Colemêrg û gemarbûna hewayê

Bavê Jîndar-31/12/07-Colemêrg-

Bajarê çiya û hilma paqij Colemêrg , jiber  tûnebûna gaza xweristî, nemana daran li gelîyê Colemêrgê  û tunebûna kar, rûniştvanên Colemêrgê rewjîya erzan a Şirnexê disojin. Lewre di zivistanê de bajarê herî hewa wê bi qirêj û gemarî dibe bajarê Colemêrgê. Li bajêr ji ber dûkêla ji karolûferan derdikeve, mirov nikarin bêhnê bidin û bistînin.

Gava zaro serê siban   diçin dibistanan, ji ber gemarîya hewa, devên xwe bi destmalan digirin. Bixwe toz û gemarîya bajêr a havînê derdeke din e. Rûniştvanên bajêr, ji sedî heştê bi nexweşîyên wek, penceşêr, zixtrabûn, şekir bilinbûn û dilêşê  ketine.

Li gor gotin û fesadîyên rayedarên bajarê Colemêrgê, heke çareserîyek jêre neyê dîtin, ji ber koçberî û mirinan, heta deh salan wê bajar vala bibe.

Îcar gelî Colemêrgîyan, ji dewsa hûn serê xwe bi dûrişmên tenduristiya kesekî bêşînin û jibo wî derkevin kolan û kûçan, jibo paqijiya bajêr û xweristê derkevin kolanan û rewşa  xwe ragihînin raya giştî. An jî hûnê ji derveyî van nexweşîyan ji mêranî jî bikevin ,êdî wê hew li we rabe û hûnê bê dûnde jî bimînin ellawekîl! Îcar hûn zanin!