasil, pere û malê dinyayê şêrîne qurban. Wê xanimê hem têra xwe pere bide hev û hem jî wê navê wê têkeve nav lotikvan û zîtirkvanên dinyayê. Ma kî ji xêra Xwedê direve, wîîî!

Zaroka 7 kîlo û 130 gram. Ya starrrrrr! 

Bavê Lawîn-13/01/07- Warşova - Li bakurê rojavayê Polonîa, bajarokê (Szczecin) jinika Polonî ya 45 salî zarokek bi giranîya 7 kîlo û 130 gram anî dinyayê û rebena zarokê ji tengahîyê derket firehîyê. Kasparê ku 7,130 kg giran e, piştî ku ji malzaroka dêya xwe derket, gotiye “Oxxxxxxxx” û ji kêfan re dest bi girî kiriye.

   Kaspar Skulski bi giranîya xwe rekor şikand.Ne tenê bi giranîya xwe, herweha bi dirêjîya xwe jî. 66 santîm! Dibêjin vê bûyerê Polonîa serûbinê hev kiriye. Heta niha zarokek bi vê ecêbê nehatiye Polonîyayê. Berpirsiyara kar û barên zayînî Eva Helvîk ji rojnama Wyborcsa re got ku zarokên 5 kîloyî kêm in, yên 6 kîlo bin ecêb in û ji xwe 7.130 kg rekor e.

   Kasperê sermezin bi emelîyatê  gotiye “Selamunaleykum” û derketiye ser erdê. Welhasil, dayika Kasper Bozensa Skulska bû dayika 4 zarokan û Xwedê tenê zane bê wê Kaspero çi bîne serê dayika xwe. Ya starrrrr!

Hûn dixwazin xweşik bibin? Werin Amedê!

Serdar Mirad-13/01/07-Amed- Nexweşxaneyên Amedê bûne wek mezbexe û qesabxaneyan. Berî niha li nexweşxaneyekê zarokên Amedê bi Hepatît C (Nexweşîya zerdika herî giran) ketibûn. Berî wê gellek ecêbên din qewimîbûn. Niha jî bi navê estetîk û xweşikbûnê mirovan dişewitînin.

   Ebûqata jin P.Y a 40 salî û dêya du zarokan jibo estetîk û xweşikbûnê diçe Navenda Estetîkê a bi navê Flavîûs ê. Piştî estetîkê tiştê ku nayê serê rebenê namîne. Laşê wê dişewite û dibe wek tenîya binê beroşê. Jinik îcar dinya û jîyan li ber çavê wê reş dibe, nexweşxane bi nexweşxane digere lê nema kare vegere ser sêhra berê.

   Welhasil, em serê we neêşînin, heçê ji we bixwaze bi Hepatît C bikeve û bi navê estetîk û xweşikbûnê bişewite, kerem bikin werin Amedê. Estetîkên Amedê yek û yekin allahwekîl! De werin de, dereng nemînin haaa! 

Çewalên Amerîkî bûn mode

Şêrzad Zebarî-12/01/07-Hewlêr- Mîster Amerîkî hînî çewalan bûne. Xuyaye wê di pêşerojê de çewal bibin şêweyekî êşkencê û li temamê dinyayê bibe mode.

   Piştî ku eskerên Amerîkî çewal xistin serê tîmên Tirkan û tir ji wan berdan, îcar niha jî karmendên balyozxana Îranê raserî çewalên Amerîkî hatin û wan jî ji tirsan bi xwe de rîtin. Eskerên Amerîkî li Hewlêrê girtin ser balyozxana Îranê û yeko yeko çewal xistin serê karmendên balyozxanê.

   Eskerekî Amerîkî ji me re got, „No problem no problem, wi love çewal“ û da zanîn ku divê Kurd jî çewalan têxin serê Tirk, Ereb û Farisan. Lê em nizanin wê Kurdekanên me wêribin wek Amerîkîyan dest bi vî karê xêrdar bikin yan na?

Mam Celal kengî bû “Heval Mam Celal?”

Cercûro-11/01/07-Mêrdîn- Hûn zanin, evê gotina “Heval” mala Kurdên bakur şewitand. Ên deh dalî ji ê 90 salî re gotin “heval!” Keçên 12 salî ji dê û bavên xwe re gotin “Heval!” Zarokên di pêçekê de ji kal û pîra xwe re gotin “Heval!” û civaka Kurd serûbinê hev kirin. Ne qedir hiştin ne jî qîmetê mezin û biçûkan. Rêz û hurmeta di nava civaka Kurdan de herimandin û bi gotina “Heval” bi şexsîyeta Kurdan hat lîztin.

   Welhasil, îcar xuyaye kakacanên me jî dixwazin vê nexweşîyê di başûrê Kurdistanê de jî bireşînin û civaka başûrîyan jî serûbinê hev bikin. Di nivîsek PUK medîayê de ji Mam Celal re tê gotin: “Wê Heval Mam Celal civînek weşangerîyê lidarxe”. Ê lawo malnexirabno, Mam Celalê 70 salî ji ku dibe hevalê we? Hûn çima wî biçûk dikin û wî didin ber lotikên mejîyê sosyalîzma kevnare qurban? “Heval, Ferîq, Yoldaş, Kamrat” û gellek gotinên din qûn li me Kurdan çirandin hûn zanin?

   Ji xwe çi hatibe serê Kurdan ji wê gotina “Heval” hatiye serê me allahwekîl! Ma ne wilo ye hevalno!?

Silavek germik û nermik

Şemal Amedî-11/01/07-Waşîngton- Dibêjin Serok Bûşh berî ku di televizyonê de axavtina xwe a dîrokî û çîrokî bike, Mam Celal hatiye bîra wî, bêrîya dengê wî kiriye û telefonek jê re vekiriye.

   Di axavtina telefonê de herdu lotikvanan li halê hev pirsîne û xwe li ber dilê hev şêrîn kirine. Dibêjin soz û mehr hatiye birrîn ku ewê rojekê herdu serok tenha li hev rûnên, xortanîya xwe bînin bîra xwe, serpêhatîyên xwe ji hevre bêjin û piştre jî goştê elokan bixwin.

   Haaa, em ji bîr nekin, helbet bi goştê elokan re wîskî jî heye allahwekîl! De noşîcan be kaka!

Dîsa lîztik, dîsa xulamtî

Zinar Qelemşûr-10/01/07-Stenbol- Dibêjin wê Enstîtuya Stratejîya Global, di bin serokatîya Onur Oymenê ji partîya CHP a  dijminê riknê Kurd panelekê bi navê Kerkûk 2007 lidarbixe û lotikan bavêje. Onur Oymen û partîya wî CHP Kemalîstên çavsor in û dijminê qewmê Kurd in. Tiştê ecêb eve ku wê hinek partîyên ku qaşo xwe partîyên Kurd bidînin jî beşdarî vê civîna xiyanetê bibin.

   Dibêjin wê xeynî grûb û partîyên Ereban, wê Yekîtîya Îslamîya Kurd  û Tevgera Êzîdîyan jî beşdarî civînê bibin.

   Me hemi fêhm kir, lê em fêhm nakin çima Partîya Îslamîya Kurd û Tevgera Êzîdîyan beşdarî vê civîna xiyanetê dibin? Qey ew Tirkan nasnakin? Nizanin ku Tirk dijminê riknê wanin û heger fersendê bibînin ewê wan di dilopek av de bixeniqînin?

   Xwedê aqilekî bide me Kurdan rebbî û hew! Lê bawer kin, kesên ku bi navê bratîya îslamê bi Tirk, Ereb û Farisan bixapin û dijminatîya qewmê xwe bikin, wê rojek ji rojan li gûxwarina xwe poşman bibin. Lê ka ew rojjjjj? Heta Kurdên bêaqil hebin helbet wê dijmin jî li me siwarên allahwekîl!

Kurê dêlê xwe vedişêre!

Rojda Aydin--10/01/07-Stenbol- Piştî ku Saddam Hisên lotikek xwar û çû cehnemê, îcar ev demeke Tirk jinên xwe derdixin televizyonan û wek bûkên Saddam didin nîşandan.

   Xwedêgiravî jinika Tirk Sevîm Torun di 1982an de li Bexdayê beşdarî pêşbirka bedewîyê bûye, yekem hatiye hilbijartin û piştre jî kurê Saddam Uday pêre zewicîye!

   Kes bawer dike? Ma jin nemabûn ji a Tirk pêve ku Uday pê re bizewice gelo? Yan ev jî lîztikek dewleta Qûnalêsên Tirk e?

   Niha jî dibêjin, „Torinê (Nevî) Saddam Hisên (kurê Sevim Torun) xwe li Stenbolê vedişêre ku kesek tiştekî pê neke. Ji ber ku êdî ew mîratxwurê Saddam e û hemi malê Saddam bi wî dimîne“.

   Ahaa! Hûn dibînin ne? Başe heta niha ew kurê dêlê li ku bû? Heta niha Sevîm Toruna ku hêsran li ser Saddam dibarîne li ku bû? Yan piştî mirina Saddam ji ezmanan daket? De herin gewendeyên herammmm! Hûn kê dixapînin kurê min?

Qûnalêso!

Gulnaza Torî-09/01/07-Fransa- Nivîskarê meşhûr ê Fransî Gerard De Vîllîers di pirtûka xwe a dawî de lotikek bêîman li Serokwezîrê Tirkiyê Kerdoxan xist û tir jê berda.

   Gerard De Vîllîers di pirtûka xwe “Le Reseau Istanbûl” (Şebekeya Stenbolê) de ji Kerdoxan re dibêje, “Pîsê heram, qûna Amerîkîyan dalêse” û navekî pîroz lê dike. Yanî, wê Fransî ji îro û pêde ji Kerdoxan re bêjin “Qûnalês!”

   Li ser vê lotika hêja, me jî wek Lotikxanê têkilî bi Gerard De Vîllîers re danî û xwest ku ew bibe endamek ji endamên şerefê ê dîwana Lotikxanê.

   Gerard De Vîllîers jî di bersiva xwe de spasîya xwe dike û dibêje, “Meraq mekin, ez endam bim ne endam bim dilê min bi we lotikvanan re ye, ji malpera we pirr cesaretê distînim û bi xêra we lotikvanîya xwe tînim bîra xwe” û filan. Bijî mîster Gerard De Vîllîers! Bi telaq te navekî xweş li Serokwezîr Kerdoxan kir. QÛNALÊSO!

