Cercûro

DTP şehîd ket, bijî BDP!

Êdî em hînî girtin û vekirina partîyan bûne. Her serê çend salan emê di partîyekê de germ bibin, bibin pizot û hew we dît partîya me hat girtin û ciyerek ava cemidî bi ser serê me dabû û tirr di me de bûn fis.  Ez dibêjim girtin û vekirina partîyan jî bûye mode we go çi? Ê helbet canim, em Kurd jî xwe li gora dinya global dihejînin û didin lotikan. Her ku partîyek me bêhn pê ket û sînor derbas kir, emê dest bi govendek nuh bikin û tê de germ û nerm bibin.

Werhasil, hinekan bi xêra dê û bavê xwe partîya me DTP dan girtin û dîsa kabên xwe avêtin. Lê çi hikmet be kabên wan tim „çik û mîr“ tên, qedera girtin û vekirina partîyên me di navbera herdu lêvên wan de ye û em rebenên xwedê jî wek hespên Bahman Gobadî pê serxweş dibin.

Axir, DTP hat girtin, yan jî dan girtin. Di Şûna DTP de BDP qûça xwe çikand û emê ji îro û pê ve bi BDP rabin û rûnên.

De xwedê xêr bike û li ser xêrê be. Aqûbet li HAK-PAR û KADEPê be rebbî. Kurê ciwamêran bi girtin û vekirina partîyan jî rojevê diafirînin û pê siyaseta xwe dikin. Lê ev malnemîratên HAK-PAR û KADEPê rojekê nafikirin û nabêjin „de ka em jî partîya xwe bidin girtin, bela xelk behsa me jî bike babam, ma betalî bi kêrî çi tê law“ û xwe nagindirînin.

Yaw qardaşim, hûn jî bidin dû moda girtin û vekirinê baba, wey! Ma bi tirr û fisan îş dimeşe, wî!

Mode babam mode… Îro siyaset li gora modê bi pêş dikeve cîgerlerim.

Werhasilî kelam, DTP şehîd ket, bijî BDP û hûn sax….

18.12.2009- Mêrdîn

Hay ji qûna xwe hebin gelî zilaman!

Wê rojê ji bo serdanekê ez hatim bajarê Edenê. Ez ji otobûsê daketim, min bahola xwe da destê xwe û meşiyam. Yabo hatina min li min bû quzilqurt û kerafî.

Ez di nava sûkê de bi rê ve diçûm, hew min dît agir bi qûna min ket û şewitî. Min dît jinikekê derzî di qûna min rakir û reviya. Bi ellawekîl şûna derzîya wê di qûna min de sor bû, ji lotika kerekê zêdetir êşiya.

Werhasil, min mesele nizanîbû. Tu nabê wê rojê endamên Weqfa Sitara Jinan (Mor Çatı Kadın Sığınağı Vakfı) çalakîyek li dijî zilaman li dar xistine û derzîya di qûna zilaman de radikin.

Xwedêgiravî ev çalakî ji bo piştgirîya şiddeta li dijî jinan hatibû lidarxistin û bawer bikin wê rojê qûn li zilaman qetandin, zilamê ku derzî di qûna wî de ranekirin nemabûn.

Axir, bi sê telaqên jinberdanê, heta ez ji Edenê vegeriyan Mêrdînê jî şûna derzîya wan kezîkuran dişewitî û qûna min wek zotika mirîşkê sor bûbû.

Îcar hay ji xwe û jinên vê heyamê hebin gelî xwendevanan. Ê min şensê min hebû û tenê derzî di qûna min rakirin. Lê dibe ku hûn wek min ne xwedî şens û siûd bin, belkî şûjin, kêr û meqes bibin qismetê qûna we ellawekîl..

De hûn û şensê xwe li hev û hew….

23.11.2009

Cemîlê qûnek Mêrdînîyan hînî tirr û fisan dike

Cercûro-09/06/09-Mêrdîn- Cemîl Îpekçîyê Tirk hem homoseksuel (qûnek) e û hem jî modesaz e. Yanî modecî ye lo. Îcar qûneko bajarê Mêrdînê ji xwe re kiriye mesken û dixwaze me Mêrdînîyan hînî tirr û fisan bike.

