Lotikxane    

           <<  Magazîn, henek, gilî û gazin  >>

Daxuyanî

Ji Mekteba Siyasî ya Partiya Demoqrata

Pêşverû Kurdî li Sûriye

Di vê dema nazik û balkêş de ku herêm bi tevayî û welatê me Sûriye û miletê Kurd bi taybet têre derbas dibin, di dema ku bi şiyarî li hemberî her bûyer yan tiştên nûderdikevin holê li vir yan li wir pêwiste bête sekinandin daku miletê xwe dûrî karesat û xerabiyê bihêlin, di dema ku di xebata xwe de em li dijî siyasetên şovînî yên ku li ser miletê me yê Kurd li Sûriyê tê meşandin disekinin, em li ser xebata xwe ya siyasî ya dîmoqratî û aşitî ya ku tevgera siyasî Kurdî ji 50 salî zêdetir wek rasttirîn şêweyê xebatê bikartîne dubare dikin;  em hemî gotinên çewt û xerab ên ku li ser devê kesên winda û veşartî tên belavkirin pirotisto û şermezar dikin. Ew kes dixwazin agirê berberî û nakokiyan gurtir bikin, ew agirê ku qet xizmeta tu beşî ji miletê Sûrî û di pêşî de miletê Kurd nake .

Herweha çi beyan yan daxuyanîyên ku sînorê xebata siyasî ya aştî Kurdî li Sûrî derbas bike, yan xwe li çi karê çekdar bike xwedî, ew bi xwe qet ne ji miletê Kurd yê sûrî ye û ew dixwaze xebata wî ye siyasî ya durist bide êşandin. Bê guman, ew dibe pirojê pîlanekê bi zerertir ji rengekî din li ser rêbaza Kurd ya siyasiya zelal û dikeve xizmeta dijmin û dagîrkerên wî.

Û li ser vê bingehê, em bangewazî miletê xwe yê Kurd li Sûriyê dikin ku şirbe xwe ji van pîlanan biparêze ku hebûna Kurd û tevgera wî ya siyasî ya xebatker dikin ber tunebûnê. Em ji milet hêvî dikin ku agahdar be ku ev beyan û daxuyanî rengekî nû ye ku dujminê miletê me bikar tîne da ku tevgera wî ya welatparêz û xebatên wê yên dîmoqratî bi riya birînkirina rêbaza welatparêzîya durust û çandina nebaweriya pê beravêtî bike .

11.3.2008

Mekteba Siyasî ya

Partiya Demoqrata Pêşverû Kurdî li Sûriyê