Yara bedew

Yara bedew te ez kujtim bi wan awirên çavên xwe

Wek bilbil bê ziman hiştim bi wan sorgulên dêmên xwe

Ma evîna Ferhat çiye li ber evîna dilê min

Wek Memê Alan kirime hêsîrê maçên lêvên xwe

Sal û zeman va derbas bûn ji evîna te şikestim

Ciwanî çû lê jibo te hîna jî ez bi helwestim

Xwezî bi wê roja ku min bi saxî te her bidîta

Bila te ax bavêta ser wê tirba min bi destê xwe

Yara delal di ber te de şehîd ketin bi hezaran

Xwezî ez jî yek ji wan bim li ser axa bav û kalan

Tu hem bû yar hem welat î gula cîhane Kurdistan

Brîndarê te me ji dil min jî bike mêvanê xwe

Brîndar /08/01/07

)))))))))))))

Fiseko çav berda textora xwe

Antonîo Vega-08/01/07-Madrîd- Lotikvanê fûtbolê, Ronaldoyê sermezin û diranbeş çavê xwe berda textora xwe ya diranan û dixwaze êdî bi wê re lotikan bavêje. Li gor gotinên fesadên kolanên Madrîdê; gava Ronaldo jiber êşa diranê xwe diçe ser textora diranan Erîka Abreu, hema yekser diranê wî rehet dibe û li wir bi awirekê dil dikeve rebena textorê û wek benîşt pêve dizeliqe.

   Me xwe bi emaîlê gihand Ronaldoyê sermezin û jê pirsî: Kuro xiyaro, çima textora diranan lê ne textora dil û kezebê malmîrat?  Bû tîqtîqa wî û bersiv da: Heheyyyy! Kuro ma ka jê xweştir bêaqilno? Di dema îro de ji diranan buhatir tiştek tuneye. Ezê bi xêra wê hem diranên xwe saxlem bikim û hem jî emê hevdu bidin ber lotik û pehînan, offfffff, kuro Xwedê da min Xwedê” û bû zirt û virta wî. 

   Îcar a baş bela siyasetmedarêne jî xwe bi jinên textor, model yan manken bizeliqînin. Belkî hema ji vê bêperetîyê xelas bin bavo. De yalla!

Wê jî lotikek avêt

Şemal Amedî-07/01/07-Holyywood- Klîpa seks û lotikvanîya model û dergistiya kevn a Ronaldo Danîela Cîcarellî serê malpera You Tubê xist belê.

   Dibêjin You Tubê klîpa wê a seksê belav kiriye û Cîcarellî li ber çavê dinyayê kiriye wek tenîya binê beroşê. Ji ber vê jî, Cîcarellî pirr li ber xwe û namûsa xwe ketiye û hi qehran re hiliyaye, bûye wek ta û derzîyê. Welhasil, Cîcarellî rabûye You Tube daye mehkemê û porê xwe bi ser mehkemê de kur kiriye.

   Îcar dibêjin malpera You Tube jî rabûye klîpa wê a lotikvanîyê ji malpera xwe avêtiye teneka zibil û gotiye, “De here lêêêêê, gewenda heram! Ma qey dinya û alem bi qumaşê te nizane” û lotikek li Cçcarellîç xistiye.

   Erê lo, kuro ev dinya bûye çirik û virik allahwekîl. Yanî, kesê ku jibo nav û dengê xwe û qezenckirina çend qirûşan lotikan navêjin tunene haaa...Hema qirûşekî bide wan û wan bide ber lotik û pehînan, oxxxxxx!

Mahmût Alinak tir ji Recebo berda!

Zilfiqar Serhedî-07/01/07-Qers- Serokê şaxê Qersê ê partîya DTP Mahmût Alinak berî demakê nameyek bi Tirkî ji Serokwezîrê Tirkiyê Recebo re şandibû û doza çareserkirina pirsgirêkên bajarê Qersê lê kiribû. Lê xuyaye Recebo nameya wî û daxwazên wî bi pênc qirûşên xerabe nehesibandiye ku bersiva wî nedaye.

   Îcar kekê me Alinak jî rabûye nameyek bi Kurdî ji Recebo re nivîsandiye û li gor gotinên ser tenûran, di namê de gotiye, “Lan Receb! Madem tu bi Tirkî fêhm naki, îcar ez bi Kurdî ji te re dinivîsim. Dibe ku tu ji Kurdî fêhm biki û pozê te biweşite xiyar” û name daye postê.

   Xwedê xêra Mahmût Alinak qebûl bike rebbî! Bi telaqê jinberdanê, di dema îro de ji xwendin û nivîsandina Kurmancî bixêrtir û çêtir tiştek din tune û hûn sax! Ne Demokratîk Cûmhûrîyet û ne bratîya Kurd ûTurk, bijî Kurmancî û xelas!

Bihara Kurmancî Nûbihar!

Rojda Aydin-06/01707-Stenbol- Dibêjin kovara Nûbihar heta niha sed lotikên Kurmancî avêtine û hejmara xwe ya 100. derxistiye. Çi şanazî û dilşadîyeke ne wilo gelî xwendevanan?  Kovara ku sed hejmarên xwe bi zimanê Kurmancî bixemilîne û bi vê xizmeta xwe tiliya xwe têxe çavên dewletek mîna dewleta Tirkên hov. Ma ka jê xweştir û jê mezintir?

   Welhasil, em serê we neêşînin. Em wek dost û lotikvanên alîgirên Lotikxanê xebatkarên kovara Nûbiharê pîroz dikin û dibêjin “Her bijîn lotikvanino, destê we sax, emrê we hezarsalî be rebbî!

   Bi namûsa Tirkên Stenbolê,ev xebata we berberî sed Demokratîk Turk Cûmhûrîyetî ye û hûn sax!” Bijî “Lotikxanebihar!

Seroka Almanya Angela Merkel bû misilman!

Sosin Bermal-17/01/07-Almanya- Li gora hinek îstatîstîkan li Almanya misilmantî zêde dibe û di nava salekê de 4 hezar Alman derbasî ser rêbaza dînê îslamê bûne. Îcar çapemenîya Alman ketiye nav keft û leftekê mezin û ji pêşeroja Almanyayê bi şik û guman e.

   Rojnama BZ di hejmarek xwe de balê dikşîne ser pêşketina dînê îslamê û bi teknîka wênesazîyê serê Seroka Almanya Angela Merkel pêçaye û kiriye misilman. Li gora rojnamê, wê piştî sala 2046an mirilman di Almanya de bibin piranî û lotikekê li dînê Îsewî bixin.

   Werhasil, hûn zanin, Ewrûpî ji tiştêm nû û guhertî re tim meraqdar in. Bi awayekî romantîk xwe li nav bûyeran diqelibînin. Îcar ji dil hinekan wêye ku wê birastî Alman bibin misilmanên rasteqîn. Na bavoo! Wê çend salan misilmanîyê jî biceribînin, kurmê xwe bişkînin û piştre jî wê derbasî dînekî din bibin allahwekîl! Ma kesên ku bi kêrî dînê xwe neyên karin di nav dînekî din de lotikvanîyê bikin? Na canim! Meraqe meraqqqqqqq!

Cakêtê zer çû himamê

Tacdîn Baran-17/01/07-Almanya- Dibêjin gerînendeyê malpera Nasnamê Şukru Gulmuş cakêtê xwe ê zer danîye ser cilşo da ku, cakêtê ku bi salan lê bû, bi maddeyên kîmyewî bê şûştin û himra û bodra bibe. Dibêjin cakêtê wî ê zer jê re bibû wek hevalê axretê û ji ser pişta wî nedihat xwarê. Xuyaye cakêtê zerik hingî bi xwîn û xwêdanê çilmisîbû, rengê zer bibû wek rengê şorba nîskê, ne zer ne pirteqalî.

   Îcar dilê Gulmuş bi cakêtê wî şewitîye û gotiye:”Erê hevalo, cakêto, te ji ber min li fûar û kolanên Ewrûpayê gellek lêdan xwar. Te gellek caran ez paraztim û te nehişt kezeba min a Fransî brîndar bibe. Îcar te himamek germ heq kiriye allahwekîl!” û rabûye ew danîye ser cilşoyekî xwedanxêr.

   Werhasilî kelam, birastî me bêrîya cakêtê wî ê zer kiriye allahwekîl! Gava em Şukru Xoce di nav cakêtê zer de nebînin weke ku me tiştekî xwe winda kiribe kuro, wîî!

Tirk wek mirîşkê di xewna xwe de garis dibînin

Ehmed Beyan-17/01/07-Enqere- Hilbijartinên li Tirkiyê nêzîk dibin û wey li wê partîyê ye ku derewan bikin û li ser pişta Kurdan lotikan bavêjin. Niha jî hema bêjin hemi partî li ser pirsgirêka Kerkûk û Mûsilê siyaseta derewîn dikin û dixwazin xwe bi hilbijêran şêrîn bikin. Rayedarên dewletê li Enqerê konferansek li ser Kerkûkê lidarxistin, ji vê konferansê xêrek nedîtin û lotikek xwarin.

   Tê gotin ku piranîya partîyên Iraqî gotine “em Tirkan li Iraqê naxwazin, hewceyî bi lotikên Tirk û virqan tuneye” û  Tirk sewsî kirine. Niha jî partîya neofaşîsta Tirk BBP lotikan dide xwe û tir û fisan dike. BBP qaşo plakeyên trimbêlan derdixe, li ser trimbêlan dixe, wan trimbêlên reben diherimîne û dibêje:”Kerkûk bajarê Tirkiyê ê 82an e. Emê Mûsilê jî bikin bajarê 83an” filan û fîstan. Îcar mesela mirîşkê hat bîra me. Dibêjin “gava mirîşk birçî dibe di xewna xwe de garis dibîne”.

   Îcar ev jî mesela me û Tirkan e. Kozik li wan teng bûye îcar dixwazin bi rêya êrîşkirina Kurdistanê xwe li himber gelê xwe rûsipî derêxin. Lê jibîr dikin ku rûyê wan ne bi avê tê şûştin û ne jî bi sabûna Helebê. Ewê her û her rûreş bimînin. De a bi xêr...Heger Kurd Kurd bin helbet wê vê tirê ji wan re nehêlin.

Kurd zêde dibin, Tirk diqelin!

Silêman Keleş-16/01/07-Mêrdîn- Li gor rapora ku li ser daxwaza Sazîya Ewlekarîya Netewî (MGK) ya Tirkiyê hatiye amadekirin, li Tiriyê Kurd zêde dibin û Tirk diqelin, winda dibin. Rapora ku di navbera salên 1995-2000 î de hatiye çêkirin û veşartî hatiye hiştin, niha eşkere bûye lê proje bi sedemek nedîyar hatiye sekinandin. Rapor bi alîkarîya perwerdekarên Zanîngeha Ercîyesê, Zanîngeha Firata Elezîzê û Zanîngeha Meletê a Înonu ve hatiye amadekirin û lêkolîn di şêst û heşt (68) bajaran de hatiye çêkirin. Li gora raporê li Tirkiyê panzdeh (15) netewe dijîn.