Axir, Cemîlo niha dixwaze ji Mêrdînê “top modelan – mankenan” derxe û yanî qaşo medenîyetê bîne nav Mêrdînîyên mewîjxur. Mode kuro, Mêrdînî û mode ha!

Lê ez bi serê Cemîl Îpekçî kim, tirsa min ne ji modê ye. Tirsa min ew e ku ev qûnek Mêrdînîyan jî bi xwe re qûnek bike û zilamên me doxînê li hevdu sist bikin ha. Ma ji xwe Tirkê ku bê Kurdistanê her ne ji bo xêrê tê. Yan ji bo asîmîlasyona Kurdan tê, yan ji bo qûnekkirna wan tê û yan jî ji bo xesandina wan tê. Kesî dîtiye ku Tirkek ji bo xêra Kurdan hatibe Kurdistanê? Bawer nakim.

Werhasil, gerçî ev Mêrdînîyên me jî pir germik û nermik in qerdeşim. Hema kî ji wan re bê merheba, hew we dît bûn destebrakên wan û ketin ber lotik û zîtirkan.

Law ma hûn nabêjin ev qûnekê Cemîlo çima hatiye nava we babam? Law hatiye civaka me tirrek bike oxlim tirrrrreekkkkkkkkk...!

Ma em ji Eyşika Ereb in Reşo?

Cercûro- 30/05/09- Mêrdînê- Law herkes li ber a xwe ye ha, Bi sê telaqan kes dostê kesî tune lo. Berjewendîya kê li ku û di kê de hebe, hema qûna wî yan wê dalêsin û zîtirkan davêjin.

Li ser bextê reşik, mêrkuj û kokaînfiroşên Amerîkayê be, dibêjin serokê Filistînê Mahmûd Abbas çûye Qesra Spî cem Reşo û pê re qehweyek tehl vexwariye. Di hevdîtin û lotikên herduwan de Reşo gotiye:“Jina min ji min berdayî be ez dixwazim dewleta Filistînê bê damezrandin“ filan û fîstan.

Ê helbet Mahmûdo jî kêfa xwe anîye û gotiye:“Şam dûr e ma mişar jî dûr e oxlim hi? Madem wilo ye, de rabe telefonî wan Israîlîyan bike û bêje bela zîtirkên beredayî navêjin Filistînîyan ha“ û ling avêtiye ser ling.

Werhasil, ji min re hêç e kî dixe kê û kî ji kê derdixe.

Lê law Reşo, tu dewletê ji Filistînîyên qûnreş re dixwazi, ma em Kurd ji Eyşika Ereb in oxlim? Yan em ne insan in? Yan em ne misilman in? Yan em ne millet in?

Ûlan cîgerim, hema carekê jî bêje „Ez Kurdistanek serbixwe dixwazim“ ma wê li talanê te keve law, wey!

Qetlîama Kertê dewletê kir lê bi ser neket

Cercûro- 05/05/09-Mêrdîn- Birastî ez nizanim çawa bêjim û çi xwelîyê li serê xwe bikim. Doh êvarî hinek qûnekan 44-45 Kurd wek mirîşkan kujtin û nalet li 101 bavê xwe anîn. 45 Kurd law? 45 insan, dê û bav, jin û zarok! Ma îcar ev ne heywantî be, ne kerîtî be, ne wehşet be çiye ji bo xwedê? Hem jî pismamên hev haaa, hem jî yek malbat, yek ezbet û yek xwîn. Wey tifûûûûûûû li serê me Kurdan û hinek adetên me be û hew! Law ma reşikên Efrîkayê jî vî gûyî dixwin wey min di aqilê we kirino!

Axir, dibêjin çend kesên cerdevanên gundê Kertê yê Çiyayê Mazî ya Mêrdînê, girtine ser pismamên xwe malbata Çelebî û di nîşana keça wan de li ser wan reşandine, qûn li pismamên xwe qetandine û bi dehan zarok sêwî, bê kes û kûs li ber dîwaran hiştine. Çima? Xwedêgiravî berî bi 20 salan li ser mesela zevîyekê dijminatîya hevdu kirine, ev dijminatî dewam kiriye û heta bi îro hatiye. Tam di nîşana keça Cemîl Çelebî de, Çelebîyên din rahiştine keleşkofên xwe û gotine:“Hernêêêêêêê, di jina sed bavê van dijminanin, wan filan salê zevîya me ji xwe re biribû, ma ev çend û çend ji wan re oxlimmmmmmm“ û fermana pismamên xwe rakirine.

