Kurdistan çar perçe bû, kirin hezar û 10 perçe

 Dilşewat- 28/09/08- Başûrê Kurdistanê-
Ez wek penabereki bakurê Kurdistanê li başûr jiyan dikim. Li axa  dê û bav û kalên xwe penaber im, tiştê ecêb. Li sala 90 û 91ê dema şerê xelîc, em li bakur xwedî li Kurdên başûr (birayên xwe) derketin, me loqma devê xwe derxist da wan û em ne poşman in jî.

   Lê niha Kurdin me yê vira li dewsa ku bêjin Kurdistan, dibêjin pereeeee! Li dewsa ku bêjin Kurd, dibêjin dolarrrrrrr! Li dewsa ku bêjin dewlet, dibêjin eurooooooo! Li dewsa ku bêjin netew, dibêjin zêrrrrrrrrr û neft! Li dewsa ku bêjin bratî, dibêjin jehr û ziqûmmmm!

   Werhasilî kelam, tiştê ku dijmin nakin, Kurd dikin ellawekîl. Kurdistan xistin hezar û 10 perçe.

Gelên vira jî birsî ye, tenê mesûlekan dewlemend in, yanî şevek xwarina mesûlekan 5 hezar dolar in.

Dil ji bo Kurdistanê tê avêtin ne ji bo pere. Niha dilê min jî birîndar e.

Bi rastî wiha dom bike ferqa me û Sedam namîne. Mele Mistefayê nemir Kurdistan diparast, lê mixabin toximê niha Kurdistanê peremperçe dikin.

Wekî din li Kurdên Îranê, Kurdên Sûriyê û Kurdên Turkiyê bi çavekî nebaş temaşe dikin. Endamên asayişên vira dibêjin herin „Kurdistana xwe azad bikin xwelî li ser“ û Kurdistanê cuda û perçe dikin, nîfaqê dixin navbera Kurdan. Bi kurt û Kurmancî em li vir wek Turka nego „sömürüliyoruz“. Yanî, em di welatê xwe de bindest û pîkol in. Heçê bawer neke bila ji kerema xwe bê rewşa me bibîne.

Derd û kulên me pir in wesselam.
 

Kêr gihîşt hestî!!!

Bi xwedê û bi telaqê bê fitîl,  bi gora Pişo Meheme, heger Kurd bibe xwediyê dewlet, dê hevdu bi saxî bixwunnnnnnnnnnn!!!!  Ya rebî ya star. Kes xelet fêm neke, ne ku ez ne bêbawer im lê pratîk, emel  û rastî li ortê ye.
Ji bo min xizmetkirina ji bo Kurdistanê her roj berdewam e

Dilşewat- 28/09/08- Başûrê Kurdistanê