Dewletê go “zirtttt!”

Av.A.Dîlan-26/12/07-Enqere- Dibêjin:”Heft kurê pîrê hebûn qencê wan qûnek bû”. Îcar ev jî mesela me û Kasimpaşali Recebo û hikûmeta wî ye. Me digot qey qencê wan Recebo ye, lê me dît go ew jî wek temamê siyasetmedarên Tirk qûnek derket.

Divê em Kurd tiştekî jibîr nekin: Pêxemberê Tirkan jî bibe hikimdar, ewê jî her di emrê artêş û dewleta xwe de be û dijminatîya Kurdan bike! Bila kesek dilê xwe bi demokratbûn û çepîtîya wan, yan bi insanetî û misilmantîya wan xweş neke. Di encamê de Tirk Tirk e û ewê her bêjin: Kurdê baş Kurdê mirî ye!

Werhasil, dibêjin wezîr û sermezinên hikûmeta Erdoxan li hev civiyane û çareserîya pirsgirêka Kurd dîtine. Li gora wan jî çareserîya herî maqûl ev e: Divê generalên Tirk di dawet û govendên Kurdan de bireqisin û xwe bihejînin ku karibin xwe li ber dilê Kurdan şîrîn bikin. Çi ecêbe ne wilo!

Di 31ê Tebaxa 2006an de ji ber ku Astsûbayê cendirme Azîm Başol di şahîyekê de govend girtibû û bi Osman Baydemîr re xwe hejandibû, serê wî bi Serekerkanîya Artêşa Tirkiyê ketibû belê û hatibû darizandin. Îcar weke ku tiştek nebûbe, hikûmeta Erdogan radibe çareserîya pirsgirêka Kurd di “avakirina komên folklorê û reqsa sûbay û generalan de” dibîne.

Erê kuro, qûnekan wek zîzokê li dorê dizîvirin, dizîvirin, dizîvirin, lê dikin û nakin gotina “qebûlkirin û naskirina nasname û mafên gelê Kurd” ji devê wan dernakeve yaw!  Ê tabî canim, dewleta Tirko baş zane ku, gava ew destekî xwe dirêjî Kurdan bike wê gewde û ling jî tev biçin.

Mêrikan ji qûna xwe ditirsin yabo, wîî!