Mêrdîn serê govendê dikşîne

Bozan Mêrdînî- 08/07/09-Mêrdîn- Dezgeha Îstatîska Tirkiyê (TUÎK), lêkolînek balkêş di derbarê „hevduberdanê“ de kir û ferqa navbera Kurd û Tirkan derket holê. Ango, qûna reş û spî derket meydanê û yên ku herî kêm jinên xwe berdidin Kurd in. Bi taybet bajarên wek Mêrdîn, Batman, Şirnex Û Sêrt di serê govendê de ne.

Di lêkolîna TUÎK ê de bajarê ku herî zêde jin û mêr hevdu berdidin, bajarê Izmîrê ye. Li Izmîrê asta hevduberdanê ji % 2.53 ye. Lê li Mêrdîn, Batman, Şirnex û Sêrtê asta hevduberdanê xwe nagihîne % 0.2 jî.

Li gora lotika TUÎK ê, li bajarê Izmîrê di nava salekê de 9 hezar 531 jin û mêrî hevdu berdane û qûş li hev qetandine. Bi taybet kesên ku di navbera temenê 25-34an de ne, tirrê ji hev berdidin û piştî ku têr ganên xwe dikin, pehînekê li der qûna hev dixin û dibêjin „oxir be“ cîgerim.

Li gora ku TUÎK jî destnîşan dike, hevduberdan di nav Kurdan de pir kêm e. Kurd zêdetir qedrê malbatê, qedrê jin û mêrantîyê dizanin. Lê Tirk qedrê pîvazek xerabe nadin malbat û jin û mêran. Hema kê fersend li hevdu dît, tirrê ji hev berdide û lotikên bergîlkî li nav serê hev dixin.

Werhasilî kelam, di mijara hevduberdanê de jî Kurdan doxîn li Tirkan sist kir qerdeşim. Îcar hûn fêhm dikin bê çima li bajarên Tirkan zarokên bîjî û xwînheram zêdene ne wilo!?

DTPî yan li Nisêbînê tirr ji hev berdan

Bozan Mêrdînî- 05/07/09- Nisêbîn- Rêxistina DTP a şaxê Nisêbînê, duyemîn kongreya xwe li dar xist û toz û dûman bi ser serê xwe xist. Kongre li salona konferansê ya Navenda Çanda Mîtanî çêbû û kesên wek Şîlan Emînoglû, Nazim Kok, Hilmî Oncu, şaredar Ayşe Gokhan, serokên navçeyên herêmê, Cîhan Sincar û gellek tirtireyên din beşdar bûn

Piştî hilbijartina dîwanê, rêz li şehîdan hat girtin û serokê DTP ê bajêr Oncu axavtinek qirase kir û dest bi lotikan kir. Piştî Oncu, dora lotikan hat ser Şîlan Emînoglû û Hamît Tokay. Van herdu lotikvanan axavtina xwe bi Kurdî kir û dilê me xweş kir. Piştre jî cîgerim Azîz Keskîn rapora kiryar û aborîya desthilatdarîyê xwend û tirr ji meselê berda.

Axir, piştî daxwaz û hêvîyên qirase, Suleyman Çîftçî wek serokê DTP ê şaxê Nisêbînê hat hilbijartin û Songül Enüştekin, Yildiz Orhan, Havleci Şik, Aziz Keskin, Zeynedin Şimşek û Mehmet Salih Özen jî wek rêvebir hatin hilbijartin.

Werhasilî kelam, ez serê we neêşînim û nekim wek dahola Şemoyê mitirb, mesela me ne li ser kongra DTP bû. Lê li ser pevçûna di kongrê de bû. Hûn zanin, em pirê caran rastîyên xwe vedişêrin û di çapemenîyê de naweşînin. Di vê kongreya DTP de jî heman lotik hatin avêtin. Di çapemenîya partîyê de behda kongrê hat kirin, lê kesî mala xwe nebir mîratê û behsa pevçûnê, behsa kulm û boksan nekir.

Cîgerim Elîkê Betê (em navê rastîn nadin) bi salan beşdarî kongreyên DTP nedibû. Lê vê carê beşdar bû û bi beşdarbûnê re jî yekser lotikek qirase xwar, bi kulm û buksan ketin ser zikê wî û tirr jê berdan. Li ser bextê sîxur û peyamnêrên Lotikxanê be, dibêjin kesê bi navê Adnan Erkîl jî beşdarî kongreyê bûye û ew jî ketiye ber lotik û zîtirkên hevalan. Li ser bextê hinekan be, dibêjin xwedêgiravî Adnan Erkîl hem DTPî ye û hem jî di nava xelkê de wek endamê JÎTEMê tê destnîşankirin. Îcar rast û derew di stuyê fitne û fesadan de be.

Ji alîyê din, dîsa dibêjin ku kevneşaredarê Nisêbînê Dr. Mihemed Tanhan ji tirsa ku lêdanê bixwe ji ciyê xwe jî ranebûye û serokê berê yê Nisêbînê Ahmet Dînç, boksek wek boksa Muhammed Qiley xwariye û tirr jê hatiye berdan.    

Ez serê ne neêşînim, çîroka min ji we re xweşşşşş û ka telaşek şebeş!

Aha mesela me û kongreya DTP a şaxê Nisêbînê jî ev bû cîgerlerim….. Berjewendî, dagirtina bêrîkê û hezar quzilqurtên din ketine pêşîya berjewendîyên netewî û herkes ji alîyekî ve li Kurdan siwar dibe û hûn ji min re sax….