Selulît û jehr û ziqûm!

Leyla Barîn-27/08/07- Zanîngeha Harvard- Selulît (girêkên tewêş-rûn) bûye bela serê jinan. Yek ji wê sedema ku jin dikevin psîkolojîyek xerab jî pirsgirêka selulîtê te. Gava tewaş di laşê mirov de kom dibe, dibe girêk û laş bez digre. Ev jî dibe sedem ku nermaya laşê meriv nemîne û di şûna goştê nermik de goştekî bi bez biafire.

   Werhasil, zilam jî bi piranî ji vê rewşê ne razî ne. Ew her dixwazin ku jinên wan nermik û germik bin lê wek dermaleyên malê ne qelew û bi bez bin. Sedemek din a çêbûna selulîtê jî ev e ku di lêş de xwîn baş nagere. Gava xwîn baş negere jî, tewaş û bez xwe li hev digre û bi taybet di çîm (paq) û kelefan de (kulîmek) dicive. Selulît hema bêjin ji sedî 85-90 ê jinan re çêdibe.

   Selulît ne tenê bi jiyan re, herweha bi zilaman re jî kare çêbibe. Bi taybet zilamên ku cixarê dikşînin, alkolê vedixwin û xwarina bêserûber dixwin, karin raserî çêbûna selulîtê bên. Pispor „masaj, vexwarina avê, spor û meşê“ wek çareserîya selulîytê dibînin.

Heger hûn naxwazin bela selulîtê li we keve û li ber dilê mêrê xwe şêrîn û xwedî bedenek xweşik bin, avê zêde vexwin, bimeşin, sporê bikin û bidin lotikan. Hûn bi a me dikin yan nakin hûn zanin! Piştre nebêjin Lotikxanê aqilek neda me û mêrê me dev ji me berda haaaaaaaa!