Şikir bikin ku goştê insanan nadin we!

Fehmîyê Garson-12/09/07-Antalya- Di pîşesazîya aşxane û şixulandina otelan de tiştên kesanedî, serpêhatîyên ecêb çêdibin. Hema bêjin di piranîya aşxaneyan de xwarinên kufikgirtî, goştê xerabe û dermanên rengîn bikartînin û qûnê li mişterîyên xwe diqetînin.

   Ji xwe li bajarên tûrîstîk ev bûyer bê hed û bê hesab in. Meselen; li gellek otelên bajarê Antalyayê, goştê berêz wek goştê golik didin xwarin. Ev sextekarî li otelên seranserê Tirkiyê pêk tên.

   Werhasil, dibêjin garsonekî telefonî nivîskarê rojnama Yenî Şafaqê Bekîr Hazar kiriye û gotiye: “ Ez di otelekê de dixebitim, ezabê wîjdên dikşînim. Em di şûna goştê golik de goştê berêz didin mişterîyên xwe” filan û bêvan.

    Îcar mişterîyekî otelekê jî bi vê meselê hisyaye û gotiye:”Şikir ji Xwedê re, şikir go di şûna goştê berêz de goştê insanan nedane me. Ma go di şûna goştê berêz de goştê mirîyên nava mezelan bidana me meyê çi gû bixwara bavo, wey!” û eşheda xwe anîye.

   Werhasilî kelam, heger hûn li Tirkiyê çûn otelekê, xwarin û vexwarina xwe bi xwe re bibin. Tûrik û xurçikên xwe tije xwarin û vexwarin bikin ku Tirk di şûna xwarinê de rîxê û di şûna vexwarinê de jî mîzê nedin we!