Dr.Cino Astare

c

KOKA ZIMANÊ KURDÎ

Zimanzanên Kurd, di lêkolînên xwe yên dawiyê da, kifş kirin ku 'koka zimanê 

Kurdî ji koka dinanê Kendal Nezan de derket.'

Di hevpeyvînekê de Kendal Nezan got 'bi rastî haya min ji vî tiştî tunebû, 

lê çendik û çend sal bûn ku dinanê min tim diêşiya. Ji bo vê êşa dinanê 

min, min ji Swêdê jî  milyon û du sed hezar kron standin. Ne êş sekinî û 

ne jî dinanê min biriqîn. Heyra ma ev dibe? Perên ji fonda Fransayê jî ji bo 

dermankirina vê nexweşiya dinanên min têr ne kirin. Gerek ez ji Tirka jî 

hinek fond bigrim. Dibêjin îro perê Tirka xurt bûye. De ya bi xêr...'

Herî tiştê balkêş ewe ku serê xelkê Kurd bi ziman diêşê, lê yê Kendal 

Nezan jî ji ber ziman dinanê wî diêşe!

Li gor diyagnosa doktorê dinanan Dr Dumkoff, Kendal Nezan, pir ji xwarinên 

cûrbecûr hez dike û rojê ji sê caran bêtir xwarinê dixwe û li dawiya xwarinê 

jî dibêje 'li ku zirav be, bila ji wir biqete', loma dinan zû dimehin.

Kurd û Rexne

Li cem me kurdan manaya rexneyê yanî "sixêf û dujmin" e. Li cem temamê milletên din manaya rexneyê yanî "baştirkirin" û "çakkirina" pirs û probleman e. Kî li ser yekî rexneyek bike, dibêjin "temam ev kes hişê xwe avêtiye. Dixwaze me xirab bike."

Li ser vê rewşa paşdemayî ya me kurda, berhema Vladîmîr Îlyîç Lenîn hat bîra me: REXNEYA REXNEYÊ. Heger ev yek li ba me biqewime, em ê bibêjin "ev kes şer difiroşe." Lê em nizanin ku di civatek de çi qas rexne hebe, ew civat bi deh qasî xwe xurt dibe û pêş ve diçe.

Neha jî em ê rexneyek siyasî bikin li ser hin serok û partiyên me yên ku pir xurt in û Xwedê wan bêhtir bi hêz bike, cî ji wan re nemaye li civatê. Bila ew jî li gor van agahdariyan li ser rexneyê, yên li vê nivîsê bila li me biborin gidî. Mebesta me rexnekirine, ne xirabkirine. Me ji xwe ji serî de vê gotibû.

1-Partiya DADIYÊ YA KURDISTANÊ, yan jî bi navek din Riya Xesandî van rojan pir tûj bûne û dibêjin em ê Kurdistanê ji bo pir xwîn ne rêje tenê bi fîşekên hawayî rizgar bikin. Şiroveya me li ser vê agahiyê eve: Heyran tiştek wisan mekin Xwedê ji we razî be. Hûnê fîşek mîşekan bi rastî jî biteqînin û xelkê me yê ji berê de bêzarbûyî bixin bin zerar û ziyanê. Ev rêya ne rast e.

2-Serokê NETEWIYAYÎ ya me temamê kurda dixwaze li çiyayê Kurdistanê serî bitewîne! Em ji wî ricayê dikin bila têkilê me nebe, reya wî vekirî be. Lê madem tu li çiyayê Kurdistanê yî, wê gavê jî serî netewîne qurban. Te em hetikandin!!

3-TEVGERA XILASIYA HEM DEMOKRATÎK HEM JÎ NETEWÎ dixwazin Kurdistanê rizgarbikin ji derveyê welat. Heyra bi Xwedê ev rê pir xweş e. Yanê pir rehet e, hêsan e û pir maqûl e jî. Loma em dibêjin ev tam li gorî me ye. Ne hewce ye ku em aştî-maştiyê jî bixwazin. Hema em ji xwe di nav aştiyê de ne. Yanî bi kevirek em du çûkan dixînin.

4-Tevgera Xwarina Keda Gerîlla. Bi Xwedê ev tevger pir piralî ye. Hema li her derê, li jêr her navî  hene. Hinek ji van têkoşîna xwe li nav şaredariyan berdewam dikin. Hinek jî dîsan wek dema berî 12'yê îlonê di dernega de vî karî dikin.

Grûba pêşî hînî xwarina pere bûne. Grûba duduya jî ji ser riya ku gerîlla ji wan re vekiriye dimeşin û siyaseta pir demokratîkî dikin. Erê pir xweş e, lê ji bîr mekin ku Kurd êdî bi ..ûna we hesiyane. Ne têkoşîn hûn hîna nizanin bi rêde bimeşin. Dîsa jî mîna alaman dibêjin Got lack! (*)

Ji ber pratîka berê ya van kesan, em malê xwe nas dikin. Cino dibêje kî dûrî we be nêzî Şoreşê ye.