Çang Çîng Çong

                  Bêhna sîrê ji Çînê difûre, ya starrrrrr!

Yek ji wan milletên ku herî zêde sîrê dixwin û bêhna sîrê ji wan tê, Çînî ne. Malmîratan tu dibê qey ji xelayê rabûne, hema sîrên kelandî, yên qelandî, yên kesidandî, yên birajtî ji bêrîkên wan kêm nabin û hema her serê nîv seetê kulmekê davêjin devê xwe.

Piştî derketina vîrûs û helmewta (şewb, zekem) berazan, qedr û qîmetê sîran 40 qat î zêde bû û ji zêr, zîv, dolar û euroyan giranbuhatir bû. Çima ku pisporên nexweşîya berazan gotiye „sîr dermanê vîrûsa beraza ye“, Çînî bûne „sîrkolîk“ û bêhna miraran ji wan difûre.  

Axir, van heyaman mij û dûmana sîran bi ser serê Çînê ketiye û wey li wî ye ku zêdetir sîran bixwe da beraz bela xwe li wan nedin. Bi her sê telaqên jinberdanê, bêhn, mij û dûmana sîran ji dûmana febrîqeyan zêdetir bilind dibe ha. Hûn newêrin di ber yekî Çînî re bibihurin, yan hûnê ji bêhna sîran verşin û yan jî hûnê pê serxweş bbin û bê hiş bikevin ellawekîl.

Ez serê we neêşînim, şîreta min li we ev e gelî xwendevanan..

Îro li Çînê sîr giranbuha ye û perakî baş tê de heye. Bi dîn û îman, bi serê Mao Zedûng û Konfîsyûs, heçê vê demê dest bavêye bazirganîya sîran, wê Çînê dagîr bike û bibe milyoner û hûn sax….

Îcar nesekinin, berê xwe bidin welatê „sîrkolîkan“ û sîrên xwe bifroşin qurban.

Haaaaaa, hûn di şûna sîran de bi xeletî kîrên xwe jî nefroşin ha, eman eman. Ji ber Çînî her tiştî dixwin, hay ji xirrê xwe jî hebin babam…   

10.12.2009- Pekîn

Kurd wek Xîe Caypîng jî nayên

Xanima bi navê Xîe Caypîng a 46 salî, seroka mafya Çînê ye. Xanimê 16 dostikên wê hene, her şev bi zilamekî re lotik davêt û milyarder e. Di bin emrê wê de tam 15 hezar endamên mafyayê hene, Çîn serûbinê hev kiribû û kesek nemabû ku tirr jê bernedabû.

Axir, berî du sê hefteyan operasyomek qirase li dijî wê û çeteya wê hat çêkirin, Xîe Caypîng û 15 hezar hevalên xwe ketin xefikê, hatin girtin. Xîe Caypîng, bi 18 sal cezeê hepsê hat darizandin û ket qulika hepsê.

Îcar hesab li cem we gelî xwendevanan. Jinikek rabe çeteyek mafyayê saz bike, di bin emrê wê de 15 hezar kes bixebitin, 16 dostikên wê hebin, milyarder be û dewletek wek Çînê ziravqetandî bike. Ma îcar ev ne huner û marîfet e?

Û Kurd?

Ew siyasetmedarên ku her roj partîyekê saz dikin û yekê xira dikin, ev qiraseyên zilamên simbêlboq ên ku di gotinê de agir ji devê wan bipijiqe, ew zimandirêjên ku nikarin du zilaman bînin ser hev, ma wek Xîe Caypîng a qamkinik jî nayên law? Ma ji wê fedî nakin? Xîe Caypîng, ji bo bigihê armanca xwe dewletek wek Çînê serûbinê hev kir, çima Kurd nikarin xwelîyê li serê xwe kin û 15 hezar kezebşewitî bînin ser hev babam? Yan tirr di wan de nemaye? PKK ji nav derxin, gelo ew qiraseyên din karin çend dîk û mirîşkan bînin ba hev?

Werhasil, mesela me li ser huner û marîfetê bû.

