Beşîr Melle

Ey felek

Kulîlka baxê terîqa xiznewî

Bîn veneda li vê gulistana xelet

Li keştiya rast û heqîqî bû xwedî

Êku şûrê Elî hilde ka xelet ?

Menbera lefz û îbaratê te şêx

Doza itqa vî gelî bûye xelet !

Şêx Seîd  Seyid Riza bi qadîre tên

Şopa van pîrê mezin nayê xelet

Şêxê min hem sazê Mûsa Enterî

Qamişlo xwişka Amed be tê xelet?

Wa bira Tirk û Ereb û Farisan

We verşand taca Selahedîn xelet

Em li neslê Ehmedî tim bûn xwedî

Ji bo işqa me we maşûq dît xelet

Hêzê tarî dane ser rêça zulmat û kufriyê

Heyfa vê xwîna temîz birje xelet

Her bi van xeltên we em bûne şehîd

Naçine  Quds û Şamê em xelet

Merheba bi rêça Huseynê Kerbela

Mîr nakevin hebs û zindana xelet

Navbera kufr û îmanê  mûyeke

Şêx neketî vê mesafatê xelet

Xwîna xwe kir donê mûmek  sermedî

Rewşen û pêta wî da eksa xeket

Şêxê min yara xwe dîtî bê xeme

Pîrê zana vê dizanin bê xelet

Pê dizanin tu şiyarî na mirî

Jîr nakevin tucarî xwên xelet

Ji bo bîranîna Şêx Maşûqê Xiznewî

02/06/2005

Qamişlo….

Li bajarê Qamişlo

 Êvara newrozê da

 Rijya xîna sê bira

 Bû ronak û pêtî da

          Qîz û xortên qehreman ketin meşa Mihemedan

          Sûnd dixwin ranawestin ta bistînin tola wan

Bû ronak û pêtî dan

Ser pelê deftera min

Bûn aha kesera min

Şûna van sê kulîlkan

        Qîz û xortên qereman ketin meşa Mihemedan

        Sûnd dixwin ranawestin ta bistînin tola wan

Bi bîna sê kulîlkan

Xweşik dibe doza min

Ronî dibe roja min

Di vê roja pîroz da

      Qîz û xortên qehreman ketin meşa Mihemedan

      Sûnd dixwin ranawestin ta bistînin tola wan

Di vê roja pîroz da

Rewşa rindê deng veda

Bi navê her sê çiran

Di dîlana êgir da

      Qîz û xortên qehreman ketin meşa Mihemedan

      Sûnd dixwin ranawestin ta bistînin tola wan