Heger tu neyê

 Azad Hecer

                                                                                   Wek hertim şevên bîranîn û xemgîniyê

                                                                                    ez ji xwe're kirime saz

û her li ser perdên min awaza

wek xwe lê dide

Hundir xwe li min pêçaye

bîhn li min tengkirî

çavên min ji ser wêneyê te

yê êtam di elbûma min de ranabin

Li ser masê rûnişitî me

pel û pênûs ji min xeyidî ne

ji destpêka êvarê de bêkarin

qehwa min di binê fincanê de zuha bûye

nema karim bikim fal û li hatina

te bi hêvî bim dilê min

Rehmetiyê Mihemd Şêxo

ji gorê rabûye û hatî mêvaniya min

û ji bo min cana min-cana min distirê

lê dîsa divêm te lê gulê

Rewşa min bê rewş û jar ez im

xemgîn û melûl ez im

mirî û rehmetî ez im

feqîr û bê maf ez im

şiyar û bê aram ez im

ne li vê dinê ne li wê dinê ez im

bê guneh tenê li cehnimê ez im

dildar û bê yar ez im

Lê dîsa jî mebêje yara min

dilê xwe ji min sar meke ticar

erê tim kêm ez im lêêêê

bi te û azad ez im

Melakî mi nimêj dev ji xêr û gunehê

serxweşekî serî gêj dev ji qedehê

heger berdin

ji te dest ticar û ticar

ez bernadim

bêje min bêje bêje

min şiyar û şîret bike

ez bi xwe're û ji bo evîna te

şerê berdewamiyê dikim

êşa birîna min bilind bûye

waqe waqe

xemgînî bûye jiyan

jiyan jî bûye tu

û tu winda ye

herger tê neyê û wek xelkê

ji min hezneke

tu dikari min ji bîr bibe DILO