Lê rastîya meselê çiye hûn zanin gelî xwendevanan?

Rastîya meselê Osman Çelebî (46 salî) dibêje.

Beşîr Atalay jê pirsîye: Mesele çawa bû, sedem çibû?

Osman Çelebî: Wezîrê min, bi ellawekîl tu pirsgirêk tunebû.  Herkesê li vî gundî zane ku di navbera me de tu pirsgirêk tunebûn. Ev zarokên xuşka min in (kesên hatine girtin) . Armanca wan ev bû ku me ji holê rakin û qetlîamê têxin stuyê rêxistina terorê (PKK). Lê xwedê ji wan re nehişt û hertişt eşkere bû. Xwarzîyek min reviya û xilas bû.

Sevgi Çelebî

Hûn dibînin bê dewleta virqo dixwaze çawa Kurdan bi Kurdan bide kujtin newilo gelî xwendevanan?

Welhasil, lê çi bû li serê melayê Tirk Mela Kazim Ozan bû. Rebenê Kazim Ozan ê 24 salî, zanîngeha îlahîyatê qedandibû û hatibû li vê herêmê melatî dikir. Û doh? Doh gava li pêşîya xelkê gund nimêj dikir û wê rebeno piştî 15 rojana vegeriya Enqerê nav malbata xwe, ket ber lotikên keleşkofan û Kurdan serê rebenê melayê Tirk jî xwar, ew şandin axretê.

Ez serê we neêşînim, malbata Çelebî qûş li hev qetand û xwelîya heft gundan li serê me Kurdan kir. Ma kes nabêje wille ew cerdevan in yan heywan in. Wê çi bêjin? Wê bêjin:“Yabo ma ne Kurd in wey!?“ û em Kurd bi vê qûnektîya wan bişewitin. Yan na?

Mela Kazim Oz (Tirkê Beypazari ya Enqerê)

Wî jî lotikek li Ocalan xist

Cercûro- 21/10/08- Izmîr- Lotikvanê Kurd Umît Firat ji zûde serokê PKK A.Ocalan nedabû ber lotik û pehînan. Lê qey sebra wî nehatiye, gotiye “de tiştek ji rûniştinê dernakeve” û rabûye di kovara Tempo de dest bi lotikan kiriye. Umît Firatê me rabûye behsa serhildanan kiriye, anîye bi lotikên PKK ve girêdaye û piştre jî pelûla mezin bi serê Ocalan de rijandiye.

Welhasil, cîgerim gotiye: “Bi sê telaqan, li ser bextê kerê min be, piştî evqas êş û eleman wê Ocalan nikaribe bi serbestî destê xwe bihejîne, li kolanan volta bavêje û tizbîya xwe bihejîne. Xwezî Ocalan jî wek wekîlekî têketa meclîsa dewleta virqo û lotik bavêtina. Wê gavê wê qumaşê wî derketa mazatê û wê xelkê bizanîba bê Ocalan kesekî çawa ye. Gava xelkê bidîta ku Ocalan jî wek wan insanek normal e, birçî dibe, dixwe û vedixwe, wê ew nekirina qehreman û evê jî bibûya fîasko ellawekîl” û beşişîye (di bin simbêlan re kenyaye).

Axir, xuyaye serokê Kurdên “sererd û binerd” A.Ocalan bûye wek golkê beş. Heçê radibe poşekê li rebeno dixe û wî dike zilamê filankes û bêvankes.

Ê qerdeşim, bi sedan dewletên mîna Tirkiyê zilamtî û xulamtîya Amerîkayê dikin, ma rebeno zilamtîya filankes, bêvankes yan Ergenekonê bike qebhetek mezin e, wîî! Ma kesek bê zilamtî û alîkarîya Xelo û Celo kare Konfederalîzma Dinyayê ava bike cîgerlerim, waweylê! Ma îşê zaroka ye qerdeşim, ma ne pere jêre divên, çek divên, savar û burxul divê, nîsk û kizin divên, ma wê evqas tişt ji ku bên?

Yaw dînime îmanime em Kurd ecêb in yaw, hella hellaaaa ya siphanella!