Wey aferîn Dûran Yoldaş!

Gerîllayê Bênav-11/09/07-Mexmûr- Li ser bextê rojnama Ozgur Gundemê be, dibêjin endamê rêvebirîya KCK Dûran Kalkan di derbarê makzagona nû de dîtinên xwe anîye zimên û çend lotikên xweş avêtine dewleta virqo.

   Dibêjin Kalkan 5 şert û şirût danîne ber makzagona nû û gotiye:“Ev makzagona nû makzagonek demokrasîya bê Kurd e“ û lotikek li hikûmeta AKP xistiye. Yoldaş Dûran Kalkan van 5 şertên man û nemanê ji himûmeta virqo dixwaze, divê:

1- Nasnama Kurd bê naskirin, di makzagonê de cîh bigre û têkeve bin ewlekarîya makzagonê

2- Bi Kurdî perwerde bê kirin

3- Maf ji Kurdan re bê dayîn ku karibin bi nasnama xwe xwe bihûnin û siyasetê bikin

4- Desthilatdarîyên herêmî bên xurtkirin

5- Astengîyên li ber pêşketina çand û kultura Kurdî bên rakirin û pêşketina kulturî bê destekkirin

Werhasilî kelam, Dûran yoldaş daxwazên maqûl ji dewleta virqo kirine. Bi telaq em jî bi van daxwazan re û hew! Lê xwezî Dûran yoldaş berê hînî Kurdî bibûya, perwerda Kurdî di nav gerîlla de daba destpêkirin û piştre doz li xelkê bikira!

   Niha go Kasimpaşali Receb rabe  bêje:“Yaw qardeşim, tu bixwe bi Tirkî diaxivi, Kurdî nizani û tu radibi doza perwerda Kurdî li me diki, ma ev karê aqilaye cîgerim!“ emê bêjin çi hê, wîî!?