   Hinek ji xalên balkêş ên raporê ev in:  Tirk: Tirkên ku ji nîjadê Turkmen, Yoruk,Tatar, Tahtaci, Terekeme,Karaçay,Azerî tên 50-55 milyon. Kurd: 12 milyon û 600 hezar. 2 milyon û 500 hezar jî hema bêjin bi temamî hatine asîmîlekirin û Kurdbûna xwe înkar dikin. Gurcî: 870 hezar. Piranîya wan asîmîle bûne lê piştî avabûna dewleta Gurcîstanê hêdî hêdî li eslê xwe vedigerin. Boşnak: Milyon û 700 hezar (1.700.000). Çerkez: 2 milyon û 160  hezar. 1.5 milyon ji wan zimanê xwe jibîr kirine. Ereb: 870 hezar. Arnawût: Milyonek û sêsed hezar (1.300.000). 500 hezar ji wan bi temamî bûne Tirk. Laz: 80 hezar. Ji xeynî çend gundên dora Rîze û Artvînê pêve, temamê wan asîîle bûne. Hemşînî: 13 hezar. Li dora bajarên Rîze û Artvînê dijîn. Pomak: 600 hezar. Bi eslê xwe Slavî ne. Qereçî: 700 hezar. Ermenî: 60 hezar. Rûm: 15 hezar. Cihû (Yahûdî): 20 hezar. Suryanî: Ji ber ku piranîya wan koçberî Ewrûpayê bûne hejmara wan nayê zanîn. Erê her çiqasî Tirk bi zanistî hejmara Kurdan kêm diivîsin jî lê Kurdên bakur ne kêmî 25 milyonan in. Li gora vê raporê jî dixuye ku Kurd netewa herî mezin in. Ji 50-55 milyonên ku wek Tirk tên destnîşankirin encex 5-10 milyon xwe wek Tirk dibînin. Ewên din xwe Tirk nabînin. Îcar xuyaye tirsa Tirkan ne bilasebeb e. Tirk ditirsin ku di pêşerojê de Kurd Tirkiyê têxin destê xwe û lotikekê li Tirkan xin. Lê helbet heger heta wî çaxî asîmîle nebin û ew jî nebin Tirk.

Hûn qebûl nakin, lê hûn çi dikin?

Ehmed Beyan-16/01/07-Enqere-Wek tê zanîn, dewleta Tirk jibo têkbirina destketinên başûrê Kurdistanê û alozkirina pirsgirêka Kerkûkê çi ji destê wê tê dike. Niha jî li bjarê Enqerê civînek li ser Kerkûkê lidarxist û ji xeynî Kurdan herkes beşdarî civînê kir. Di civînê de partîyên Erebên sunî û şiî û gellek lotikvanên dijminên Kurdan beşdar bûn.

   Li ser vê dibêjin nûnerê YNK ê Enqerê Behroz Gelalî daxuyanîyek weşandiye û li dij civînê derketiye. Di daxuyanîyê de tê ragihandin ku „ewê wek gelê Iraqê pirsgirêka Kerkûkê çareser bikin û bi navê hemi gelê herêma Kurdistanê, hemi partîyan û YNK ew vê civînê wek mudaxaleyekê dibînin“ filan û bêvan.

   Başe kaka, ser seran û ser çavan! Başe hûn çima mudaxeleyî nav kar û barên Tirkiyê nakin? Hûn çima civînekê li Hewlêrê lidarnaxin, bang li hemi hêzên Kurdistanî nakin û doza mafên Kurdên bakur nakin baba? Madem Tirk mudaxaleyî Kurdistanê dikin, hûn jî dest û lingên xwe têxin wan û hebûna 25 milyon Kurdên bakur têxin çavên wan kaka, wey! Ma hema bi gotin û leqleqê dibe? Lotikan bavêjin lotik! Bê lotik kes negihaye meqsed û miradê xwe bavê min!

Ew jî qûnek derket kuro!

Diyar Baban-16/01/07-Mahabad-Dibêjin meha buhurî li Tehranê konferansek li ser qirkirina cihûyan çêbûye û gellek lotikvanên cihû û Îranî beşdarî konferansê bûne. Ma Ehmedînejad ji konferansê kêm dimîne? Na canim!

   Werhasil, ew jî hatiye konferansê. Gava ketiye devê derî hema xwe çeng kiriye Moşê Aryeh û lêva lî maç kiriye, hetta xwîn ji lêva wî anîye. Îcar xuyaye ev maç bûye bela serê Moşê Aryeh. Gava rebeno çûye malê, jina wî lotikek lêxistiye û gotiye:”De herreeeeeeeee qûnde! Min nizanîbû tu hevqasî aşiqî Ehmedînejadî, Ma zilam nebabûn ji Ehmedo pêve ku tu lêvên wî ên reş maç bikî!” û derî lê girtiye. Îcar dibêjin niha rebeno piştî vî emrî maye bê jin û nema zane lotikan li kê xe.

    Îcar hay ji xwe û Ehmedînejad hebin heyran. Bi telaq, heçê Ehmedo maç dike belayek tê serî wî û hew!

Ji federasyonê neyên xwarê, okey!

Ahmed Beyan-15/01/07-Enqere- Tirk ketine nav sergêjîyek mezin û lingê wan li hev diherbile. Rewşa başûrê Kurdistanê û li bakur daxwaza federasyonê dike ku Tirk berbavêjin û civîn li ser civînê çêkin. Ji sazîyên wan ên sifîl bigrin heta bi sazîyên artêş û dîndarên wan ketine nav vê lotikvanîyê û tirsa parçebûna Tirkiyê. Yanî; bi gotinek kurt, pirsgirêka Kurd û Kurdistanê tir ji Tirkan berdaye!

   Welhasil, niha jî Komela Sûbayên Teqawîtkirî civînek li ser rewşa Tirkiyê û pirsgirêka Kurd lidarxist. Korgeneral Hasan Mûratli dibêje:”Netewa Tirk, bi bingeha siyasî, kulturî, felsefî û yekîtîya welatê xwe di bin tehdîdek mezin de ye. Ev tehdît ne nuh in, ji Lozanê destpêdikin” filan û fîstan.

   Balzoyê mezin Gunduz Aktan jî dibêje: “Fikra federalîzmê tê maneya destpêka parçebûna Tirkiyê. Di navbera nifûsa rojava û rojhilat (Kurdistan) de ferqek pirr mezin û xeter heye. Divê em qebûl bikin ku hertişt li dijî me dixebite” filan û bêvan. Yaaa! Hûn dibînin ne wilo gelî xwendevanan? Tirk heta ji zêdebûna nifûsa Kurdan jî tirsiyane û fikra federasyonê cîh li wan teng kiriye, berê wan daye koxa mirîşkan.

   Kuro bawerkin ev fikra federasyonê ne fikrek xerabe haaa! Ma çima generalên Tirk ji fikra “Demokratîk Cûmhûrîyetê” natirsin bavê min?

Serê zêrevanê xwe xwar

Ehmed Kurdî-15/01/07-Edene- Serokê partîya DYP Mehmet Agarê canî serê zêrevanê xwe xwar. Mehmet Agar jibo propaganda partîya xwe hat bajarê Edenê. Berî ku têkeve salona lotikvanîyê, zêrevanê wî Unver Yucesoy demança xwe xist serê xwe, dîkê wê kişand û “gurmmmmm” mejîyê xwe belawela kir.

   Dibêjin berî kujtina xwe Unver Yucesoy nameyek li dû xwe hiştiye û tê de gotiye: “Ez hew tehamulî derewên Mehmet Agar dikim. Vî bêbavî derew li dinyayê nehiştine, hema kî tê ber wî wan dixapîne û lotikekê li wan dixe. Ez naxwazim bibim şirîkê gunehên wî” filan û bêvan.

   Îcar heyran, heger zêrevanên Mehmet Agarê xwînheram ji kerbê wî xwe bikujin, Kurdên me yên ku Agar jibo xwe wek xelaskerekî dibînin divê çi bikin? Heger xîret bi wan re hebe divê ew jî bombeyekê têxin nav doxîna xwe û xwe biteqînin û hew! Na heger xîret tunebe ji xwe wê wek wî xwîna xwe biherimînin û hûn sax!

Zîtirkvanên Tirk li hev kom bûn

Ehmed Beyan-14/01/07-Enqere- Rayedarên dewletê, general, meneral, xulam û nokerên dewleta Virqo li Enqereyê li hev kom bûn û dest bi zîtirkan kirin. Zîtirkvanîya wan li ser pirsgirêka Kurdistanê û bajarê Kerkûkê bû.

   Dibêjin zîtirkvan General Alaaddîn Parmaksiz bi tundî dagîrkirina Çîyayê Qendîlê xwestiye û gotiye: “Heger em Qendîlê dagîr nekin wê şerefa artêşa Tirk bibe pênc qirûşên xerabe. Heger derhemek şeref bi me re mabe divê em Qendîlê dagîr bikin û vê tirê ji PKK re nehêlin”. Wekî din, noker û xulamê dewleta Virqo, serokê Cepheya Turkmen Sadettîn Ergeç jî lotikek avêtiye û gotiye: “Bi emrê Xwedê û qewlê dewleta Tirk emê stuyê xwe ji Kurdekan re xwar nekin û lotikek Kerkûkane li Kurdan xin” û tirek kiriye.

   Welhasilî kelam, xuyaye pêşketinên li Kurdistanê û Kurdistanîbûna Kerkûkê qiraseyek wek ê keran xistiye dil û hinavên Tirkan û nema zanin bê wê çi bikin. De a bi xêr...Hêvî ewe ku Kurdekanên başûr jî li himber brayên xwe yên bakur bêdeng nemînin û car caran behsa wan bikin. Bila zanibin ku heta li bakur hêzek Kurdewar xurt nebe, wê Tirkên bêbav tucarî wan rehet nehêlin û lotikan li wan xin.

   Lê çi heyf û mixabine ku Kurdekanên başûr qet behsa bakurê Kurdistanê nakin û bi eşkereyî wan naparêzin.

Ruhayî nema dimrin!

Cemşîd Heranî-13/01/07-Deşta Heranê- Emê dîsa bên ser mesela îsot û fêda îsotê. Wek we jî bihîstiye û wek ku piranîya malperên Kurdan jî di devê xwe de kirin benîşt, xwedêgiravî li gora lêkolîna Zanîngeha Nottînghamê îsotên sor û tûj dermanê pençeşêrê (brîna reş-kanser) derketiye.

   Dibêjin “kapsaîsîn”a di nava îsotê de tirê ji malzarên (hucre) kanserê berdide, wan difisîne û wan di nava jehra bêhna tira xwe de difetisîne. Welhasil, piştî vê xebera xêrê, dibêjin îsotên Ruhayê sed qatî qîmettir bûne û hema hema ji goştê berxan buhatir tên firotin.

   Ji alîyê din xaltîka Fatê li ser tenûrê digot ku,” Waweylêêêêê! Xwedê mala Zanîngeha Nottînghamê xerabike rebbî! Ma hewara vê xebera nexêrê bû? Destê zilamên me ji îsot û ecînê nedibûn, bi zor û heft bela zilamên me dihatin ser nivîna me, lê wê ji niha û pêde şev û rojên xwe bidin îsotan û me di nava nivînê de wek sêwî û peppûkan bihêlin” filan û fîstan. 

   Ji alîyê din tê gotin ku piştî vê xeberê Ruhayî bawer dikin ku ewê bi emrê Xwedê û qewlê îsotê nema bimrin. De a bi xêr heyran. Îsot li Kurdan pîroz û bimbarek be rebbî!