Xuyaye huner û marîfet ne di simbêlboqî, qalib û bejn û balê de ye. Huner û marîfet di xebatê, di kirinê, di fedakarîyê, di bîr bawerîyê de ye.  Ku bawerî nema û qidûm hatin şikestin, hûn Şêrê Elî bin jî fêde nake wesselam….

16/11/09- Pekîn

Meymûnê me dixwaze bibe şahê meymûnan

Çang Çîng Çong- 22/10/09- Pekîn- Yu Zhenhuan ê ku ji meynûnan zêdetir bi pirç e û hema bêjin wek wan xweşik e, li herêma Lîaonîng a Çînê dijî û bi saya pirça xwe têra xwe navdar bûye. Piştî ku bi xêra pirça xwe navdar bûye, hinek derhêneran pêşniyaza aktrîstîyê (lîztikvanê sînemayê) lê kiriye û mêro niha dixwaze wek sereklîztikvan lotikan bavêje. Dibêjin wê Yu Zhenhuan, yanî meymûno, di flîmê (The Monkey King- Şahê Meymûnan) de bilîze û bibe paşayê meymûnan.

Axir, dibêjin gava meymûnê me çûye cem derhênerê flîm, derhêner lê nerîye û gotiyê:“Wîîîîîî, nabe! Divê şahê meymûnan hinekî sempatîk, germik û nermik be oxlim. Yan here xwe estetîk bike û hinekî bişibe meymûnên nermik û germik û yan jî meymûnekî wek te nikare di flîmê min de lotikan bavêje“ filan û fîstan.

Werhasil, îcar dibêjin niha meymûnê me dixwaze xwe estetîk bike ji bo ku karibe di flîm de bibe şahê meymûnan û gav bavêje cîhana sînemayê.

Îcar ka li wêneyê Yu Zhenhuan binerin hûn bi qedrê Mao Zedûng kin gelî lotikvanan.

Law ma di dinyayê de ji vî meymûnî sempatîktir meymûn hene qurban? Ev derhêner çi ji meymûnê me dixwazin babam?

Cewrikên Mao Zedûng dest avêtin perda keçkaniyê jî

Çang Çîng Çong- 03/10/09- Pekîn- Cewrikên Mao Zedûng, yanî ev Çînî lo, tiştek nehiştine ku sexte û kopya wî/wê çênekiribin. Bi vê sextekarîya xwe mêrikan bûne „kominîstên milyarder“ û dewlemendên dinyayê. Bazara dinyayê ji destê mal û alavên Çînîyan ber avêtine dibêjin naûzûbîllah.

Tiştên ku bi hezar euroyî bin Çînî bi 5 euran çêdikin, tiştên ku bi 10 hezar dolarî bin Çînî bi 100 dolarî pêşkêşî bazara cîhanê dikin. Ji ber vê jî Çîn, bûye dewletek ji dewletên herî dewlemend û xwedî desthilatdar. Û li ser pişta kê hûn zanin? Li ser pişta zarokan. Zarokan 24 seetan bi nan û zikê didin xebitandin û li ser pişta wan zarokên kominîzmê diçêrin.

Werhasil, mesela me li ser perda keçkanîyê û namûsê bû.

Hûn zanin, di nav milletên Rojhilata Navîn de namûs parçek goşt e. Ango, ji bo wan namûs tenê nav şeqê jinê ye. Ji ber vê jî, salane bi hezaran keç û jin ji ber namûsê û perda keçkanîyê tên kujtin. Ê ma cewrikên Mao Zedûng vê fersendê direvînin? Na.

Kominîstên kapîtalîst rabûn dest avêtin bazara perda keçkaniyê jî û xwedê zane bê wê çend milyar dolar ji vê bazarê qezenc bikin.

