Mêrik ziravqetandî kir û tirr jê berda

Başçawîş- 09/07/09- Anadol-  Haşayî jinên Kurd, berê hinek ehmeqên me digotin:

 „ Aqlê heft jinan di serê mirîşkekê de ye û ew mirîşk jî nikilê xwe li gû dixe“. Xuyaye ev gotin tam ji bo jinên wek Tuba G hatiye gotin ellawekîl. De ji xwe re li lotika Tuba G xanimê binerin.

Tuba G li bajarê Nçgdeya Tirkiyê mamoste ye. Sayin qûnek Alî Tarik Sari jî „mihendisê kolana“ ye, ango tiral û betal e. Tuba xanim ji bo ku hinekî kirh e ( ne xweşik e) û Alî Tarik Sari jî ji bo ku betal û tiral e, herdu xwe bi hev ve dizeliqînin û çend mehan hevdu dinermijînin, tirrê ji hevdu berdidin. Tarik beg bi perên mamoste Tuba xanim debara xwe dike, hem zikê xwe têr dike û hem jî têra xwe ganên xwe dike. Tuba xanim jî kurmê xwe bi xiyarê tarik beg dişkîne û kêf kêfa wan e werhasil.

Ez serê we neêşînim, piştî lotik û zîtirkên 2 mehan, Tarik efendî hew qîma xwe bi xwarina tirşika herşev tîne û terka Tuba G dike. Ê Tuba xanim jî hînî lotik û zîtirkan bûye, heta gon nexwe xew nakeve çavên wê û zane ku xiyarekî ji Tarik efendî çêtir jî nabîne.  Îcar çi bike baş e? Êêêêêê, kurmê xiyarên qeşartî jî ji kurmê cixarê xirabtir e haaaa, pehhhhh!

Axir, Tuba G dixwaze qaşo Alî Tarik Sari çavtirsandî bike û wî dîsa li xwe vegerîne. Şevekê radibe wêneyê kevnesererkanê artêşa Tirkiyê Yaşar Buyukanit li ser nasnameyekê dixe, nav û paşnavê wî li ser nasnamê dinivîse, kopya wê nasnamê dikşîne,  li ser kaxezekê dinivîse:“Me di te kiroooooooo, tu me nas dikî newilo? Tu zanî bê em karin çi tirran ji te berdin ne?“ û davêje posta mêrik.

Rebenê Tarik gava postê bedike, dibîne go çi bibîne hayhooooooo! Wêne û zirtên serekerkan Yaşar Buyukanit! Pekkkkkkkk bê rebeno çi tirr û fisan dike law! Li ser bextê Xelo û Celo be, dibêjin Tarik efendî yekser bi xwe de mîztiye, bêhna tirr û fisên wî wek bêhna bomba atomê li derûdorê fûriyaye û qidumşikestî bûye. Yaşar Buyukanit û zirtan lê bike! Ev tê maneya kujtina wî lo, ma kesek kare xwe li ber lotikên serekerkanê artêşa Tirkiyê bigre qerdeşim? Na.

Werhasilî kelam, piştî ku Tarikê reben gumanê ji Tuba G dike ku wê ev babelîzk anîye serê wî û qûn lê qetandiye, yekser berê xwe dide cem polîsan û hawara xwe dighîne wan. Îcar niha herduwan wek tajî û kîroşkê dane dû hev û hevdu li dadgehan digerînin.

Îcar qerdeşim, esasen ev fikrek ne xirab e ellawekîl. Hema kî ji we ji yekî aciz bû, hema wêneyê serekerkanê artêşa Tirkiyê sayin Îlker Başbûg li ser nasnameyekê xin û jê re bişînin. Bi sê telaqan, wê ji Alî Tarik Sari xirabtir qûş lê biqete û hûn sax…..

Cîgerim vê carê lotikên germik û nermik avêtin

Başçawîş- 14/04/09-Stenbol- Serekerkanê Artêşa Tirkiyê sayin cîgerim Org. Îlker Başbûg, di Erkanîya Akademîya Herbê de axavtinek qirase kir û behsa gellek tiştan kir.

Cîgerim tam du seetan lotik avêtin û xweş axivî, xwedê heye. Wek serekerkanên berê zêde dijminatîya tukesî nekir, ji sînorê demokrasîyê derneket û te digot qey ne Serekerkanê Artêşa Tirkiyê, lê Serekerkanê Artêşa Ewrûpayê ye. Ewqasî ku germik û nermik lotik avêtin.

Axir, cîgerim got ku artêşa Tirk tucarî dijminatîya dîn û olan nekiriye, ne dijminê olê ye û kî van derewan dike jina xwe ji xwe berdide. Tew di derbarê asîmîlasyona Kurdan de kirasê xwe çirand û got:“Yaw qerdeşim, me wek dewlet tucarî sîstematîk hemwelatîyên xwe yên Kurd asîmîle nekiriye. Hinek qûnekan li ser navê dewletê di sala 1938 de lotikên asîmîlasyonê avêtibin jî, ev lotik dewletê girê nadin cîgerim“ û li dijî asîmîlasyonê derket.

Welhasil, bi ellawekîl heta îro min nedîye ku serekerkanekî artêşa Tirkiyê ewqasî germik û nermik tiştên maqûl gotibin. Gelo birastî Tirk û Tirkiye tê guhertin yaw?