   Lê hay ji xwe hebin! Bi telaq xwarina îsotê rehete lê derxistina wê zehmete haaaa! Agir bi doxînê dixe agir, hayhoooooo! 

Ka bisekinin, hûnê yeko yeko bibin pisîk loo!

Sîpan Nas-13/01/07-Tirkiye- Wek hûn zanin, jibo ku deleta Tirko pirsgirêkên nava xwe bifetisînin, wan piştguh bikin, îcar berê xwe didin başûrê Kurdistanê û zirt û fortên xwe dikin. Lê xuyaye car caran zilamên hinekî biaqil jî ji nava wan derdikevin lê bi dengekî nizm rastîyê dibêjin. Meselen wek Orgeneral Çetîn Doganê teqawîtbûyî.

   Org.Çetîn Dogan di dema xwe de li Kurdistanê lotikvanîya ekerî kiriye û herêmê baş dinase. Dogan ji nivîskarê kovara Yenî Aktuel Mûrat Yalniz re dîtinên xwe tîne zimên û behsa hinek rastîyan dike.

   Meselen Çetîn Dogan dibêje: “Serxwebûna Kurdistanê ne têde, lê divê destketinên Kurdên başûr me aciz nekin, divê em wan destketinan ji xwe re nekin pirsgirêk. Heger em Kurdên başûr ji xwe re bikin pirsgirêk emê dilê Kurdên bakur ji xwe bihêlin. Kurdên bakur temînata dostanîya me û Kurdên başûr in” filan û bêvan.

   Yaaaa! Hûn dibînin bê çi bi aqil lotikan tavêje ne wilo? Kuro Çetîno! Bi namûsa Atatirk, çend Orgeneralên mîna te li Tirkiyê çend zîtirkan bidin xwe, hûnê yekser pirsgirêka Kurdên bakur jî û ên başûr jî çareser bikin û hew, wîî! Wilo bi tir û viran nabe heyran, lotik lazimin lotikkkkkk!

Lotikek ji dewleta Virqo: “Tîmên Waaz û Îrşat!”

Ahmed Beyan-12/01/07-Enqere- Ne hewceye em hertim bêjin ku Tirk dînê îslamê jibo berjewendîya xwe û dewleta xwe bikartînin. Ji xwe Pêxember (A.S) di hedîsên xwe de behsa Tirkan dike û dibêje ku ew nikarin bibin misilman. Lê Tirk jî bi sedê salane ku dînê îslamê jibo xwe wek rûdankekê bikartînin û di bin wî navî de tiştên nemayî dikin.

   Welhasil, niha jî dîyaneta Tirkiyê, ku bi xwe sazîyek ji sazîyên dewleta êrîşkare, bi navê îslamê bûye berdevkê dewleta Virqo û êrîşî ser Kurdan dike, amadekarîyên avakirina “Tîmên Waaz û Îrşat”ê dike. Xwedêgiravî wê Diyaneta kafir van tîman bişîne Kurdistanê û bi navê dînê îslamê propaganda li dijî Kurdan û cudaxwazîya wan bimeşîne.

   Yanî, wê ev kafir bêjin ku, “Em hemi misilmanin, em brayên hev in, em hemi Tirk in, yek al yek ziman û yek welatê me heye. Bi terorîstan neyên xapandin” filan û fîstan.

   Îcar gelî xwendevanan, bi namûsa mêrê qenc, ne Pêxember ji Tirkan hez dike û ne jî Xwedê û hew! Milletê ku Xwedê û Resûlê wî jê hez neke, em Kurd çima ji wan hez dikin? Ma ev ne bêaqilî ye bavê min, wîî!

Lotikek ji Xelîl efendî

Hesen Almas-12/01/07-New York- Kevnebalyozê Amerîka ê Iraqê Zalmay Xelîlzad lotikek nermik li Serokwezîrê Tirkiyê Erdogan xist û hema bêjin fisek jê berda.

   Xelîlzadê ku niha bûye nûnerî Amerîka ê Yekîtîya Milletan, di derbarê gotinên Erdogan ên li ser Kerkûkê de got ku, „Dev ji wî qûnalêsî berdin, ew jî nema zane çi dibêje. Mêrik nikare bi Serekerkan Yaşar Buyukanit îcar dixwaze kerbê xwe di serê xelkê re derxe. Guh nedin wî peppûkî“ û lotikek avêt bin guhê wî.

   Werhasil, Xwedê xêra Xelîlzad qebûl  bike û lingê Erdogan bişkîne rebbî…..

Sereklîstikvana fîlma``Sıla``yê Cansu Dere har bû

Mêr têra wê nakin

 Gabar Çiyan-Lotikxane-Z news: Gava fîlmek tê kişandin li ser du pirsan tê rawestandin: Beşê hunerî û yê bazirganî. Senaryo, bê armanc anjî hedef nayên nivîsîn. Weke ku tê zanîn, ji bilî çend liban, di sînema tirkî de gelê kurd herdem berrî, nezan, hov û ji entegreyê (asîmîlasyon) re dur tên nîşandan. Armanca wan ew e ku kurdan ji şexsiyeta wan derxînin, toreya kurdî têxin bin nigan û zimanê tirkî di nava kurdan de xurt bikin û rê li ber hizirkirina bi kurdî bigirin.(Dewama nivîsê wêne bitikînin)

Em çi bexşandarin looo!

Mihemed Soran-11/01/07-Silêmanî- Berî niha rojnameya Hawlatî nivîsandibû ku di civîna YNK de çar lotikvan û hevkarên Saddam Hisên ji partîya YNK hatine qewirandin û lotikek bêîman xwarine. Lê xuyaye Hawlatî li gotinên xwe poşman bûye îcar dibêje ku ew herçar cahş hatine bexşandin û ewê dîsa wek berê, bi payebilindî lotikên xwe di nava partîyê de bavêjin.

    Wile yabo başe. Kuro ji xwe partîya ku cahşên Saddam di nav de tunebin xêra wê partîyê tuneye haa, wîî! Ma partîya ku endamên wê xalis muxlis welatparêz û Kurdperwer bin hêjaye çi bavê min? Em dibêjin brayê Saddam Barzan El Tikrîtî jî bikin endamê partîyê, we go çi? De serketin kaka!

Çar çûn man çend?

Mihemed Soran-10/01/07-Silêmanî- Rojnameya Hawlatî ragihand ku di civîna YNK de çar berpirsên bilind lotikên bêîman xwarine û ji YNK hatine qewirandin. Xuyaye van berpirsiyaran di dema xwe de nokerîya Saddamê xwînxwar û dijminatîya gelê xwe kirine.

   Dibêjin beşdarên civînê Mistefa Çavreş, Saadî Pîrê, Aso Elmanî û Şalawê Elî Eskerî dane ber lotik û pehînan û di derî re avêtine kuçe û kolanan. Heyran bi serê we, heger nokerên nava partîyê çar tenê bin, hûn partîya Pêxembera ne allahwekîl! Ma çar çine qurban? Hêçç! Îcar Xwedê zane bê hîna çend nokerên Saddam di nav wan partîyên din de xwe veşartine û kirasê Kurdewarîyê li xwe kirine? Pehhhhhhh..Ma gelo wê hejmara wan karibe bê hejmartin? Xwedê zane û hew!

   De destê we û lotikên we saxbin birêzên YNK. Belkû hema hûn ji van partîyên din re jî bibin nimûneyek baş û ew jî wêribin nokerên Saddam ji nava xwe bavêjin nav teneka zibil. Her bijîn kaka!

Çima Kurmanc jî doza otonomîya xwe nakin heyran?

Şîndar Berwarî-10/01/07-Dihok- Wek hûn zanin yan nizanin, grûp û partîyên Kildanî, Asûrî û Suryanîyên başûrê Kurdistanê xwestibûn ku otonomîji wan re bê dan û ev bi awayekî fermî têkeve destûra Kurdistanê. Îcar rojnameya El-Diyar a Libnanî agahdarîyek ji Wezareta Derve a Amerîkayê weşandiye û xwedêgiravî Amerîka bi çavekî erênî li otonomîya van grûp û kêmnetewan dinere.

   Hê rastî û nerastîya vê daxwazê bincil e, lê dibêjin hinek rayedarên Kurdistanê ên ku newêrin navê xwe eşkere bikin, gotine ku heger Amerîka qebûl bike deşta Mûsilê û Kerkûk têkeve bin desthilatdarîya Kurdistanê, ewê karibin otonomîyê bidin van grûpan.  Êêêêê, xuyaye dîsa demokratbûn û insanetîya kakacanan destpêkiriye bavoooo.

   Başe qurban, madem hûn hewqasî mirovhez û demokratin, hûn çima otonomîyê nadin Kurmancên başûr jî bavê min? Ma Kildanî, Asûrî û Suryanî ji Kurmancan mezintir in? Ji wan zêdetirin? Na! Êêêê, naxwe çi? Yan Kurmanc bêaqilin û doza otonomîya xwe nakin? Ew jî dibe allahwekîl!

   Hûn zanin, heta Kurmanc ji guhê gê derkevin ji xwe wê hasil bigihê Mûsilê û hew! 

Xewa mirîşkan li ber sirûda nuh tê!

Şîndar Berwarî-09/01/07-Dihok- Darkê hewdelê, şêwirmendê Nêçîrvan Barzanî Helkewt Zahir daxuyanîyek da heftenameya Awêne û ragihand ku wan sirûda nuh amade kiriye û lotikek li sirûda kevn û can û giyanê Dildarê nemir xistiye. Dibêjin butçeyek mezin jibo amadekirina vê sirûda ku xewa mirîşkan li ber tê hatiye veqetandin û herweha tê gotin ku Helkewt Zahir û Şêrko Bêkes bêrîk û xurçikên xwe tije pere kirine.

   Heftename dibêje ku Helkewt efendî gotiye, “Tu sirûd ciyê sirûda kevn nagre” û tirek kiriye.

   Na lo? Madem tu sirûd ciyê sirûda kevn nagre, çi heqê te heye tu bi  şerefa milletekî bilîze bavê min? Sirûda netewî şeref û xîreta milletekî ye. Ey Reqîb ji alî 50 milyon Kurd ve hatiye qebûl kirin. Tu selahîyeta perçiqandina şerefa milletê Kurd ji ku û ji kê distîni baba? Bi sedema guhertina sirûdê te û Şêrko Bêkes çend milyon dolar xistin bêrîka xwe? 

   Kuro bi namûs hûn çi bînin serê vî milletê xemsar, vî milletê di guhê gê de,heqê wî ye û hûn sax! Ez ji dêvla we bim ezê temamê Kurdan bifroşim bi pênc qirêşên xerabe û hew! Misteheqe misteheqqqqqq! Em bi xwe wek Lotikxane vê sirûda ku xewa mirîşkan li ber tê qebûl nakin û lotikekê lê dixin, xelas! (Mirîşkê bitikînin û sirûda xewê guhdarî bikin)

))

Bi navê dîn 31 milyar dolar qezenc kirin,waxxx!