Axir, li ser bextê mişk û pisîkên Çînê be, dibêjin şîrketên Çînî dîtine ku dirûtina perda keçkanîyê û herikandina xwîna sor li Rojhilata Navîn pere dike, rabûne derman û cîhazek derxistine û çare ji hatina xwîna sor re dîtine. Çiye? Wê keç berî destpêkirina lotikan wî cîhazî di kuna xwe de bi cîh bikin, gava seks kirin jî wê qaşo weke ku êşê dikşînin rola xwe bikin, wê avek sor ji wî cîhazê di kuna wan de bê der û wê ehmeqê mêrê wê jî bawer bike ku jina wî keç e û namûs nebûye bexdûnis.

Yaaaa, hûn dibînin bê cewrikên Mao Zedûng çawa zanin peran qezenc bikin ne wilo? Û heqê cîhazê namûsê çiqas e? Tenê 10 euro! Xêra xwedê û meyira bi kereng. Bi ellawekîl xwedê da keç û jinên Tirk û Ereban (hinek Kurd jî di nav de lo). Rebenan heta niha perda keçkanîya xwe bi ta û derzîya malê didrûtin û dîsa jî ji kujtinê xilas nedibûn. Lê bi saya kominîstên kapîtalîst wê xwîna sor wek çemê Dîcle û Feratê biherike û xwedênegiravî dibêjin wê keç û jin ji xezeba mêran xilas bin.

Lê ez ji çi ditirsim hûn zanin cîgerlerim?

Ez ditirsim ev bêbavên Çînîyan keçên me hînî tirr û fisên bergîlkî bikin û di nav civakê de keçek tenê jî nemîne. Çawa be cîhaz erzan e û xiyar jî li mazatê belaş in. Wê têra xwe xiyarên xelkê bixwin û berî zewacê bi şevekê jî cewrikekî Mao Zedûng têxin kuna xwe û aha namûs dîsa vegeriya malbavana.

Ez serê we neêşînim, çi şeytanî hebin ji bin serê van hacûc û macûcên Çîn û Japonî derdikevin ellawekîl. Hay ji xwe û dermanên wan hebin law. Heger rojekê bi xwarin yan bikaranîna dermanên wan zarokên çavsînî û hacûcî ji we re çêbibin, qet ecêbmayî nemînin û xelas….

Hayhoooo, Carradîne tirr ji xwe berda!

Çang Çîng Çong- 05/06/09- Tayland- Lotikvanê Amerîkî David Carradîne, li Bangkokê di oda xwe de şeniqandî hat dîtin. Berê hat texmînkirin ku wî xwe şeniqandiye û berê xwe daye axretê. Lê sedem çi derkeve başe?

Li gora rapora textorê Taylandî, Carradîne yê 72 salî xwestiye bi hacetek lastîkê ji xwe berde ( bi xwe xweş bîne), serîyek lastîkê xistiye stuyê xwe û serê din xistiye serê xirrê xwe. Gava xwestiye bi xwe xweş bîne (ê law 72 salî û ji xwe berdan oxlim?) lastîk di ciyekî de aliqîye û herdu serên lastîkê xilboqî li hev hatine hev. Bêhn li Carradîne cikyaye û tirr jê hatiye berdan, qûna wî gotiye „çûûûûûzzzzzzzzz“ û xatir ji vê dinyayê xwestiye.

Axir, min di qullê kiro di 72 salîya xwe de berî go ji xwe berde û fîşeka dawîn biteqîne, ev tirr jê re nema û qûn lê qetiya.

Li ser bextê Ridwan (zebanîyên devê derîyê cehnemê) ên axretê be, dibêjin li axretê cezayê kesên ku di 72 salîya xwe de ji xwe berdin pir giran e.

Meselen cezayek jê ev e: Destê wî dixin qûna wî û di devê wî re derdixin. Ceyazê duyem ev e: Kerekî Şamî berdidin ser heta go ker di devê wî re bipijiqîne derve.

Werhasil, rebenê David Carradîne çû heyfa bavê lê qûna xwe jî li ser kir wesselam…..

De xwedê lê bê rehmê rebbî…..

