Piştî narincokên li Umranîyê, vê carê li Bûrsayê cebilxane derket

Memo Germiyanoglu- 25/06/07-Bûrsa-

Mihemedcikên terorîst di nava keftelefteke wisan mezin û giran de ne hema bêje hemû bajar û gundên Tirkiyê kirine cebilxaneya leşkerîya terorîstane û haziriya xwe dikin ku ew jî derkevin çiyê û dest bi şerê çekdarî bikin. Yanî dixwazin di nava Tirkiyeya Leşkerî de Tirkiyeya Teroristî avabikin.

Piştî ku Daniştayê bi biryareke lezgîn xwest polîs bavîjin ser mala Mihemedcikê malşîn, xebera ku çeteyên wisa li hemû deverên Tirkiyê hene hat ragîhandin.

   Gava Mehmedcikekî li Stenbolê zêrker şêland û hate girtin, li Bursayê jî di maleke qaşo kargeh bû de qalibên TNT, madeyên teqemeniyê, fitîlên teqandinê, bûjenên ku dengê telefonan dibirin, hatin gitin. Di vê bûyerê de tenê jineke bi navê A.E hatiye girtin û peyitandine ku têkiliya wê ya lotikwarî bi M.Ş re heye ku piştre li Stenbolê hatiye girtin.

Çawa ku çeteya ATABEGê kiriye, van leşkerên terorîst  jî gelek mal û cihên kar ji xwe re kirine cebilxane. Lê belê dadgehê qaşo yekparêziya axa welêt daye ber çavan,qedexe kiriye ku çapemenî li serê raweste.

   Li gor talîmata Sawciyê dewletê, gava li Stenbolê jî lêgerîn kirine, gelek teqemenî û dokuman girtine. Jinika bi navê A.E jî anîne Stenbolê dane ber pirs û lotikan.

   De îcar ka em binerin terora Mihemedcikan li ku zer bûye, li ku der bûye û wê here di ku de jî biteqe. Lê heger biteqe Xwedê bikim bibin piçik û parî rebbî!