Abdullah Ibin Kurdî-09/01/07-Mekke- De ji xwe re li aqil û şarezayîya Ereban binerin û ji xwe re aqilekî ji wan bigrin. Di vê meha tewafa Hecê de, Siûdî Erebîstanê tam 31 milyar dolar pere qezenc kir û lotikek li feqîrên bêaqil xist. Em wek îmana xwe zanin ku wê hinek ji misilmanên Kurd bêjin, “Ma bi serê we lotikvanan ketiye? Qey hûn kafir in?” filan û fîstan. Na bi serê we! Em jî xwedî dîn û îmana xwe ne, lê ne îmana Erebên ku bi navê dînê îslamê salê bi milyaran dolar ji ser pişta feqîr û pepûkan qezenc dikin. Hem jî bi navê “Îslamê û Tewafa Hecê!” 

   Gelo bi sedhezaran feqîr û birçîyên ku têr gepik nan naxwin, zarokên xwe birçî dihêlin û gepa devê zarokên xwe dixin zikê Erebên zikmezin, nafikirin û ji xwe re nabêjin çi? Ma Erebên ku zikê wan ji zikê qantir û devan mezintire, muhtacî çend qirûşên wan feqîrane? Na! Bi milyaran dolarên wan hene. Lê mesele ewe ku bi navê dînê îslamê hem xelkê reben bixapînin, bi bîr û bawerîya wan bilîzin û hem jî bazirganîya xwe bimeşînin. Mısilmanî ewe ku meriv alîkarîya feqîr û belengazan bike, ne ku ji ser pişta wan bibe milyarder baba!

   Kuro bi telaq heqê wan feqîrane looo, wîî! Bela biaqil bin û perê xwe nedin Erebên bêderpî bavê min, ma xelk bi darê zorê wan dişînin Hecê? Na! Ereb hespên xwe dibezînin, milyaran qezenc dikin û ewê jî rabin pesnê xwe bidin û bêjin "Em bûn Hecî haaaa!" De Xwedê Hecîtîya we qebûl bike rebbî….A bi xêr çibe bila ew be….

Ne tenê îslamiyên Ereb lê yên Kurd jî ji bo şîna Sedam dizirin

 Reşoyê Ertîşî-08/01/07-Duhok-Lawo Kurdino! Ma hûn di guhê ga de razane..? Ma a ku ev 1600 sale ev Erebên gonreş bi serê me tînin hê jî nebese ku we ji vê xewa nezanî ü gêjatiya şiyar bike...?? Ji xeberê xeberdana.. Ji peyamnêrên kolana.. Ji gotgotkên ber dîwara dibêjin.. bi telaqên Sedam ne raste ne derewe haaa, wey!

   Ma ne hewceye ez bêjim, eve ji roja ku Sedam bi darde kirin û wî mîz bi xwe de kir, şêx, zana, rêber, pîrejin, serkot û pêxwasên Ereban û bi taybetî hêz û mêzên îslamî, xweliyê bi serê xwe de dikin ji bo şîna Qehremanê qûnekê Ereban. Ê başe bavooo, em di wan dighîjin ku ew Erebin û ji bo çeqelê xwe şînê dikin...!!

   Lê çima îslamiyên me Kurdan zirr zirr dikin...? Ji ber ku ew newêrin ji ber Kurdên baş bi aşkerayî behî û şîniya serokê xwe yê kurê Uce bikin. Ew radibin dizirin û derewên kesa nedîtî dikin û dibêjin: “Bi telaqên tev îslamiyan û Mela Kirêkaran me sîmayê Sedam di nava heyvê de li asmana dîtiye” û vê derewa xwe ya bi şax di nav xelkê Duhokê de belav dikin.

   Ez jî dibêjim: “De başe, hêviya min jî ji Xwedayê mezin ewe gelî îslamiyan û Erebparêzan ku madem hûn wesa aşiqê wî xwînxwarî ne, Xwedê roja qiyametê we bi wîre dadgeh bike û cihê ew diçê hûn jî bi wî re bin û ew serok û rêber li we pîroz be hey heramzadenooo!"

 Gelo Îranî hemi qûnekin?

Diyar Baban-08/01/07-Mahabad- Li gor xebera rojnama Edemadê, li Îranê zilamekî jina xwe daye mehkemê û doza berdana wê kiriye. Li gora rojnamê, zilamê Îranî çar salin ku bi jina xwe Mîna re zewicîye û lotikan li hev dixin.Lê êvarekê gava dixwaze lotikan li hev xin, ji jina xwe dikeve şikê û şûna kêr û meqesan di nav şeqê wê de dibîne. Piştre pê dihese ku jina wî Mîna berê zilam bûye û xwe bi emelîyatê kiriye jin. Piştî vê rastîyê dilê zilam xelîyaye û nema lê rabûye. Dibêjin îhtîmal heye ku ew jî xwe bi emelîyatê bike jin.

   Welhasil, îcar serpêhatîyek ji Swêdê hat bîra me. Di demekê de Îranî pirr diçûn Swêdê û serî li penaberîyê dixistin. Çi zilamê ku diçû polîs îfada xwe dida, ji polîs re digot, „Ez qûnek im (homoseksuel) jiber ku li Îranê mafê qûnekan tuneye ez hatime Swêdê, dixwazim di nav demokrasîya Swêdê de qûnektîya xwe bidomînim“û filan.  Ne yek, ne du, ne sê, ne deh, ne sed, û bi vî awayî berdewam dike.

   Rojekê dîsa yekî Îranî serî li penaberîyê dixe û diçe polîs. Polîs dipirse : Aha, Varför har du kommit till Swerige? (Aha, çima tu hatiye Swêdê?) Ew jî wek hemi Îranîyan dibêje: Jag är bög! (Ez qûnekim). Gava wilo dibêje, ê polîs dîn û har dibe, destê xwe li masê dixe û dibêje: Fyfannnnnn! Är ni alla Iranier böga? (Ya starrrrr! Ma hün Îranî hemi qûnekin?) û lotikekê li wî dixe.

   Îcar heyran bi telaqê jinberdanê bawerî bi Îranî, Tirk û Ereban nayê û xelas! Heger hûn bixwazin bi wan re bizewicin hay ji doxîna xwe hebin....

Tirkan bi xwe de berda!

Şîndar Berwarî-07/01/07-Dihok- Wek hûn jî zanin, Serok Bûşh gotibû emê siyaseta xwe ya Iraqê biguherin û lotikên nû bavêjin derûdorê. Elametên guhertina siyaseta Iraqê bi Orgeneralê çewalcî Davîd Petraeus destpêkir.

   Heger bê bîra we, Orgeneral Davîd Petraeus li Kurdistanê çewal xistibûn serê tîmên Tirkan û tir ji wan berdabûn. Tirk bi van çewalan sewsî bibûn û ji qehran re bibû virqe virqa qûna wan. Welhasil, dibêjin kêfa Serok Bûşh pirr ji bûyera çewalan re hatiye û xwestiye Orgeneral çewalcî Davîd Petraeus xelat bike. Xelata wî çiye? Hakimî û lotikvanîya Iraqê ye! Yanî, çewalcî Petraeus êdî di Iraqê de xwedîyê gotina dawî ye û çewal têxe serê kê ew bi qîma xwe ye.

   Îcar hûn zanin bê Tirk çiqasî diqehirin û dibeicin? Kuro bi telaq ji qehra orgeneralê çewalcî bûye virqe virqa qûna wan û hema ji tirsa wî bi xwe de berdidin haa! Li gor xeberên ku ketina destê me, dibêjin Orgeneral çewalcî Davîd Petraeus gotiye, “Cara berê ez hinekî xeşîm bûm. Niha ez bûme pisporê çewal, xurcik û kurtanan. Bi namûs ezê vê carê kurtanê keran jî li Tirkan kim” û daye bin dûvê Tirkan. De Xwedê miradê Orgeneral çewalcî Davîd Petraeus bike rebbî!

Bajo Nûrî efendî!

Şêrzad Zebarî-07/01/07-Hewlêr- Dibêjin Serokwezîrê Iraqê Nûrî El Malikî tiliya xwe xistiye çavê dewletên Ewrûpî û li dijî rexneyên wan sekinîye. Xuyaye di şeniqandina Saddam Hisên de serê malikî ketiye belê û raserî lotikên Ewrûpîyan tê.

   Îcar mîster Malikî jî lotikan li Ewrûpîyan dixe û dibêje, “Gawirno! Kafirno! Hûn di dema bûyerên Helebçe û enfalê de li ku bûn?” û kirasê wan li serê wan dipêçe.

   Ê lawo mîster Malikî! Ma ew gawir li ku bûn hebîbî? Helbet di nav dolarên çekên kêmyewî û petrola Kerkûkê de lotik tavêtin bavê min! Gava Saddamê qûnek gaza jehrê tavêt ser Kurd û şiîyan, ewan jî bi dolarên ku ji wan çekên kîmyewî qezenc kiribûn wîskî vedixwarin û di paşilên jinên xweşik de lotik tavêtin babam, wey! Ma gelo tu dibê niha li ber kujtina Saddam dikevin? Na kuro, wey lawo! Li ber windakirina dolarên xwe dikevin looooo!

Melle Krêker hem çahş hem rêber!

Celal Soran-06/01/07-Oslo- Dibêjin rêberê berê yê rêxistina terorîst û zîtirkvan Ensal El Îslam Melle Kîrêker hevpeyvînek bi televizyona terorîst El Cezîre re kiriye û lotikên terorîstî avêtine. Melle Kîrêker gotiye ku endamên Ensal El Îslam niha li Iraqê di nav tevgerên sunnî de dimînin û îxaneta bi gelê Kurd re berdewam dikin.

   Xwedêgiravî Melle Kîrêker gotiye ku, “ Ez niha di mala xwe de zîndankirî me, lê belê ez karim bi rêya çapemenîyê lotik û zîtirkan bidim xwe û têra xwe derewan bikim” filan û bêvan. Îcar gelî xwendevanan, di Qurana pîroz de tê gotin ku, “Heçê eslê xwe înkar bike heramzade ye”. Ango; heçê eslê xwe înkar bikin “bîjî ewladê zinê” ne. Helbet maneya vê gotina pîroz ev e: Qewmîyeta xwe înkar nekin û jibo qewmîyeta xwe jî bixebitin, lê xwedî derkevin!

   Îcar birêz Melle Kîrêker! Tu çima bi navê îslamê qewmîyet û eslê xwe înkar diki û jibo milletê xwe naxebiti qûnde? Çima tu xulamtîya tevgerên sunnî diki û bi navê îslamê dijminatîya qewmê xwe diki baba? Yan tu înkara Quranê diki heramzade!

Çima Karayilan û Bayik, lê ne Kalkan û Tarkan?