Bihuşt mê ye

 Çang Çîng Çong- 28/05/09- Pekîn- Ezê vê carê zêde ji we re henek û yarîyan nekim, lotik û zîtirkan navêjim. Ezê ji we re behsa pirtûka lotikvanê Arjantînî Dr. Rîcardo Corel bikim. Ma hertim jî henek nabin ha qerdeşim. Carna jî lotikên cuda jî xweşin lo, yan na?

Werhasil

Doktor û rojnamevanê Arjantînî Rîcardo Coler, zêdeyî du mehan li bajarê Mosuo yê Çînê jîyaye. Taybetîya bajarê Mosuo ev e ku jin hikimdarê civakê ne, desthilatdarî di destê jinan de ye.

Rojnamevan Coler, serpêhatî û çavkanîyên xwe kir pitûkek û bi navê „Bihuşt mê ye“ weşand. Heta niha zêdeyî 60 hezar ji pirtûka wî hatiye firotin û yek ji wan pirtûka ye ku herî zêde tê xwendin.

Coler, hevpeyvînek da kovara Der Spîegel a Almanî û desthilatdarîya jinan bi van gotinan anî zimên: „Jin bi awayekî cuda desthilatdarîyê dikin. Di desthilatdarîya wan de şiddet tuneye. Gava jin di desthilatdarîyê de bin, mêr baştir dijîn“.

Li gora ku Corel dîtiye û dibêje, li bajarê Mosuoyê tu berpirsiyarek zilaman tuneye. Corel jiyana zilamên Mousoyê bi vî awayî tîne zimên:

“Zilam kêmtir dixebitin û temamê roja xwe bi hevalên xwe re dibûrînin. Dikarin her şevê bi jinekê re razên. Ji ber ku jin desthilatdarîyê li aborî û peran jî dikin, tu berpirsiyarîyek zilaman di wî warî de jî nîne. Di civaka desthilatdarîya zilaman de em zilam zêdetir dixebitin. Bi ser de divê em di karê malê de jî alîkarîyê bikin. Li Mousoyê qet pêwist nîne ku zilam di karê malê de alîkarîyê bikin”.

Corel, bi dewamî behsa desthilatdarîya jinên Mousoyê dike û dibêje ku tu derdê wan yê qezenckirina peran û dewlemendbûnê tuneye. Derdê wan ew e ka wê çawa karibin malbata xwe bextewar bidin jîyandin.

Corel, dibêje ku di desthilatdarîya jinan de şiddet û tade qet tuneye.

“Gava ez dibêjim şiddet tuneye, bila neyê guhê we ku ez vê meselê îdealîze dikim. Helbet di her civakê de pirsgirêk hene. Lê fikra ku pirsgirêk bi şiddetê bên çareserkirin nayê bîra jinan. Pevçûn û şer zêde çênabin. Tolhildan, kîn û nefret wek şermek mezin tê dîtin. Ger pirsgirêkek ku neyê çareserkirin hebe, jin dikevin dewrê û vê pirsgirêkê bi awayehî hevaltî û dostanî çareser dikin”.

Coler, di pirtûka xwe de dibêje ku jinên Mousoyê ji zilaman ewlekartir û xebatkartir in. Lê zilam, ji ber rewşa fîzîkî di karên bi hêz û zehmet de derdikevin pêş. Corel dibêje ku “erê serokşaredar zilam e, lê gava ez pêre derdiketim derve, min didît ku tu desthilatdarîya wî tuneye û hetta kes silavê jî nade wî.

Coler, meselê tîne ser jîyana evînê û dibê:

“ Li Mousoyê herkes dixwaze te bi jinekê bide naskirin. Di nasandinê de jin tim şermoke ne. Lê di jîyana rastî de jin xwedîyê karakterên bihêz in, bi dengê bilind diaxivin. Lê gava bixwazin bi we re razên, bi şermoke û nazdarî xwe nêzîkî we dikin. Lê piştî ku bi we re razan, derhemek ji wê şerm û nazdarîyê namîne, jîyana xwe dîsa wek berê dewam dike. Tu dibê qey we qet hevdu nas nekiriye û we hev nedîtiye. Jîyana zayendî (cinsî-seksî) li Mousoyê pir çalak e û cotber tim tên guhertin. Lê di encamê de jin biryarê didin ka ewê bi kê re razên û seksê bi kê re bikin. Her jina têgihiştî di mala xwe ya taybet de djî. Ger di navbera jin û mêrekî de evînî dest pê bike, zilam dikare di mala jinikê de bijî. Sedema ku jin û mêr bi hevre bijîn tenê evîn e. Gava evîn diqede têkilî jî diqedin. Zewac jî ne zarûrî û mecbûrî ye”.

