Pêwendî û Rexne

Dara Bilek

Eve demek e cureyên pêwendiyan di nav başûrê Kurdistan û beşen din yen Kurdistanê de têne minaqeşekirin. Taybetî di civatên siyasetmedar û rewşenbîrên bakûrê Kurdistanê de ev yek gelek tê rojevê û minaqeşe li ser tê kirin. Bê guman piraniya caran minaqeşe bi awayê gazindan tê domandin, yanî gazind li şeklê têkiliyên desthilatdariya başûrê Kurdistanê têne kirin.

Îro her kurdekî berê xwe daye başur, hêviyê her kesekî ji desthilatdariya başurê Kurdistanê hene. Gelek caran hinek kar li gora daxwaziya mirovan pêk naye û gelek caran ew tiştên ku mirov hêvî dike çênabin. Desthilata başurê Kurdistanê ji bo destkeftiyên xwe biparêze di nav xire cirekî gelek mezin deye. Em dinêrin ku serokê Kurdistanê Mesud Barzanî bûye hêviya gelên Kurdistanê di hemî beşî de. Elbet wê rewşenbîr, siyasetmedar û zanayên kurd di derbarê rewşa başurê Kurdistanê de dîtinên xwe bêjin û rexneyan bikin û buyerên çêdibin li gora bîr û baweriyên xwe şirove bikin. Lê gerek ev rexne ne gazindên kesayetî bin. Rexna ji bo serastkirina çewtiyan be û rexne gerek erênî bin da ku bigihe armanca xwe.

Di baweriya min de ger mirov di pencera netewî li pirsên heyî binêre, dê mirov di rexneyen xwe de gelek objektif be. Lê eger mirov li gora berjewendiyên xwe yên kesayetî li bûyeran binêre û binirxîne, dê mirov bi tu awayî ne objektîf be û dê bikeve di nav çewtiyan de.

Car caran mirov dibîne ku hinek nirxandinên li ser başur ji sînorê rexnegeriyê derbas dibe û dibe tawanbariyek, ev yek zererê dide tevgera Kurd û dijberiyekî di nav kurdan de peyda dike. Ji berî niha demekî min li ser cureyên pêwendiyan di malpera Kurdistantv de nivîsek nivîsandibû. Ezê di beşek ji vê nivîse li jêr carekedin dubare bikin.

"...Pêwendî û piştgiriyên ku di vê qonaxê de heyîn, mirov dikarê di du beşan de binirxîne.

Yekem: Piraniya rêxistin, siyasetmedar û rewşenbîrên ku berê xwe dana başurê Kurdistanê, dixwazin li gora pêşketinên li vê derê dibin siyasetê bikin û di beşen xwe de hewl didin ku ji tecrûbeyên başur feydeyekî bibînin. Ev beş destkeftiyên başur ji bo siyaseta xwe wek mînakek dibînin û zemînê ku li başur peydabûyî di beşen xwe de ji bo mafên xwe yên rewa bikin zemînek huqukî di qada navneteweyî de. Vê yekê ve girêdayî destkeftiyên başur destkeftiyên xwe dibînin û dixwazin başur wek bîbuka çavên xwe biparêzin. Ji xwe gerek her kurdek welatparêz vê yekê di tebîetê xwe de bike. Her weha li gora vî beşî xwedî derketin û parastina destkeftiyên başur, erkek netewiye û ji bo serkeftina Tevgera Kurd a Azadixwaz demaneke. Ev beş her weha bawer dikin ku, gerek her tevgerek xwe di beşe xwe de hêz bike û bikaribê tevgerek xurt pêkbînê, dema mirov di beşe xwe de xurt be bêhtir mirov dikare başurê Kurdistanê jî biparêze ji bo vê derê bibe sêncek.

Duyem: Mixabin gelek kes jî li gora berjewendiyên xwe yên kesayetî li başur dinêrin û li ser vî bingehî jî piştgiriya destkeftiyîn başurê Kurdistanê dikin. Ev kes di tebîetê xwe de gelek melaqin û li gora berjewendiyên xwe car caran gelek xurt pişgiriyê dikin û dema berjewendiyên wan pêknewe jî di cih de cureyê pişgiriya xwe diguherînin. Ev gruba hanê di hinek qonaxa de tesîrek ne erênî li peywandiyan dirust dike.

Ez bawer dikim piraniya me vê yekê baş dizanin. Lê ev yek bi awayekî nakevê rojevê. Gerek ev yek baş bête nirxandin da ku di pêşerojê de nebe sedemê pirsgirêkên mezin. Di hinek qonaxan de veqetandina reş û spî ji hev û din pêwistiyeke û di berjewendiyê Tevgera Kurd de ye.

Bêguman dema mirov dîroka siyasî ya Tevgera Kurd baş binirxîne, ev yek di her qonaxê de çêbûye û zererên mezin daye Tevgera Azadixwaz a Kurdistanê. Min di vê nivîsê de xwest ez tenê îsaretî vê pirsgirêka naxwuyê yan jî veşartî bikim.

Gerek em hemî çi wek dezgeh çi wek kesayet pirsa peywendiyên xwe yên li gel başûr gelek hesas bin û rê nedin ku bi tu awayê zererê zanebîn yan ne zanebîn bidin tevgera Kurdistanî û destkeftiyên wê..

02.10.2007

Kurdish Regional Gouwerment KRG