Cembelîyê Botî-06/01/07-Colemêrg- Dibêjin navbera Amerîka û Tirkiyê jiber sedema PKK bûye wek şorba nekelîyayî û tamsarkî bûye. Xwedêgiravî herî zêde jî Serokwezîr Kerdogan xwe aciz kiriye û ji çapemenîyê re gotiye, “Kuro lawo ev conîyên Amerîkî me dixapînin allahwekîl,wîî! Me koardînat û navnîşanên serekterorîst Mûrat Karayilan û Cemîl Bayik daye wan, lê wan çewal nehistine serê wan û ew negirtine. Yan hûn wan bigrin, yan jî bihêlin em çewal têxin serê wan brader!” û kiriye zirt û virt.

   Ê başe kurê min! Kasimpaşali Reco! Hûn çima navnîşana Dûran Kalkanê Tirk nadin Amerîkîyan lê hûn a Karayilan û Bayikê Kurd didin wan hêê? Yan ew “Tarkan”ê we ye? Xuyaye hûn dixwazin bi rêya wî Kurd û Kurdistanê feteh bikin. Yan em xelet in?

   De here avekê li xwe ke sermezino, yallaaaaaa! Ma Amerîkî zarokin yekî Tirk li Çiyayê Qendîlê bihêlin û çewalan têxin serê Kurdan kurê min!

Xwedî li kerxana Selanîkê jî derkevin babam!

Xelîl Sirûcî-05/01/07-Ruha- Hûn zanin gelî xwendevanan, kesên ku bêesil bin, kesên ku hebûnek wan tunebe, kesên ku li ser hebûnên xelkê rûnên, wan dagîr bikin û bi wan pesnê xwe bidin, wek Bulent Ersoyê nêrûmêk li wan tê. Bulent Ersoyê Tirk berê qaşo zilam bû. Gava dît ku lê ranabe , tu xêrekê ji zilamtîya xwe nabîne, îcar rabû navşeq û sîng û berê xwe da ber kêr û meqesan û xwe kir jin.

   Me Bulent Ersoy tenê wek nimûne da haa, tu gotinek me ji dengê wî yê xweş û tefsilandina muzîka wî re tuneye allahwekîl!  Îcar ev jî mesela me û Tirkên bêesil e.

   De binerin bê Doç.Dr.Sînan Bîlgîlî çi dibêje. Dibêje, “Bajarê Êrîvanê (Paytextê Ermenîstanê) ji alî Wwezîrê Tirk Kuluhan ve hatiye avakirin. Ji ber vê jî bajarekî Tirka ye. Ji xwe gellek navên gund û navçeyan bi Tirkî bûn, lê hikûmeta Ermenîstanê ew guhertine zimanê xwe da ku Tirkbûna bajêr bê înkarkirin” filan û bêvan.

   Ûlan dangalak! Ma navê gund û bajarên Kurdistanê jî ne bi Kurdî bûn ewladim? We çima navên Kurdî kirin Tirkî hêê? Ji xwe bajarekî Ermenîyan heye, çavê we lê ye hûn wî jî ji rebenê Ermenîyan bistînin ne wilo? We qira wan anî têr nekir ma dora bajarên wan yawrûm? Başe oxlim, madem wilo ye, hûn çima doza bajarê Selanîkê li Yûnanîyan nakin? Yan hûn zanin Atavirqê we di kerxana Selanîkê de hatiye dinyayê, wê poxê we derkeve meydanê ne? De yurruuuuuuuuu ûlan taş arabasi!

Silêmanîyê kirin kerxane

Ehmedê Doxînsist-04/01/07-Silêmanî- Li gora ku rojnameya Hawlatî radigihîne li Silêmanîyê laşfiroşî, zinêkarî û kerxanecîtî zêdetir dibe û destê hinek berpirsên îdarî û siyasîyên bajêr jî di pêşdebirina vê zinêkarîyê de heye. Li gora rojnamê, zêdeyî hezar (1000) jinên xwefiroş li Silêmanîyê xebata welatparêzîyê dikin, derpî û şerwalên kakacanan dadixin kabokê. Dibêjin car caran asayîşa bajêr digre ser baregehên leşgerî yên van jinên welatparêz, lê gava çav li wan jinên xweşik dikevin asayîş û kontrola xwe jibîr dikin û ew jî doxîna xwe vedikin.

   Dibêjin par (sala çûyî) 40 ji wan jinên welatparêz hatine girtin û di malzaroka wan de vîrûsa HÎVê derketiye. Hûn zanin, HÎV piştre dibe AÎDS, tirê ji meriv berdide û piştre jî lotika mirinê li meriv dixe.Herweha dibêjin ev xizmeta welatparêzîya pîroz ji alî Îran, Tirk û Erebên sunnî ve tê hûnandin û dixwazin bi alîkarîya van jinan Kurdekanên Silêmanîyê ji mêranî bixin da ku fîşek û berikên kakacanan nemînin û zû teslîm bibin.

   Me lîztika Tirk, Ereb û Eceman fêhm kir. Lê çima berpirsên îdarî û siyasîyên Soranekan vî karî dikin babam? Êêêêê, hem ganê xwe dikin û hem perê xwe qezenc dikin, ma wê çima nekin bavê min? Ma serê wan pê dêşe kî bi AÎDSê ketiye kî neketiye? Na! Kuro bi namûs wê rojekê Kerkûkê jî bikin qurbana doxîna xwe lo, wîî! Em bi hev zanin babam…..   

Bajo siwarê berîka Heranê bajo!

Gerîllayê bênav-04/01/07-Mexmûr- Heyran bi telaq em nema zanin ji ku destpêbikin, wîî! Kuro em Kurd wek mirîşka gêj li me hatiye bavo, rojekê dikin qid-qid û roja din jî xwe wek dîkan dibînin û bang didin. Welhasil, Xwedê me hedayet bike rebbî û hew. De ka em bên ser mijara xwe. Osman Ocalan, siwarê berîka Heranê, bavê Firat, kilê çavê Kewê di nivîsa xwe a di www.nerina-navend.org de gellek tiştên xweş, rast û mast dibêje. Hevqasî xweş dike ku hema meriv dibêje “de ka ez vê nivîsê daqurtînim” allahwekîl. Ji hemî xweştir ev gotinên wî wek “Votka Gorbaçov” tesîr li me kir û hema bêjin em pê serxweş bûn.

   Bavê Firat dibêje, “ Di siyaseta Tirkiyê de Kurd nebûn xwedîyê helwestek serbixwe. PKKa ku siyaseta Kurdîtîyê kiriye bin pençên xwe, ketiye bin per û baskên neteweperestiya Tirk. Alîyê çep ê ku di tayinkirina siyaseta PKK de xwedî erk e şerê bi AKP re ji xwe re kiriye armanca bingehîn. Çepên PKKê naxwazin bi Tirkên neteweperest û dijminê Kurdan re şer bikin. Fermî nebe jî, lê PKKa ku nikare ji bin çavdêrîya van çepan xelas be li cem Tirkên neteweperest, îmhacî û înkarcî saf girtiye” filan û bêvan.

   Pekkkkk! Kuro ma go ne yek ji malbata Ocalan be, kîjan babaegîd kare van gotinan bêje bavê min? Bi telaq wê yekser mohra “objektîf ajan yan subjektîf ajan” li pişta stuyê wî keve û hûn sax! Bijî bavê Firat....Xwezî herkesî wek te wêrîba bida lotikan û hew! Ax ji destê van çep, rep û enternasyonalîstan axxxxxx!

Lotikek ji Amerîkayê

Şemal Amedî-17//1/07-Waşîngton- Amerîkayê jî rabû lotikek li Tirkan xist û di pirsgirêka Kerkûkê de got: “Di destûra Iraqê de mekanîzmayên çareserkirina Kerkûkê hatine destnîşankirin. Bila tu kes lotikên xeyalî navêje û di xewna xwe de garis nebîne”.

   JI alîyê din heşt dewletên Erebî jî daxuyanîyek belavkirin û ji cîranên Iraqê re bi zimanekî dîplomatîk gotin: “Zêde lingê xwe dirêj nekin û destên xwe yên heram nexin nav kar û barên Iraqê. Yan na emê pêl serê we bikin” filan û fîstan. Xuyaye xwêsîya Tirkan di qirika wan de maye û nema zanin çi bikin. Îcar niha jî balyozên xwe yên Rojhilata Navîn dicivînin da şêwr û mişêwra xwe bikin ka bê wê karibin çi bikin.

   Werhasilî kelam, xuyaye tir û fisên Tirkan di wan de mane û wextî pê bi jehrî bikevin. De ser xêrê be rebbî....

Peyamnêr ji sedî 75 hat îmanê

Şîndar Berwarî-17/01/07-Dihok- Ajansa Peyamnêrê şikl û şemalê malpera xwe guhert û ji sedî 75 hat îmanê. Wek hûn zanin Peyamnêr di warê Kurmancî de kêmasiyek mezin kiribû û di şûna Kurmancî de “Latînî” dinivîsand. Lê xuyaye aqilê wê hatiye serê wê yan jî dilê wê bi Kurmancan şewitîye ku niha di şûna Laînî de “Kurdî” nivîsandiye.

   Gerçî gava meriv malperê vedike tenê “Englîsh-Turkçe” dixuye, lê gava meriv beşê soranî vedike li wir “Kurdî” dinivîse. Ev gavek erênî ye û em wek malbata Lotikxanê vê helwesta wan pîroz dikin. Em hêvîdarin wê gotina “Kurdî” di rûpela pêşîn de jî derkeve.

   Ha wisa kakacan! Tiştek ji xerabîyê dernakeve. Xurtî di yekîtî û hevkarîya me Kurdan de ye. Her bijîn!

English –Turkçe کوردی | العربية | فارسی |

 ))))))

Ji mexdûrên Lehiyê re Alikariya KÜRT-KAV Û KAYOyê

17/01/07-Amed – Kampanyayê alîkariyê ku ji mexdurên lehiyê re ku meha borî pêkhatibû, bi hevpiþkiya Weqfa Çand û Lêkolînî ya Kurdî (KÜRT-KAV) û Komeleya Ciwanên Kurd ya li Emrîka (KAYO), bi dawî hat.(Dewama nivîsê wêne bitikînin)

Semînar

20/01/2006an, di Paltalkê koçka “Era dengî Kurdistane EDK de semînerek ji alî cîgirê Serokê Partîya Azadîya Kurdistanê (PAK) ê Huseyîn Yezdanpena ve tê lidarxistin. Semîner bi katê Ewrûpa seet 20.00 û bi katî Kurdistan seet di 22.00an de destpêdike.

PAK Europa Komîtê

Partî Azadî Kurdistan

Kurdistan Freedom Party

tel:0031263252693

fax:0031263252157

mobil:0031641693364

e-mail:info.pak_europa@betuwe.net

www.ruk2691.com www.pak-us.com

)))))))))))))))

Bi kêrî milletê xwe nayê xelkê li hev tîne, wey tirrrrrrrrrr!

Bavê Cengo-16/01/07-Şam- Kuro em Kurd milletekî icûbe ne allahwekîl. Em bi kêrî xelkê xwe û welatê xwe nayên, em radibin doza xelkê û welatê xelkê dikin. Ma kesî ev bêaqilî dîtiye? Na bi telaq!