Di bajarê Mousoyê de 25 hezar kes dijîn û li gora Corel dibêje, gotine “Yabo” yan jî “Bavo” nayê tu wateyekê. Bi piranî nayê xwestin ku zarok bizanin ka bavê wî/wê kîye. Ya bingehîn damezrandina malbata bi zarokan re ye çunkî veqetandina ji malbatê ne mimkin e.

Hûn dibînin ne wilo? Hûn dibînin bê zilamên Mousoyê çi azad in û karin rojê bi çend jinan re razên ne wilo?

Xwezî bi dilê wan û hew, ma ezê bêjim çi......
 

Werin vê ecêba xwedê

Çang Çîng Çong- 21/05/09- Pekîn- Îcar ev ne elameta qiyametê be naxwe çiye ji bo xwedê. De lê binerin û bifikirin.

Li başûrê Çînê pincar û hêşînahîyek kesanedî hat dîtin û rojeva Çînê serûbinê hev kir. Ev pincar bi koka xwe eynen wek kopîya mirovan e û hetta xirr jî pêve heye.

 Ji xwe Çînî ji xirran hez dikin, îcar piştî ev pincar dîtin, yekcar li wan rabû û xirrê min û we li ber dilê wan şîrîntir bû.

Welhasil, ez zêde dirêj nakim. Hema li vî pincarê bi xirr binerin û hûn biryarekê bidin bê ka ev çi ecêba xwedê ye û hew.

Peeeekkkkkkkkk....!

Tirr ji bacanê berdan, ma dora xiyaran

Çang Çîng Çong- 24/04/09- Pekîn- Ev Çînîyên çavsînî, qamkinik û rengzerik hene ya, evên ku hema hertiştî kopî dikin û bi rêya mal û alavên sexte bûne milyarder lo, ne nas kir newlo? Kuro cewrikên Mao Zeytûn law, ok!

Aha van cewrikên Mao Zeytûn, di dinyayê de tiştek nemaye ku kopî nekirine, tiştek nemaye ku sexteya wê/wî çênekirine û piyasa dinyayê bi malên sexte dagirtine. Bi perên van mal û tiştikên sexte bûne milyarder û dixwazin niha bibin xwedîyê çekên nukleerî û hetta firyane ezmanê heftan jî.

Axir, mesela me û hacûc û macûcên Çînî li ser mesela bacanên sor (firengî- yan jî bacanên ku Fransîyan bi xwe re anîne Kurdistanê) bû.

Dibîjin li bajarê Shouguangê fûara zanyarî û teknîka sebze û hêşînhatan li dar ketiye û di fûarê de 2 hezar cûre sebze, fêkî, kulîlk û çîçek tên raxistin. Di vê fûarê de sosret û ecêba kesanedî ev bû ku Çînîyan tirr ji bacanên sor jî berdane. Hacûcan darek bacanê çêkirine ku salê 3 hezar (3 ton) bacan dide kuro.

Dara bacanê û salê 3 ton bacan kuro!

Yaho qerdeşim û nizanim çikê min, bi serê Mao Zeytûn ku ez nadim bi bacanên reş, wê di nêzîk de ev Çînî dara XIYARAN jî biçikînin. Hem jî xiyarên ji xiyarê keran mezintir û qalintir ellawekîl, wîî! Îcar piştî ev dara XIYARAN çêkirin, canê kê xwest û li kê rabû, hema wê here xiyarekî ji darê jêke û nizanim di kudera xwe ke.

