Lotikxane    

           <<  Magazîn, henek, gilî û gazin  >>

Te hinekî behsa Kurdên rojhilat jî bikira baş bû lê de neyse

Diyar Baban- 28/03/08-Mahabad- Li ser bextê gundî û cîranan be, dibêjin kekê me Şêx Edhem Barzanî daxuyanîyek Kurdewarî û tam li gor dilê Lotikxanê belav kiriye û piştgirî daye xebata Kurdên bakur û rojava.

Em wek xebatkarên Lotikxanê û dilşewatên doza Kurd û Kurdistana mezin vê helwesta Şêxê xwe pîroz dikin.

Dibêjin Edhem Barzanî di daxuyanîyê de gotiye:

“ Lêre ez dawayê li her Kurdekî dilsoz dikim, dawayê li hemi partî û rêxistinên siyasî dikim, dawayê li hemî siyasetvan û rewşenbîrên welatparêz dikim, dawayê li hemi rêxistînên civakî û medenî dikim ku piştevaniyê li berxwedana milletê Kurd li bakur û rojavayê Kurdistanê bikin, çunkî eve erkekî pîroz ê netewayetî û ayînî ye û dikevite ser milên herkesekî ku xwe bi dilsozî Kurd û Kurdistanî dizanit“ filan û bêvan.

Wey her bijî! Aha Kurdayetî ev e kaka! Lê xwezî te hinekî behsa Kurdên rojhilat jî bikira û hew!

De neyse, bi xêr û selamet carek din wê Kurdên rojhilat jî têkevin daxuyanîya Şêxê me kek Edhem Barzanî!