   Meselen Mihemed Reşît! Dibêjin mêrik dewlemendekî Kurdê başûr e, berpirsê aborî ê Yaser Arafat bû û bi salane ku doza Filistînê dimeşîne. Niha jî xwedêgiravî efendî dixwaze El.Fetîh û Hamasê li hev bîne, filan û bêvan.

   Ê lawo ma ezê çi bêjim?  Ez çi bêjim jî valaye û hew, wîî! Kuro ma kesê ku li ber devê derîyê xelkê dizire, ma Xwedê jî jê hez dike? Na bi namûs! Kesê ku bi kêrî millet û welatê xwe neyê û bi serde rabe doza xelkê bimeşîne, jê re çi tê gotin gelo?

   De hema hûn xwendevan navekî lê bikin, de! Navekî xweş haaaa!

Tirkan bi xwe de rît

Sîpan Nas-16/01/07-Tirkiye- Di lêkolînek welatên OECD, di beşê matematîkê de Tirk ji paş de bûn duyemîn û di axur de êm xwarin. Di lêkolînê de xuyabû ku Tirk di warê matematîk û hesêb de zircahilin û paşûpê dihejmêrin. Lê welatê herî zir cahil Meksîka derketiye. Piştre jî Tirk. Ê yekemîn û zîrek bûne Fînlandî, Koreyî, Hollandî û Japonî.

   Lê Kurd bûne çendemîn hûn zanin? Ew jî piştî Tirkan bûne zir zircahil! Çima zir zircahil? Jiber ku Kurd di bin destên Tirkan de ne, Tirk di dinyayê de milletê herî mejîgennî, cahil û doşirme ne. Ma ku Kurd ji Tirkan baştir bûna, wê di bin destê Tirkan de bimana? Na bavo, wey! Helbet ji wan zircahiltirin ku bratîya wan dixwazin û lotikên wan qebûl dikin.

   Neyse, Xwedê aqilekî bide Kurdên me û hew! 

Serok Barzanî pêl damara Tirkan kir!

Cembelîyê Botî-15/01/07-Colemêrg- Tirk lotik li ser lotikan dixwin, hem jî lotikên mirinê! Hinek ji çapemenîya Tirkan hewqasî har û dîn bûne ku yekser êrîşê dibin ser Serok Barzanî û dibêjin “Turkiyenîn damarina basti!” (Pêl damara Tirkiyê kir!). Çima? Jiber ku Serok Barzanî gotiye, “Kerkûk bajarekî Kurdistanê ye û ewê Kurdistanî bimîne!”

   Xuyaye wê Tirk ji derd û kerbê Kerkûkê bi penceşêrê bikevin û wek kera avis berbavêjin. Lê xwezî ji mîrê keremê re, rojekê jî Serok Barzanî bigota: “Ji Enqerê bigrin heta bi Silêmanîyê bajarên Kurdistanê ne” û hew!

   Hûn zanin bê wê çi bihata serê Tirkan? Bi telaq wê bi xwe de bimîztina! Birastî haa, Tirk hewqasî xwedî li Kerkûkê derdikevin, çima Kurdekanên başûr xwedî li bajarên bakur dernakevin loo?

Aferîn mamê Canan!

Mîrzeyê Geverî-15/01/07-Gever- Wekîlê partîya CHP ê Colemêrgê Esad Canan di civîna partîya xwe de başûrê Kurdistanê parazt û ji partîya xwe xwest ku li dij serxwebûna Kurdistanê dernekeve.

   Canan di civînê de destûra partîya xwe çirand, lotikek lêxist û xwedî li başûrê Kurdistanê derket. Lê serokê partîyê Denîz Baykalê bêbav rabû li dij Esad Canan xeber da û got ku wê partîya wî parçekirina Iraqê qebûl neke.

   Me heta niha fêhm nekiriye bê yekî wek Esad Canan jibo çi di nava vê partîya nîjadperest de cîh distîne? Wek hûn zanin CHP partîya Atatirko ye û bi navê sosyaldemokratbûnê herî zêde dijminatîya Kurdan dike.

   Welhasil, dîsa jî te lotikek bêîman li CHP xist mam Canan. Her bijî!

Destebrakên roja qiyametê

Antonîo Vega-14/01/07-Latîn Amerîka- Serokdewletê Îranê Ehmedo li ser dawetnameya Serokdewlet Hugo Çavez çû Venezuelayê lotikek Latîn Amerîkî avêt. Dibêjin gava Çavez û Ehmedînejad hevdu himbêz kirine, lêvên hev maç kirine û mijtine.

   Di dema mijtina lêvan de hinek xwîn ji lêva Hugo Çavez hatiye û Çavez veciniqîye. Hugo Çavez gava çav li xwîna lêvên xwe ketiye ji Ehmedo re gotiye: “Brayê şoreşger, ma gelo nexweşîya AÎDSê bi te re tuneye? Ez naxwazim niha bimrim ha. Berî mirinekê divê ez lotikekê li George Bûşh bixim” û filan. 

    Dibêjin Ehmedo jî gotiye: “Ma bû çiiiiiiiiii! Ma ez Dracula me malxirab? Te serdana min li min kir jehr û kerafî” û xwe aciz kiriye.

   Welhasil, dibêjin wê Ehmedînejad here serdana serokên Nîkaragua û Bolîvyayê jî û lêvên wan jî bimije. Dibêjin hingî Ehmedînejad li Îranê xelkê dişeniqîne êdî sebra wî nema bê mijtina lêvan tê. Dibe illeh xwînê ji lêvên xelkê bîne. De ne ser xêrê be rebbî!

Gelo birastî Muqdeda lotik li Seddam xist?

Lotikvan Dilo

Li zora mêrik hat, heheyyyy!

Bêrîvan Al-13/01/07-Amed- Van rojan Serokwezîrê Tirkiyê Recebo pirr aciz bûye. Hema bêjin ji herçar alî de lotik û cotik lêdikevin û wek serxweşan sewsî bûye. Ji alîyekî partîyên muxalefetê û ji alîyê din de jî lotikên derveyî wek golika nav garanê anîne serê wî. Rebeno nema zane bi kê daveke û bi kê danekeve.

   Welhasil, Nûnerê Amerîka ê Yekîtîya Milletan Zalmay Xelîlzad gotibû ku, „Dev ji Recebo berdin, gotinên wî pênc qirûşan nakin“ û lotikek lêxistibû. Îcar xuyaye Recebo jî pirr enirî ye, aciz bûye, li ber bejn û bala xwe ketiye û rabûye bersiva Xelîlzad daye.

   Li cem me dibêjin, „Filankeso sîr di qûna wî de nare“.  Yanî, hewqasî ji xwe bi qapan û bawere ku sîya ber lingê xwe nabîne. Erê lo, Recebo ji Xelîlzad re dibêje: Lan Xelo! Tu kî ye, kurê kê ye? Tu çend grami ku tu dibêji “gotinên Recebo pênc qirûşan nakin” ûlan! Ma tu hemwelatîyê Iraqê ye ku tu lotikan li min dixî lan! Ma çi karê Amerîkayê li Iraqê heye?” filan û fîstan.

   Îcar xuyaye sîr di qûna Recebo de jî nare bavo, wey! Mêrik hişk bi doxîna xwe girtiye û nahêle kes veke, ma wilo dibe? Binere, wê rojekê hinek wê doxînê biqetînin haaaa!

69 salî bazda ser torina xwe

Polat Erdem-13/01/07-Izmîr- Ev nimûne ji sedî sed şexsîyeta Tirkan radixe ber çav. De binerin, li bajarê Samsûnê Tirkê 69 salî (N.B) li ser mikurhatina torina xwe (E.B)  hat girtin û 11 sal û 8 meh lotik lêketin. N.B di şeş salîya torina xwe de pê dilîzt lê piştî ku bû 12-14 salî îcar dest avêt namûsa nevîya xwe û ew bi hemil kir.

   Piştî ku tehlîlên xwînê rast derketin, hakimê mehkemê 11 sal û 8 meh lotik xistin N.B û heyfa rebena keçikê jê hilanî.

   Aha Tirk ev in haa! Ne dêya xwe nasdikin, ne keçên xwe nasdikin, me torinên xwe nasdikin û ne jî Xwedê û Pêxember nasdikin! Ma kesên ku bi namûsa nevîyên xwe bilîzin ji Xwedê û Pêxember ditirsin?

   Na bavoooo! Kuro de qede bi wan û zurîyeta wan keve û hûn sax!  

Lotikek li kurê jinbavê xistin! 

Zinar Qelemşûr-12/01/07-Stenbol- Dibêjin bizava bi navê „10 Aralik hareketi“ (Bizava 10ê Çileyê Pêşîn)  partîya DTP qebûlî nav xwe nekiriye û lotikek bêîman lêxistiye.

   Xwedêgiravî bizava ku di nav hewldana amadekirina yekîtîya çep de ne, gotine ku DTP li ser bingeha etnîkî lotikan tavêje û ciyê wê di nava lotikvanên çepên Tirk de tuneye. Ev qûnekên Tirk radigihînin ku ew li dijî siyaseta etnîkî ne, cudaxwazîyê napejirînin û ji ber vê jî bi DTP re yekîtî çênabe û lotik nayên avêtin.

   Ma emê çi bêjin? De hema ev xebera xêrê li DTP û lotikvanên wan pîroz û bimbarek be rebbî! De îcar brayên xwe yên Tirk binasin ha DTP lî noooooooooo! Hûn radibin û rûdinên behsa demokrasî û Demokratîk Cûmhûrîyetê dikin, aha ji we re demokrasîîîîîîîîîîîîîîîîîîîîîîîî!

   Ji bîr nekin qurban, hûn xwe biçirînin jî hûnê her kurê jinbavê bin, xelas!   

Tarkan û Michael Jakson jî ketin dorê

Kiyaksar Temir-11/01/07- Li gorî ku pîrek li ser tenûran behs dikin, wê nêzîk pêşbirka sirûda kurdî çêbibe ji ber ku gelek dengbêj û helbestvan dixwazin ew jî lotikek wek lotika Şêrko Bêkes û Helkewt Zahir bavêjin.          

   Dengbej Fatma Fatimî dibeje,“ Ma qey Helkewt ji min çêtire“ û ew jî dixwaze lotikê bide û sirûdek nuh derxe. Her weha gelek dengbej bi alîkariya Michael Jakson û Şakîra dixwazin sirûdek nuh bi muzîka wan çêbikin. Di nav min û we de be, lê dibejin ku Tarkan ê Tirk jî xebatek wî heye ku muzîkek lotikvanî ji bo sirûdek kurdî bi kar bîne.

   Kuro ma we li ku diye ku kesî sirûda xwe guhertiye û bi navê 50 milyonî biryarê bide? Îro Helkewt û sibê xwedê tenê zane kî wê lotikan bide!