Ya starrrrrr ji destê van hacûc û macûcan law, pekkkk!

Îsotên Ruhayê qûn li Çînîyan qetand

Çang Çîng Çong- 18/03/09-Pekîn- Heta niha min digot qet îsotên Ruhayê tenê ji bo ava îsotan û çîxkofteyê tê bikaranîn. Lê min nizanîbû ku nav û dengê îsotên Ruhayê heta bi Çîn û Maçînê jî belav bûye û tew bûye tirsa dilê şofêrên Çînê.

De li kerametên îsotên Ruhayê binerin û bibînin bê îsotên Ruhayê çi tînin serê şofêrên Çînê, çi tirr û fisan ji wan berdidin.

Li Çînê herêma Çongçîng ê, polîsên herêmê ji bo ku şofêrên trimbêlan di xew re nerin û li ser dîreksiyonê ranekevin, îsotên tûj ji ewên Ruhayê didin şofêran û qûnê li wan diqetînin. Dibêjin îsot ewqasî tûj in ku 24 seetan nahêlin şofêr razên û ji serê wan heta bi qûna wan dişewitîne.

Şofêrê trimbêlê Çen Jûn bi sê telaqên jinberdanê sûnd xwar û ji me re got:“Yadêêêêêêêêê, law ev çi îsot in oxlim? Min berî du rojan îsotek ji wan îsotên Ruhayê xwar, çavên min wek qûna Denîz Baykal fireh bûn, zimanê min metrokê kişiya, zikê min wek zikê Mam Celal nepixî, porê min qijomijo bû û ev du roj in ez neçûme avdestxanê law, pekk!“ filan û fîstan.  

Şofêrê otobosê Ring Ding jî bi serê Mao sûnd xwar û got:“Jina min ji min berdayî be, ez du rojan di avdestxanê de hêsîr mam. Heta min ew piçika îsotê ji xwe derxist, ez di nava xwêdanê de mam, agir bi qûna min ket û ji qajewaja min hew mabû ku xanî bi hewa keve ellawekîl“ filan û bêvan.

Welhasil, îsotên Ruhayê niha bûye tirsa qûna Çînîyan. Rebenan hema ku çav li polîsekî dikevin, ji tirsa ku wê îsotan bi wan bidin xwarin bi xwe de dimîzin wesselam.

Îcar tembîya min li we be gelî şofêrên Lotikxanê. Berî hûn herin ser dîreksiyonê trimbêlê, kîlok îsotên Ruhayê têxin bêrîka xwe, wek nokên şekir bavêjin devê xwe ji bo xewa we neyê qerdeşim. Ma şewata qûnê ji mirina li ser direksiyon ne çêtire law, wey!

Werin kêzik û kurmikan

 Çang Çîng çong- 15/03/09-Kamboçya-  Me bi salan da du fikra Mao, Hoşîmîn û kesên wek wan. Lê wan ciwamêran di şûna sosyalîzmê de çi li dû xwe hişt? Kapîtalîzm û kêzikfiroşî. Yanî, ew şoreşên qirase tev ji bo firotina kêzik û kurmikan çêbûn ha.

Piranîya welatên Asyayê yên wek Çîn, Vîetnam, Kamboçya, Tayland û wekî din, îdare û debara xwe bi xwarin û firotina kêzik û kurmikan dikin. Yanî, me bi salan ilmê „sosyalîzma kêzik û kurmikan“ xwend û mala xwe pê bir mîratê ellawekîl.

Di encamê de çi bû?

Çîn bû welatê herî sextekar ê „kopî û texlîtkirina“ her tiştî. Vîetnam, Kamboçya û tayland jî bûn welatên „kêzik û kurmikfiroş“.  

