Lotikxane    

           <<  Magazîn, henek, gilî û gazin  >>

Başe go jina min ne Çînî ye qardeşim!

Çang Çîng Çong- 14/03/08- Pekîn- Em Çînî mexlûqatin ecêb in. Bi taybet jinên me agirê sor in, belakir in û îşê nemayî tînin serê zilamên xwe. Ji ber vê jî ez wek zilamekî Çînî bi jinek Çînî re nezewicîm û min mala xwe nebir mîratê.

   Dibêjin li eyaleta Hubeî yê „Wang“ û „Lûo“ ji hev hez dikin û bi hevre dizewicin. Lê piştî heftakê dest bi lotikên nîqaş û raberizandinê dikin û wek dîk û mirîşk radibin hevdu.

Li gora ku ajansa Xînhua radigihîne, dibêjin êvarekê dîsa herdû rabûne hev. Jinikê gotiye: „ Yan wê gotina min derbas bibe û yan jî xelas!“ Mêrik jî lingê xwe li erdê xistiye û qîriyaye:“ De herreeeeee gewenda heram, ez mêrê te me, ez çi bêjim gerek bi a min bibe“ filan û fîstan.

   Werhasil, herduwan rabûye dest bi vexwarina alkolê kirine da ku hinekî rehet bibin. Jinik çûye ser livînê û mêrik jî daye dû. Jinikê dîtiye ku mêrê wê gorên xwe ji lingê xwe dernexistine û bêhna gennî ji lingên wî tê. Jinik dîsa rabûye ser tapana û gotiye: „Here lingên xwe bişo qûndeeeeeee“ û kiriye qarewar. Lê mêrik jî gotiye: “ Lingên min wek bilbizêqê ne qehpik“ û bi lingên gennî ketiye nav livînê. 

   Ez serê we neêşînim, piştî zilam raketiye, jinik rabûye çeqmaq bera doşekê daye û êgir gotiye „xwe bidin alî ez hatim“. Agir bi mêrik ketiye û tirr jê berdaye, rebeno şewitiye û berê xwe daye axreta gewrik.

   Îcar hûn dibînin bê jinên Çînî çi agirê sor in newlo! Şikir ji xwedê re go jina min ne jinek Çînî ye û hew!

   Berka xwedê li jinên Kurd be, ellawekîl ez di nava livînê de tirr û fisan jî bikim ji bo wê wek lewento û parfûma Parîsê ye!