Hindik maye bibin kirîvên hev

Tacdîn Baran-11/01/07-Almanya- Li ser bextê Ajansa Nûçeyên Firatê be, dibêjin heyetek ji lotikvanên Amerîkî li Kerkûkê çûne serdana partîya PÇDKê û çehqeyek bi wan re vexwarine. Piştî xêrhatinek germ û nerm herdu alîyan gilî û gazinên xwe ji hevre anîne zimên û piştre jî gotine bye byeee!

   Tiştê balkêş eve, di vê dema ku dewleta Virqo civîn, zirt û virtan li Kurdan dikin û dixwazin pirsgirêkên Kerkûkê bikin sedema êrîşa xwe a başûrê Kurdistanê, Amerîkî serdana PÇDK dikin. Di eslê xwe de ev  jibo dewleta Tirkên doşirme peyamek baş û lotikek di cîh de ye. De a bi xêr.. Xwedê bikim Amerîkî û lotikvanên PÇDKê bibin kirîvên hev jî!

Qûnalêso dîsa kir zirt û virt!

Ahmed Beyan-10/01/07-Enqere- Wek tê zanîn, nivîskarê Fransî Gerard De Vîllîers di pirtûka xwe de navekî xweş û minasib li Serokwezîrê Tirkiyê Erdogan kiribû. Qûnalêso! Îcar emê jî jibo şerefa wî ji îro û pêde car caran Erdogan terfî bikin û bi navê wî ê rastî behsa wî bikin. Yanî, Qûnalêso!

   Welhasil, dibêjin Qûnalêsê Erdogan di civîna partîya xwe de dîsa lotikên kerkî avêtine û zimandirêjîya Kurdekanên başûr kiriye. Gotiye ku, “Lan Kurdekan! Dev ji mesela referandûma Kerkûkê berdin, bêaqilîyan nekin û bêyî qûnalêsên Tirk û Tirkmenan xwe nelivînin. Yan emê bên û çavekî we derêxin haaa, okey!” û xwe nepixandiye.

   Xuyaye Serekerkanê Artêşa Tirk Yaşar Buyukanit berî civînê têra xwe lotik û pehîn li Qûnalêso xistiye ku ew jî germa germa hatiye civînê û ziryaye.

   Welhasilî kelam, xuyaye qûnalêsên Tirk nêta xwe li Kurdistan û Iraqê xerakirine û ewê bixwazin li wanderan lotikên terorîstî bavêjin derûdora xwe. Gerçî ne xema kakacanên me ne, lê dîsa jî me xwest em bala wan bikşînin ser qûnalêsên OYAK, MÎT û ÎTÊ!  

Emê kengî ji cahşan xelas bin ey hawarrr?

Şîndar Berwarî-10/01/07-Dihok- Dewletên dagîrkerên Kurdistanê, bi taybet dewleta Tirkên xwînheram rehet nasekinin û bi her awayî desttêwerdanên Kurdistanê dikin. Helbet Kurdên bêaqil û dijminê qeymê xwe jî pirr in û zû bi wan tên xapandin.

    Dibêjin niha partîyek bi navê “Partîya Heq û Edaleta Kurdî” hatiye damezirandin û serokên wê jî nihek kesên wek Erşad Zebarî û Cewher Herkî dikin. Ew kesên ku wek cahş tên binavkirin, beşdarî civîna li Stenbolê jî bibûn û hatibûn lîztika dewleta Tirk. Dibêjin kes û serokeşîrên wek Erşad Zebarî, Cewher Herkî, Zîrek Sûrçî, Sebah Akreyî û hinekên din bi dewleta Tirk û hinek hêzên Ereban re lihev kirine da ku li derûdora Kerkûkê partîyekê ava bikin û nehêlin Kerkûk têkeve bin desthilatdarîya Kurdistanê.

   De îcar gelî xwendevanan, gelo emê kengî ji cahş û xwenenasan rizgar bibin qurban? Heta kengî wê serokeşîrên me xulamtî û nokerîya dijminên xwe bikin? Wê kengî wek Kurd xwe nasbikin û neyên lîztikên dijminên xwe? Kes nizane!

   Em hêvî ji Xwedayê mezin dikin ku nifşên nûhatî, keç û xortên ciwanên van eşîran wek mezinên xwe neyên lîztika dijmin û li berjewendîya millet û welatê xwe xwedî derkevin. De a bi xêr û hew....

Heyla agir bi malê keto!

Sofî Xelef--09/01/07- Şam-Hûn zanin, wek Şêxekî min digot qey em misilman tenê bi navê dîn fen û fûtan dikin û xelkê xwe dixapînin. Ne tenê xelkê, hetta haşa dixwazin Xwedê jî bixapînin. Lê xapînok û bazirganên dîn di nava her milletî de hene. Hem jî di kîs û çewalan hilnayên, hene û hey hene! Meselen çawa ku melle û dîndarên dewletên dagîrkerên Kurdistanê bi navê dîn millet dixapînin, çawa ku gellek dîndarên me Kurdan bi navê dîn hem li nêl dixin hem jî li bizmêr, wilo jî keşe û kardînalên filehan jî xwe tiroviro dikin û bi navê dîn lotikên beredayî tavêjin.

   Ha ji we re nimûneyek ji Nîjeryayê: Keşe Samuel Sadelayê 107 salî!  Keşe Samuel Sadelayê 107 salî rabûye bi jinek 30 salî re dizewice û vê zinêkarîyê  bi navê “Ez qeweta mêranîya xwe ji Xwedayê xwe distînim” dike.

    Kuro lawo hey bêwîjdan, ma Xwedê gotiye here bi jina sîh salî re bizewice? Na lo, te keçek 11 salî banîya çêtir bû heyran, berxikekê bîne berxik! Goştê berxan xweştire ji ê kaviran qurban! Aha ev zinêkarê Keşe Samuel jî wek şêxên me ne allahwekîl! Ma şêxên me jî bi navê dîn bi keçên 11-16 salî re nazewicin bavê min?  

Sempozyûma KUD-KAVê. Jibo agahiyên zêdetir wêne bitikînin

Ma asayîşa Bexdayê bi serê pêşmergan ketiye bavê min?

Leyla Bamernî-08/01/07-Zaxo- Dibêjin Serok Bûşh di bernameya xwe a nû de dixwaze eskerên zêde bişîne Bexdayê û herweha hêzên pêşmerge jî li Bexdayê bicîh bike. Wekî din, rojnameya Newyork Times jî radigihîne ku wê pêşmerge terorîstan ji Bexdayê biqewirîne û pirça serê wan biweşîne.

   Birastî min bi xwe tiştek ji vê sergêjîyê fêhm nekiriye. Gelo çi karê pêşmerge li Bexdayê heye? Ma asayîşa Bexdayê bi serê pêşmergan ketiye bavê min? Hûn dibînin bê çawa Tirkên bêbav destê xwe dixin nav kar û barên Kurdistanê û Kerkûkê, hûn çima lotikan li wan naxin lê hûnê bidin ser pişta terorîstên Ereb?

   Bihêlin baba! Bihêlin bila Erebêb sunnî û şiî hevdu bidin ber lotik û pehînan bavê min! Ma hema insanetî û xêrxwazî ji me Kurdan re maye kaka, wîî! Bila di bîra we debe; Girîyê herkesî li ser mirîyê wî tê haa!

Başûr dibe hêlîna Jîtem, Mît û Îtê

Cembelîyê Botî-08/01/07-Şernex- Piştî civîna MGK (Sazîya Ewlekarîya Netewî) biryar hatiye girtin ku dewleta Tirk ji endametîya Yekîtîya Ewrûpayê zêdetir giranîya xwe bide ser bûyerên li Kurdistanê, Iraqê û bi taybet jî mesela Kerkûkê. Ji xwe Serokwezîr Kerdogan vekirî ev lîztik anîn zimên.

   Piştî Kerdogan, Serokê MÎT ê (Îstîxbarata Tirkiyê) Emre Tanerê Diyarbekirî rabû raporek belav kir û xwest ku Tirkiye li himber pêşketinên li Kurdistanê bêdeng nemîne, çalaktir be û zêdetir êrîşkar be. Îcar li ser van biryaran, xuyaye Îstîxbarata Eskerî (JÎTEM) jî ketiye dewrê û zilamên xwe dişîne Kurdistanê, li bajarên cuda bicîh dike. Ji xwe Şîrketên OYAKê ji sedî sed zilamên Artêşa Tirk û Teşkîlata Îstîxbarata Tirkiyê ne.

   Welhasil lo, me tenê xwest em bêjin ku Tirkên bêbav rehet nasekinin û li başûrê Kurdistanê hazirîya çalakîyên terorîstî dikin. Gelo Kurdekanên me çi dikin? Tirk dest û lingên xwe dixin başûrê Kurdistanê, lê çima kakacan alîkarîya bakurê Kurdistanê nakin û lotikan li Tirkên bêbav naxin baba?

   Ji berê de dibêjin, “Kurd heta serê wî li dîwêr nekeve aqilê wî nayê serê wî”. De a bi xêr...

Rehma Xwedê lê be rebbî!

Şêxmûsê Omerî-07/01/07-Mêrdîn- Nivîskarê me, Operator.Dr.Ibrahîm Yildirimê Omerî çû ser dilovanîya xwe û ji nav koma nivîskarên Lotikxanê bar kir. Ibrahîm Yildirim bi navê Bro Omerî ji gellek deran re dinivîsand û vê dawîyê jî bibû endamekî dîwana Lotikxanê. B.Omerî di 1942an de li Nisêbînê, gundê Çalê hatibû dinyayê, Operator û Doktorekî zîrek bû. B.Omerî di 67 salîya xwe de ji nav me koça dawî kir. Bela serê malbata wî û gelê me sax be.

Sempozyûma KURD-KAVê. (Wêne bitikînin)

Em kurd wek qijikên reş in

 Faris Kilso-06/01/07-Swêd-Qijikên reş li nêzîkî malan û li ser daran kom dibin, wextê ew rovî an pisîkê dibînin, hemû dikin qijeqij, li hev kom dibin, perê xwe li hev dixin û xeberê didin hev. Ew wisa zanin ku pisîk û rovî dixwazin hêlînên wan xera bikin û çêlîkên wan bixwin. Êdî heta ku pisîk û rovî li nav daristanê bin, qijik dikin qixeqix û mirov dibêje qey qiyamet li serê wan rabûye.

  Qurban! Wek ku leşkerê tirkan li Kurdistanê tunebû û nû diçe herêmê, siyasetmedar, ajans û sîtên kurdan mîna wan qijikan dikin warewar û dibêjin:

-Leşkerekî giran dîsa diçe ser pîra heft diran. Wa ye çûn! Top, tank û meterilyos çûne Kurdistana Iraqê! Biraderên me bi heyecan, bi tirs û lerz belbelê çêdikin, dikin qîreqîr û warewar.

   Belê, çi dema ku ew dixwazin, ew bi teyarên xwe cihê PKKê didin ber bomban û wek şerê nefsî leşkerê xwe dikşînin ber sînor û lotikan davêjin. Lê çûna Kurdistanê li wan xir e. pêşiyên me gotine: (Zêdetir wêne bitikînin)