MİN GOT  NA!

 AŞTÎXWAZ

12/03/08-Mêrdîn-

Ji min re gotin bibe cahş û cerdewan

Em ê zêr û zîvan bi te din

Min got na…

Ji min re gotin li ser xwîna mirovan bazirganîyê bike

Em ê qesr û qonaxan bi te din

Min got na…

Ji min re gotin brayê xwe bikuje

Em ê te bikin serokê gelê te

Min got na…

Ji min re gotin bêbextîyê bike û cavên mirovan bitirsîne

Em ê te bi fermandar kin

Min got na…

Ji min re gotin çand û zimanê xwe biguhere

Em ê te dewlemend û zengîn bikin

Min got na…

Ji min re gotin îxanetê bike û xwe bifroşe

Em ê te xelat bikin

Min got na…

Gotin çi

Min got na…

Dijmin qeherî

Hêrs ket

Û qîrîya

Ji min re gotin em ê destên te kelepçe bikin

Û te bavên binê zindanan

Min got na…

Ji min re gotin em ê te bavên darbesta Filîstînê

Bêrîkan di canê te de vekin û tije xwê bikin

Min got na…

Ji min re gotin em ê îşkenceya qirêj li te bikin û te bikujin

Min got na…

Ez natirsim gurê devbiqirêj û devbixwîn

Ez ji azadîyê re bawermend im

Ji morovantîyê re piroleterê bi biryar im

Û ez şagirtê GUEVARA me