Swêdî Kurd derketin

Hem jî bi delîl û îspat

21/10/07-Swêd-Xwendevanê Lotikxanê bi navê "Cîhan" ev wêneyê xweşik li Swêdê, herêma Dalarna kişandiye. Xuyaye wêne pir bala xwendevanê me kişandiye, hema bi lezûbez ji me re şandiye û dibêje:"Wêne li min û şirove li we" û dixwaze em vê dara xweşik û seksî şirove bikin.

Îcar ji xwe re li keramet û delîlên kesanedî binerin. Li vê darê baş binerin û hûn bixwe şiroveyên xwe bikin.

 Ê me bi xwe şirova me ev e.

Gava tofana Nuh Pêxember qewimî û keştîya wî li Çiyayê Cûdî yan Agirîyê sekinî, insanetî jî ji wir li dinyayê belav bû. Dibêjin wê demê kurê Nuh Pêxember ê bi navê Xincero doza zewacê li bavê xwe kiriye. Lê gava bavê wî nikare qelenê jinekê jê re bide ser hev, Xincero jî radibe buxçika xwe dide ser milê xwe û berê xwe dide Îskandînavya, welatê ku niha jê re dibêjin "Swerige-Swêd).

 Xincero dibîne ku li vî welatî mexlûqatek bi navê insan tuneye, radibe bi darekê re, bi dara "Sêvê" re dizewice. Dibêjin di şeva pêşîn de Xincero û Dara Sêvê hevdu wilo himbêz dikin û bi carekê hişk û hola dibin û şilfî tazî, şût û rût ziwa dibin, şipyakî dimrin.

Îcar piştî mirina wan bi sedsalan, kurmikên ku ji vê darê dixuluqin, di nava demê de dibin insan û navê "Wîkîng" li xwe dikin. Piştre jî ew Wîkîngên dirinde dibin Swêdîyên sernermik, xweşik û seksî.

Îcar li ser bextê we be, ji vê delîl û îspata me xurttir delîl hene? Ma îcar Swêdî sedî sed ne Kurd in?

Bi namûs belêêêêêêêêê! Her bijîn Svensson, xwarziyê Kurdan!