Kurê dêlê namûsa mirîşkê kir pênc pere

Çêlek Şaban- 14/07/09- Kocaelî- Aha ji we re yekî xalis muxlis Tirk. Hem jî zinêkarekî mirîşkan.

Hûn bi qedrê Îsa û Mûsa kin, kesî dîtiye ku insanek rabe rezaletek ewqas bênamûsî bike ku xwe li rebena mirîşkê biceribîne, qûnê lê biqetîne û rebena mirîşkê bikuje? Va me ew jî dît.

 Li gora we ji Tirko qerdeşlerimiz pêve kî kare vê rezaleta neinsanî bike?

Niha em Kurd ji mecbûrî carna rêya xwe şaş dikin, çend fîşekan berdidin keran û xwe li rebenê keran diceribînin, Lê mirîşk? Mirîşk kuro!

Werhasil, berî niha li bajarê Antalyê tecawiza mirîşkê pêk hatibû. Niha jî li bajarê Kocaelîya Tirkiyê, dêqehpê bi navê M.C ê 31 salî di ser mirîşkê de tê girtin. Mirîşka reben xwe li ber derbên xiyarê dêqehpo nagre û şehîd dikeve. Xwedîyê mirîşkê zinêkar M.C digre, radestî polîsan dike, lê pir li ber şehîdketina mirîşka xwe dikeve.

Axir, îcar dêqehp M.C di dadgehê de çi bêje başe? Ji dadwer re gotiye: „Ez bûm qurbana hissên xwe, xiyarê min zora min bir û min xwe winda kir“.

De binerin lo! Bûye qurbana hissên xwe kuro! Wey tifûûûûûû li wê qûna te ya reş be erê welle û hew! Hey min di te kirooooo, law ma meriv tecawizî mirîşkê dike êşek oxlî êşek? Law ker hebûn, qantir hebûn, mehîn hebûn, çêlek hebûn, şêr û piling hebûn, gur û kûçik hebûn, ma mirîşk? Yanî ji ber rebena mirîşkê dara şikestî bû te xwe dadayê newlo?

Law sayin û birêz Komela Heywanparêzên Ewrûpayê, gelî Komisyona Yekîtîya Ewrûpayê, hûnê çawa insanên ku tecawizî mirîşkan dikin bikin endamê Yekîtîya Ewrûpayê qerdeşim?

Law Tirkên ku îro dikutin mirîşkan, sibê wê qûnê li çîçik û çûk û çivîkên we biqetînin cîgerlerim, wîî! Ma qîz qereçî dibe xatûn ey hawarrrrrrr!

Bûka me îcar cot cot tîne bavo

Çêlek Şaban- 25/06/09- Stenbol- Bûka me Colemêrgîyan Gulben Ergen xanim vê carê cêwîk anîn û bê dêya 3 kurikan.

Li ser bextê tombalacîyên Stenbolê be, dibêjin berê hingî Mistefa Erdoganê me bi “Anadolî Ateşî” dilebikî, wek mirîşka gêj hatibû serê wî û tifinga wî baş nediteqand. Lê dibêjin piştî ku bêhna xwe berdaye û serê wî rehet bûye, îcar cot cot berik ajotine ber tifingê û tam li hedefê xistiye. Mistefayê me bû bavê sê kurikan û dibêjin şûr simbêlê wî nabirre.

Pîroz û bimbarek be yabo qurban!

Axir, hûn zanin, Mistefa Erdogan brayê şanogerê naskirî Yilmaz Erdogan e û Colemêrgî ye. Em nizanin mêro heta bi çi derecê li Kurdîtîya xwe derdikeve yan na, lê bi folklora “Anadolî Ateşî” xezîna çanda Tirkan dewlemend kir û serê wan di nav xelkê de kir wek serê Çoban Silo.  

De qenc xiyala xwe bidinê, piranîya lotikvan, hunermend, siyasetmedar û nizanim çi quzên kerê, tev Kurd in. Hûn Kurdan jê derxin, belkî çend lib qûnek mûnekên dewşîrmeyên Balkanan bimînin û hew. Wekî din dewleta Tirk li ser pişya Kurdan bilind bûye û dîsa bi xêra wan Kurdên ku di xizmeta Tirkiyê de ne tirrê ji Kurdan berdide, qûşê li wan diqetîne.

Hûn zanin gelî xwendevanan, ez bi sê telaqan sûnd dixwim, ger ev Kurdên ku di nav civaka Tirk de meşhûr û têra xwe dewlemend in rojekê tenê behsa doza Kurd bikin, wê Tirkiye serûbinê hev bibe ellawekîl. Lê nakin qerdeşim nakin.

Ne xema kesî doza netewî yan doza Kurd e. Tev li bêrîka xwe, li navûdengê xwe û li xiyarê xwe difikirin wesselam......

Gulsum xanimê jî lotikek xwar

Çêlek Şaban-12/05/09-Meletê- Ma ji dil we ye tenê insan nefî dibin? Na. Çêlek jî karin têkevin ber lotik û pehînên dewletê û bibin qurbanên kerxanecîyê Selanîkê.

Welhasil, li bajarê Meletê gundê Kadirûşaxi çêleka bi navê Gulsum, li bexçê dibistanê peykerê bavê Tirkan Atatirk xist erdê, tirr jê berda û şikenand. Li ser vê lotika çêlekê, midurê dibistanê da lotik û zîtirkan û doz li çêlekê vekir. Li ser vê sosretê, xwedîyê çêlekê Gul Kilinç, ji tirsa ku wê ceze bixwe, çêleka xwe nefî kir (sirgun kir) gundekî cîran cem merivên xwe û qûş lê qetand.

Axir, Gulsum xanim niha li gundê Înekpinari penaber e, li xerîbîyê axîn û keseran dikşîne û wek Kurdên Ewrûpayê li bendî vegera meskenê xwe ye. Gulsim xanimê bi emaîlekê xwe gihand Lotikxanê û got:“Weyla li min xerîbê, weyla li te xerîbê, bê çens û nesîbê xwedê bikim kes ne bêxwedî be“ û hawar û gazîya xwe gihand me.

Îcar em jî wek eşîreta Lotikxanê hawar û gazîya Gulsum xanimê hewaleyî Komela Çêlekên Dinyayê dikin.

Îcar Komela Çêlekên Dinyayê xwedî li Gulsum xanimê derdikeve û wê ji lotik û xezeba kerxanecîyê Selanîkê xilas dike nake ew û şensê xwe.