Seydayê cegerxwîn di helbestek xwe de digot:

Dan ber pozê kerê reş

Gulek bîna wê pir xweş

Ne bîn kir û ne jê xwar

Axîn kişand go qîvar

Ez bawerim heke Seyda li jiyanê ba

Wê îro ji bo hinekan dîsa bigota:

Kete destê mam keftar

Welatek azad ne jar

Ava nekir yek dîwar

Axîn kişand go dolar

Û belkî bigota

Mamo tu ji ku tê?

Go têm ji Anqerê

Karê te çibû?

Ji bo rişma kerê

Te ser mezin dît

Ew kurê kerê?

Mamo go erê

Karê te çibû li paytexta viran?

Mamê me dîsa da xwe û teqlan

Wek qazî mazî

Kir qulopazî

Dawî mamo go

Tu çi min dixwazî

Min nû kir gazî

Ger tu bîxwazî

Mamo bimînî

Û kurd tev ji tere bibin birazî

Guh bide şîretê Qazî

Û Wek Seîdê kurdî

bike gazî