Tatlises û helwesta min

03/02/09
Sayin Lotikxane silav li we ji ber ku silav silava xwedê ye, belam bawer bikin ez jî helwesta we ya li hember hunermendê me yê mezin û dizê hunera Kurdî sayin Îboş, wek kekê Enwer Karahan protesto dikim.

Hûn dizanin gelî lotikvanan, ku sayin Zêrevan berê xwe da TVê ya gelê Kurd TRT6 û di kursiya germ û nerma wê de rûnişt û bi mêranî reklama nivîskar û şoreşgerên malpera xwe kir.

Tevî ku di jiyana xwe de ticar ne gihiştime wê aste ya bilind ku ez di malpera Zêrevanî de bibim xwedî nivîs, lê belê dibe ku reklama wî bandora xwe li gelek Kurdên Swêdê bike û ez jî yek ji wan.
Îjar ya girîng ewe ku dibe rojek ji rojan ez û Îboş di nava hêwan û dehlîzên TRT6 a me Kurdan de em li hevdû rast bên û silavek xwedê bidin hev. Birastî jî ez naxwazim ez û birakê me Îboş werin hemberî hev û ji ber nivîsa we ya di Lotikxanê de li hember wî şermezar bibim.

Loma ez we protesto dikim û desteka xwe didim Enwer Karahan.
 
Bendî Welat

welat73@hotmail.com