Lotika vê carê xweş lotik bû

Dilşad Hewlêrî- 25/01/08- Galaya Kurd bi dawî bû û nûnerên hikûmeta Kurdistanê şaxê Îskandînavyê, vê carê lotikek cuda, lotikek di cîh de avêtin. Di galaya îsal de xelata Kurdê salê giha tîma fûtbolê ya Dalkurd ê. Xelata dostê Kurd ê sala 2008an jî giha projeyek Swêdî ya bi navê “Projeya Qendîlê”. Evê projeyê ji 1992an û bi vir de projeyên hêja li Kurdistanê pêk anîne û bi taybet di bidestxistina ava pakij a vexwarinê de gavên pir baş avêtine.

Bi vê minasebetê em tîma DALKURD û kedkarên Projeya Qendîlê pîroz dikin û hêvîdarin ewê di karê xwe yê pêşerojê de jî biserkevin.

Ji ber vê jî, lotika galaya îsal lotikek cuda û pîroz bû. Fikrek nû, helwestek pêşketîtir bû.

Sibê jî (26.01.2009) galaya Kurdî li Osloya paxtextê Norwêçê tê lidarxistin. Hêvîdarin wê nûnerên hikûmeta Kurdistanê û hemi kedkarên vê galayê biserkevin û lotikên xweş bavêjin.