Îcar qerdeşim, xelkê bi fikra sosyalîzma texlîtkirin û bazirganîya kêzik û kurmikan têra xwe pere dan hev. Ez dibêjim bila Kurdên ku dabûn dû Mao û Hoşîmîn jî dest bi bazirganîya kêzik û kurmikan bikin û bibn sermayedar. Çawa be li Kurdistanê kêzik û kurmikên bê hestî û nermik pir in. Her di siyasetê de biserneketin û gûyek bi ser nexistin, qe nebe bila wek „bazirganên kêzik û kurmikan“ fêdakê li milletê xwe bikin law, wîî!

Ji pitepita jinê xelas bû

Çang Çîng Çong- 11/12/08-Kanada- Hinek kes hene xwedê bi elba mezin bi ser wan de dibarîne û wan di nav xiyar û bacanan de dihêle. Lê hinek jî qismet û nesîbê wan kêm e, dikin û nakin nikarin biserkevin û bigihên miradê xwe.

Dibêjin zanyarê Japonî Le Trung ê 33 salî, kiriye û nekiriye jinek li gora xwe nedîtiye û rojên xwe bi „bixwexweşanînê“ derbas kiriye. Piştî ku dîtiye êdî bê jin nabe û jinên li gora serê wî tunene, rabûye lotikek robotkî avêtiye û ji derdê jinan xelas bûye.

Li gora ku rojnama Daîly Maîl dibêje, Le Tung rabûye 30 hezar dolar mesref kiriye û ji xwe re keçikek robot a 14-15 salî, keçikek li gor serê xwe çêkiriye û navê wê jî kiriye AÎKO. AÎKO xanim keçikek ewqas biaqil e ku, ji gotina mêrê xwe Le Tung dernakeve, tam wek jinek Kurd di a mêrê xwe de ye. Li ser bextê xelkê be, hetta dibêjin AÎKO xanim kare kutilkan jî çêke û şorba nîskê jî bikelîne. Ji xwe qelandina hêkan ji bo wê wek karê zaroka ye.

Le Tung efendî ji rojnamê re gotiye:“Oxxxxxxx, şikir ji xwedê re. Min ji xwe re jinek li gora dilê xwe çêkir. AÎKO xanim 13 hezar gotinan zane, wek jinên xelkê nake pitepit û serê min naêşîne. Ji xwe di nava doşekê we wek çêleka bi ga ye, agirê cehnemê jî wek wê ne germ û nerm e“ filan û fîstan.

Ez serê we neêşînim, piştî ku qûnektî û lezbîyenî bi pêş ket û bû beşek ji jiyanê, têkilîyên navbera jin û mêran her ku diçe sartir dibe û her teyr bi refê xwe re difirre. Xuyaye wê bûkên lastîkî di pêşerojê de bibin parçek ji jiyana me û emê bi hevre lotikên bergîlkî bavêjin hevdu.

Îcar kî tirrê ji kê berdide ew û şensê xwe…

Çû heyfa bavê tiştekî din li ser kir

Çang Çîng Çong-12/11/08- Kore- Xweşikbûn kama dilê herkesî ye. Herkes dixwaze xweşik û bedew be jibo ku xwe pê bi paye bike û lotikên xweş bavêje. Lê gellek caran hinek kes diçin heyfa bavê lê qûna dê jî li ser dikin. ev jî mesela me û xanim Hang Mîokû ya Koreyî ye.

Xanima 48 salî jibo ku xwe bedew bike, rabûye piştî 48 salîya xwe ketiye bin kêr û meqesên textoran û malik li xwe biriye mîratê. Piştî ji bin neşterê derketiye çûye ber eynik û mirêkê ku li bedewîya xwe binere. Lê gava li mirêkê nerîye qîrîn û zirrînîya kerek Şamî pê ketiye, ji şikl û şemala xwe tirsiyaye û gotiye "terp" û kwtiye erdê.

Welhasil, li xanim Hang Mîokû binerin û biryara xwe bidin qurban. Heçê bixwaze jina xwe wek wê bedew û spehî bike, bila serî li textorên Koreyî xin. Bi sê telaqan, yan wê jina we wek Angelîna Jolîe xweşik û seksî bibe, yan jî wê wek Hang Mîokû xanimê bibe wek pîrebokekê û hew.