Bîranîna koçkirina Barzanî yê nemir li Hengelo

HENGELO, 1/3 2008 — Evro di dîroka Kurdistanê de rojeka dîrokî ye, berî 29 salan Mistefa Barzanî yê nemir emrê xwedê kir. Barzanî yê nemir bi salan ji bo tevgera bizava azadîxwazî ya Kurdî xebat kir û serkêşê Şoreşa Eylul ya mezin bo ko li 11 Eylola sala 1961 destpêkir ta meha Adara sala 1975 dema nekse bi şoreşê keftî. Barzanî yê nemir wezîrê pêşmerge î  bo sala 1946 di komara Kurdistanê de bi serokatiya nemir Pêşewe Qazî Mehemed, temenê Komara Kurdistanê yek sal kêşa û Komara Kurdistanê hate dagirkirin, Barzanî yê nemir bi 500 pêşmergan ve koçberî Soviyeta berê bo ta sala 1958.

Li 16 tebaxa sala 1946 Barzanî yê nemir Partiya Demokrat ya Kurdistana Îraqê avakirin û her wesa Yeketiya Qûtabî û Lawên Kurdistanê ji li jêr serokatiya vî rêberê nemir hate damezirandina li 18 Subata sala 1953.

Yek ji destkeftên herî mezin di dîroka Kurdistanê de bi serokatiya Barzanî yê nemir bo di rêkeftinama 11 adarê ya sala 1970 bo ko di navbera Kurdan û hikumeta navendî ya Îraqê hate îmzakirin û Kurdan autonomî wergirt.

Barzanî yê nemir rêbazek pîroz tomar kir û ko ta evro ji mûfa ji wê rêbazê tê wergirtin û bi milyonan Kurd qûtabîyên rêbaza Barzanî yê nemirin.

Dîroka Barzanî nemir bêsinore û ta roja evro ji li Kurdistanê û seranserî cîhanê koçkirina wî tê bîranîn.

Evro lijna Hollenda ya Partiya Demokrata Kurdistanê li bajêrê bajêrê Hengelo sêmînarek çêkir li ser koçkirina Barzanî yê nemir, dê vê sêmînarê de sê mêvanên taybet hebûn yek ji wana rojnamevan û wênegirê Fransî François Xavier Lovat, rojnamevan û wênegirê Hollendî Michiel Hegener û rewşenbîrê Kurd Edîp Çelkî û her wesa gelek kesayetiyên din wek nûwênerên partiyên siyasî û berpirsên komelên cemawerî amade bon.


>> Michiel Hegener

Piştî peyva bi xêr hatinê, Michiel Hegener li ser hevdîtina xwe kir li gel Barzanî yê nemir di sala 1973 li geliyê Gelalê axift û got:
- Sala 1973 min beşê cêgografiyê di xwend li zankoya Utrecht ê û di wê salê de min li gel 7 qûtabîyên din biryar da trumbêlekê bi kerin û biçin Hacî Omran,  min li Hacî Omran çav bi Barzanî ket, bejna wî ne gelekî bilind bo lê ew mirovekê gelekî bi heybet bo.
-Dema çavên wî bi çavên min di ketin min hizir dikir ko ew çavên teyrê bazî ne, lê di heman demê ew gelekî mirovekê aram û mêvanperwer bo.
Her wesa Hegener got ko ewan carek filmê xwe yê orîginal winda kir û wana kopiyeka wî filmî dabon Komeleka Qûtabîyên Kurd li Swêd û eger ew filme li cem kesekê hebit, ez hêvîdare peywendî li gel wî bikin.
 

François Xavier Lovat ji di berdewamiya sêmînarê de behsê xwe kir li gel Barzanî yê nemir û got:
- Berî 45 salan min çav bi Barzanî ket û min 3 mehan jiyana xwe li gel Barzanî, Barzanî daxwaz ji min kir em yariya satrincê bikin û me kir, lê Barzanî ji min bir.
Xaviet Lovat got wî çav bi Îsê Sûwar ji ketiye.
                                                                                             Michiel Hegener

>>François Xavier Lovat, ev pitruka di destê wî de wî çêkiriyê û wêne Barzanî yê nemir wî bi kamera xwe girtiye

Mamoste Edîb Çelkî ji bi dirêjî li ser dîroka binemala Barzanî û rolê wana di bizava azadîxwazî ya Kurdî de axift.

François Xavier

>>Mamoste Edîp Çelkî

Rojnamevan û wênegirê Fransî François Xavier Lovat erşîfeka berfireh ya hey ji wênên domkûmenterî yên Kurdistanê û Barzanî yê nemir, ta niha wî gelek pirtûk çêkirinê li ser doza gelê Kurd û bi taybetî li ser Partiya Demokrat ya Kurdistanê.

Michiel Hegener ta niha pirtukeka bi navê: ''Çiya wek hevalbend'' li ser Kurdên Îraqê ya nivêsî û eval ji dê pirtuka wî ya bi navê: Kurdên Îraqê dê çap bit, sêmînarê 4 demjimêran vekêşa û zêdetir ji 500 kes amade bon.

Nivêsîn û wêne: Dîndar Koçer

Edîp Çelkî